Hosea 8:4 - KITABU KITAKATIFU

⁴ “Avandu vange vatovora avami yavo aveene. Vaatovora aviimiliri vugira inzi kumanya. Vaavugura izahabu yavo ni feza kandi nivalomba vifananyi iviaavadiviza.

Hosea 8:4 Iomraidhean Croise

1 Avami 12:28

Kunangwa inyima wukwenyeleriza zing'anagani, mwami Jeroboamu yalomba vimoli viviri vie zahabu. Yavolera vandu veve ndi, “Munyi vandu va Isiraeli, mwaziyange kusigamira Yahova mu Jerusalemi ku ing'inga indambi.”

1 Avami 13:34

Uvwoni yivu ku lovega lwilwe, vwaleeta liononywa ni lidivizwa lie liamiiha lilie ligali.

1 Avami 16:31

Siyakola vuzwa vwoni kuli vwo mwami Jeroboamu; navuzwa yaavitilira naleta Jezebeli mukaana wu mwami Ezibaali wa Sidoni, ma natanga lisigamira Baali.

Jeremia 16:20

Umundu anyala kolomba avanyasaye veve mwene? Awa, niiva yaakakolindio, sivakaveeye avanyasaye ligali mba.”

Ezekieli 18:31

Muleke uvudamanu vwosi vwa mwakoraa, na muve nu mwoyo muhia kandi Roho muhia. Kigira ki munyi avandu va Isiraeli mwenya kukuza?

Danyeli 3:1

Mwami Nebukadineza yaali ni kifananyi chizahabu zimita 27 kuzia igulu kandi vuvambalaru ahimbi zimita 3. Yalaga avandu vakisingilizi mu kereremo cha Dura mu kivala cha Babiloni.

Hosea 13:1

Ku ing'inga yavita, lwa ihiiri ya Efuraimu yamoloma, zihiiri zindi zia Isiraeli ziali nuvuti. Vamanyia liegehiza ku ihiiri ya Efuraimu. Navuzwa vandu vaakora uvwoni ku lisigamira Baali. Kigira yaga, vosi valakuza.

Hosea 13:11

Inzi mali kumuha avami mu vutima vwange, kandi mali kuvatuliza kumunyi muvutima vwange uvululu.

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Hosea 2:8

Si alamanyiriza ndi ni Inzi wamuha uvuswage, Iwaini, amaguta, ifeza kandi izahabu ya yatumikira mu lisigamira Baali mba.

Hosea 8:3

vamala kusuura agaveeye malahi. Kigira yaga avasigu vaavo valavakunga.

Matayo 25:12

Navuzwa yavativulira, ‘Agiligali muvooleraa, Inzi si mumanyi mba!’ ”

Luka 13:25

Mwene inyumba alasingira kandi ahane kiliango; maku lwa munyi musingiraa ichova nukwigulihiza kukiliango nimuvoora, ‘Mwami, kwiguliri!’ Alamutivulira, ‘Inzi simanyi wa muturaa mba.’

Luka 13:27

Navuzwa Mwami alakavoole, kandi ‘Muvooleraa agiligali, simanyi munyi muturaa hayi mba. Tuli imbiri wange, munyi vosi avaakoraa uvudamanu!’

Yohana 10:14

“Inzi mbeeye mwayi mulahi, kandi manyi avaveeye avange, navo avaveeye avange, vamanya inzi,

Vagalatia 4:9

Navuzwa kigira kalunu mumali kumanya Nyasaye, kandi kigira Nyasaye umali kumumanya, munyi munyala ndi kwirana ku mademoni gu vudaka kandi madedekere gamiihaa mu vwerefu? Kigira ki mwenya kandi avatugwa vago?