Hosea 8:14 - KITABU KITAKATIFU

¹⁴ “Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Hosea 8:14 Iomraidhean Croise

1 Avami 12:31

Jeroboamu yumbaka kandi havundu hukusigamira kuzindongozi zie vigulu, kandi yatovola vasaalisi kutura mu zinyumba zitaveeye zie ihiiri ya Levi.

1 Avami 16:31

Siyakola vuzwa vwoni kuli vwo mwami Jeroboamu; navuzwa yaavitilira naleta Jezebeli mukaana wu mwami Ezibaali wa Sidoni, ma natanga lisigamira Baali.

2 Avami 18:13

Mu muhiga gwa komi na ine gwi liamiiha liu mwami Hezekia, Senakeribu, mwami wa Asiria yingilira madaala manene gi Ivuyuda gi zimbinga kandi nagaguuta.

2 Kyetsinyinga 26:10

Yumbaka kandi minaara ji zimbinga mu kivala choosi kandi yayava amaliina manyingi gu kuvungiza mu amazi, kigira yaali ni chayo chi mitugu minyingi hoosi hi vigulu vie madioli mu Shefela kandi mu vireremo. Kigira yayanza uvulimi, yadinyiriza avandu kutaga mizabibu mu kivala chi vigulu kandi kulima kivala kenoru.

2 Kyetsinyinga 27:4

Yumbaka madaala manene mu vigulu vie Ivuyuda, kandi niyumbaka zimbinga ni minaara mu militu.

Zaburi 106:21

Vivilira Nyasaye waali navahonyi, uwaali naakori vikolwa vivie vinene mu Egebeti.

Zaburi 95:6

Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Isaya 17:10

Isiraeli, mumali kwivilira Nyasaye Umuhonyia kandi Umukinga kuli lwanda lwi zinguru. Mu vogono yivwo, musimikaa misaala mu milimi mitakatifu kunangwa muduuki kusigamira munyasaye mugeni.

Isaya 29:23

Lwa muloraa avana va ndimuha, hene yaho mulamanya ndi, Inzi mbeeye Nyasaye, Mutakatifu wa Isiraeli. Mulaamba luyali nukutia inzi ligali,

Isaya 42:13

Yahova atulaa kuzia kulwaana kuli mulwaani aveeye nuvuha kandi yetegeki kulwaana. Aveeye ni lilira lie liihi, kandi lihanzuka liu vulwani; amanyia zinguru zizie ku vasigu veve.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Isaya 43:21

Vaveeye avandu vandelombera umwene, kandi valimba lizominywa liange!”

Isaya 9:10

“Zinyumba ziumbakirwa madafari zigwiiyi hasi, navuzwa kulaziumbakira amagina. Imialiliru ji mikuyu jimali kotemagwa, navuzwa kulaviika midaragwa milahi ligali mbogono vwajo.”

Isaya 9:9

Avandu vosi va Isiraeli, vuli mulala omenya mu lidaala linene lia Samaria, alamanya ndi Yahova umali kokora yaga. Kalunu vaveeye nilielora kandi niliegingira. Vavoola,

Jeremia 17:27

Navuzwa kuduuka vatie nu kulinda. Lidiku lie Lisabato kuva Litakatifu, kandi sigavaduukira kuginga misigo nu kwingira mu virivwa via Jerusalemi ku lidiku lie Lisabato mba. Ni vakora ndio ndahambiza muliru nu kusamba virivwa vie lidaala linene, kandi gulasamba zinyumba ziu vwami ziosi zia Jerusalemi kandi si gunyala kusiminywa mba.”

Jeremia 2:32

Mukaana musoleri anyala kwivilira viukwisiaha vivie vie zahabu, anoho mukaana osererwa anyala kwivilira inguvu yeeye ye keserero? Navuzwa avandu vange vamali kunzivilira ku madiku manyingi agatavalizwa mba.

Jeremia 23:27

Vaganagana ndi amalooto gavavora galakola avandu vange vanziviliri, kuli avaguuga vaavo vanzivilira kandi nivagirung'ana vazia ku Baali.

Jeremia 3:21

Liyoga lihulirika kutura kuzindongozi zie vigulu: navandu va Isiraeli avalira nokogoonya, kigira vamenya muvwoni kandi vayivilira Yahova Nyasaye wavo.

Jeremia 5:17

Valononyia vitagwa vienyu kandi viukulia vienyu; valiita avayaayi na avakaana vinyu. Valasinza mitugu jinyu kandi valononyia mizabibu ni mikuyu jinyu. Liihi liavo liladiviza amadara ginyu gizimbinga agamwasuuvira.

Ezekieli 23:35

Kalunu yaga nigo ga Yahova Wuvunyali avoora, “Kigira ivi umali kunzivilira kandi kungirung'ana, ulanyora mageri kigira uvudamanu vuvwo kandi uvulaya vwuvwo.”

Hosea 13:6

Navuzwa lwa mwaduuka mu kivala kilahi yiki, mwalia kuduuka ni mwiguta. Maku mwatanga liegingira kandi ni munzivilira.

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Amosi 1:10

Kunangwa, ndatuma muliru ku madiji gi lidaala linene lia Tiro, na gulasamba zimbinga zialio.”

Amosi 1:12

Kunangwa ndatuma muliru ku lidaala linene lia Temani na gulasamba zimbinga zia Bozira.”

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.

Amosi 1:4

Kunangwa, ndatuma mulilu ku inyumba yu vwami yumbakwa nu mwami Hazaeli, na ndasamba zimbinga zie zinyumba zio vwami vwa mwami Benihadadi.

Amosi 2:5

Kunangwa ndatuma muliru ku Ivuyuda na ndasamba zimbinga zie lidaala linene lia Jerusalemi.”

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Kwidzulitsa 32:18

Vivilira Nyasaye wavo, muhonyi wi zinguru wavo. Uwavaha livamwoyo.