Hosea 9:10 - KITABU KITAKATIFU

¹⁰ Yahova avoora, “Lwa ndaanyoora vandu va Isiraeli mulitanga, vaali kuli Mazabibu gamaa mwigendanyama. Lwa ndaalora avaguuga vinyu, galoleka kuli ndoli likuyu liukutanga liengu ku ing'inga yalio. Navuzwa lwa vaza ku kiguru cha Peori, vataanga kusigamira Baali, kandi nonoho vaaloreka kuva avukuvihiririza kuli avanyasaye vavayaanza.

Hosea 9:10 Iomraidhean Croise

1 Avami 16:31

Siyakola vuzwa vwoni kuli vwo mwami Jeroboamu; navuzwa yaavitilira naleta Jezebeli mukaana wu mwami Ezibaali wa Sidoni, ma natanga lisigamira Baali.

2 Avami 17:11

Vasamba kimuli ku vwali vwosi vwa vasigamira misambwa, ni valonda likora lia vandu va Yahova yakunga kutura mu kivala. Vavuukiza uvutima vwa Yahova ni vikolwa viavo vidamanu.

Zaburi 115:8

Yavo avalomba vifananyi yivi kandi avasuuviraa muvio; vave kuli vifananyi via vamali kolomba.

Zaburi 81:12

Kunangwa ndaavaleka vazie mu zinzira ziavo zie kilage, Nokolonda zing'anagani ziavo aveene.

Lwimbu lwa Solomoni 3:6

Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

Isaya 28:4

Uvukumi vukamulukaa vwa vimiliri vuluyayi yavo vulatula ho kuli makuyu gukutanga gi ligesa, agagulwa nukuliivwa nigakenga.

Jeremia 11:13

Avandu vi Ivuyuda vaveeye na avanyasaye avanyingi kuli vaveeye na amadara amanene, agavaveeye nago, kandi avandu va Jerusalemi valomba uvwali uvunyingi kuli zinzira ziveeye mu madaala manene nu kuhaanira ku visiuviliru ku Baali, nyasaye wu kuvihiliriza?

Jeremia 24:2

Kihinda chu kutanga chaali mu na makuyu amalahi ligali agatanga kwenga; kihinda cha kaviri, chaali na makuyu amadamanu ligali, agatanyala kulivwa.

Jeremia 3:24

Navuzwa lisigamira Baali nyasaye wizisoni, limali kokora kogotizi iviayo ni mitugu kandi navana vayaayi na vakana, nivindu viosi iviavaguuga viitu vanyola muliyinzira vudinyu kutura muzing'inga ziakale.

Jeremia 3:25

Gakuduukiraa kogone hasi muzisoni kandi koleke lileganywa lietu likukuniki. Kunyi navaaguuga viitu kumali kwakora uvwoni ku Yahova Nyasaye wiitu haali kanyingi. Sikwatia malago geege mba.”

Jeremia 31:2

Mu changalangwi ndaamanyia zimbavasi ku avandu valii nivahononoki mu likuza. Lwa avandu va Isiraeli valindilira ovososi,

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Hosea 11:1

Yahova avoora, “Lwa Isiraeli yaali mwana inzi ndamuyanza kandi ndamuranga kutura Egebeti kuli mwana wange.

Hosea 13:5

Inzi niye waamulinda mwigendanyama, mu kivala chumu.

Hosea 2:15

Wene yeyo, inzi ndamwiranyira milimi jije jie mizabibu, kandi ndakora Livona liu vudinyu kuva kiliango chi Lisuuvirizwa. Wene yeyo alakandivuliri kuli yativura lwa yaali nakikiri musoleri kandi lwa yaza kutura mu kivala cha Egebeti.

Hosea 4:14

Navuzwa inzi sindavaha mageri kigira yaga mba, kigira munyi aveene mukora ovoheyi namalaya gi Litembeli, kandi harara navo muhaanaa visiuviliru ku vifananyi. ‘Kuli lugano lovoolaa avandu vugira limanyiriza valaduuka mulidiva.’

Hosea 4:18

Niiva kanywa iwaini inyingi, vayanzilira vuraya vwavo nukuva muzisoni kuvita uvukumi.

Amosi 4:5

Muhaane kisiuviriru chu kusandiza chi migadi ja mamera, na mulandizi amakuva gi vihaanwa viumwoyo gwu kwihana nu vuyanzi. Mulandizi kigira yivi nivio vindu via muyanzaa kokora. O, munye avandu vi kivala cha Isiraeli!”

Mika 7:1

O, vayaayi, kivi keveeye ku inzi! Mbeeye kuli mundu oveeye ninzara uvula konyoora amakuyu gukwagula ku misaala kandi amazabibu ku mizabibu. Viganda via mazabibu malahi viosi kandi makuyu gumwayu aganyenyaa goosi gamali kwagurwa.

Livalidza 15:39

Uvuyusi yivu vulava kuli chukwizuliziraku, vuli ing'inga yoosi lwa muheezaa kuvwo, mulizuliza kandi nukutia malago gange. Maku munyi si mulagirung'ana kutura ku inzi nokolonda zinzira zienyu kandi zing'anagani zienyu aveene mba.

Livalidza 18:13

Viosi ni vivyo; mundu woosi wi nyumba yooyo oveeye mutakase anyala kuvilia.

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Kwidzulitsa 32:10

“Yavanyoola nivagendagendaa mu changalangwe, mwigendanyama mwe kesoma kenene ni mbuuza yavakinga kandi yavalinda, kuli anyala kukinga endolero yemoni yeeye.

Kwidzulitsa 32:17

Vahaana visiuviliru ku vanyasaye vitali vigiligali; ku avanyasaye vageni va avaguuga vaavo vavura kumanya, avanyasaye va Isiraeli vavura kolonda malago gaavo.

Kwidzulitsa 4:3

Munyi aveene mwalora aga Yahova yakola ha kiguru cha Peori. Yahova Nyasaye winyu yadiviza avandu vosi avasigamiraa Baali Peori.

Vakalagi 6:32

Kutura ulwene yilwo, Gidioni yamanyikana kuli Jerubali kigira Joashi yavoola, “Leka Baali mwene yikingi mwene; uvwali vwivwe nivwo vwasambulwa.”