Hosea 8:13 - KITABU KITAKATIFU

¹³ Vahanaa visiuviliru ku inzi kandi ma valia inyama yukuvisiuviliru. Navuzwa inzi, Yahova, nzilira navo mba, kandi kalunu inzi ndizuliza uvwoni vwavo kandi ndavaha mageri. Inzi ndaviranyia Egebeti!

Hosea 8:13 Iomraidhean Croise

Kutwula 20:3

“Mutasigamiri vanyasaye vandi nataveeye inzi mba.

Kutwula 32:34

Kunangwa kalunu uzie, kwimilira avandu vaduuki havundu ha mali kokovoolera. Wizulizi ndi engelosi wange alakwimilira; navuzwa mu ing'inga yiza lwa ndihaana mageri ku avandu yava kigira uvwoni vwavo.”

Tsing'ano 21:27

Yahova siayanzilira visiuviliru via vandu vachamu mba, siaviyanzilira ligali niiva valahaana niliiva liu vudamanu mba.

Isaya 1:11

Avoora, “Muganaganaa nyenya visiuviliru yivi viosi via muzizagiliraa kuhaana ku inzi? Mali konyoora kuvita kegelo magondi ga musambaa kuli visiuviliru, kandi gi zinyama zing'omeru ligali. Nduhiziywi na masahi gi zigiriki, magondi kandi ni zimburi.

Jeremia 14:10

Yahova avoora yaga kigira avandu yava, “Vayaanza kwiluka kutura ku inzi, kandi sivanyala kwirinda aveene mba. Kulwayago, si vanyanziza mba. Ndiizuliza uvudamanu vwa vamali kokora na ndavaha amageri kigira uvwoni vwavo.”

Jeremia 6:20

Simbugilira ku kimuli chamundetera kutura Sheba anoho ivindu vifunya umwayu kutura mukivala chihale mba? Sindavugilira zisadaka ziavo anoho sindayanzilira ivisiuviliru viavo mba.

Ezekieli 29:16

Avandu va Isiraeli si naverede kumunyi kigira vokonyi mba. Lidivizwa lia vandu va Egebeti nalizulizi avandu va Isiraeli ndi, vaakora vudamanu kwereda ku vandu va va Egebeti. Maku avandu va Isiraeli navamanye ndi Inzi mbeeye Yahova Wuvunyali.”

Hosea 11:5

“Vasuura kwirana ku inzi, na kulwayago kuduuka viirane Egebeti, kandi mwami wa Asiria alakavamiihi.

Hosea 12:11

Navuzwa vifananyi visigamirwa mu Gileadi, kandi yavo avavisigamira valakakuzi. Zigiriki zihaanangwa kuli kisiuviriru mu Giligali, kandi uvwali uwene yeyo navugwi vitumi via magina mu mulimi gwaalimwa.”

Hosea 4:9

Munyi namuhevwe mageri malala mere kuli avandu! Inzi namuhe mageri kandi naamukole namutungi uvudamanu vwa mukoraa.

Hosea 5:6

Vavugura magondi nizing'ombe ziavo kuhaana ku Yahova kuli visiuviliru nu kumwenyeleriza, navuzwa si vamunyoola mba, kigira amali kuvaleka.

Hosea 6:6

Inzi nzegomba munyi kuva nu vuyanzi vwa kazozo navuzwa si nzegomba visiuviliru vinyu viezinyama mba. Inzi nzegomba avandu vange vamanye inze kuvita kuhana vihanwa kuinzi.

Hosea 7:11

Avandu va Isiraeli vaveeye kuli likuulu lisiru kandi vugira zing'anagani. Vanira avandu va Egebeti kigira vokonyi, kandi vanyagura kuzia ku avandu va Asiria!

Hosea 7:16

Vagirung'ana kutura ku inzi nukuzia ku nyasaye utaveeye nizinguru. Vaveeye avandu vataveeye novokonyi kuli uvuta vwavedeka. Kigira aviimiliri vaavo vamoloma niliegingira valakakuzi likuza lilulu, kandi avandu va Egebeti valakavaseke.”

Hosea 7:2

Navuzwa sivamanya ndi inzi ndizuliza zimbi ziavo ziosi mba. Uvwoni vwavo vuvakumbiliza; sinyala kuvula kovolola mba.”

Hosea 9:6

Lwikivi kiduukaa, munyi vosi mulasalana, na vandu va Egebeti valamuvungiza harara, kandi valayavira miviri jinyu mu kivala cha Mefisi! Amafa kandi zindavati zilakunika mavikiru ginyu gi ifeza kandi zilakunika zinyumba zienyu zia mumenyaamu.

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Hosea 9:9

Avandu yava vaveeye avadamanu ligali mu vikolwa viavo, kuli mu madiku gavaali mu lidaala lia Gibea. Nyasaye aliizuliza uvwoni vwavo kandi alavaha amageri.

Amosi 3:2

“Kuzihiiri ziosi ziokulirova, munyi nivo mweng'ine avadamanya nukuvalinda. Yiki nicho kekolaa uvwoni vwinyu kuva vudamanu ligali. Yiki nicho kigira muhe amageri malulu ligali.”

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Amosi 8:7

Yahova, Nyasaye wa Isiraeli, umali kwisuha umwene; kuli mundu wa vandu va Isiraeli vekonyera ku; “Ligali sindivilira miyinzi jaavo midamanu.

Luka 12:2

Kigira choosi ichakunikwa kilakavuulwi, kandi choosi ichaaviswa kilakamanyikane.

1 Vakorintho 11:20

Lwa muvuganaa harara kuli muganda, siliveeye ni lilia liu Mwami lia mu liza mba!

1 Vakorintho 11:29

Ku vosi uliizaa mugadi nu kunwa kutura mu kekombe natamanyiriza kivuni chu muviri gwu Mwami, yeleeteraa likalagirwa kuye mwene.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

Kwidzulitsa 28:68

Yahova alamwilanyia Egebeti mu zimeri kali niiva yavoola ndi simulilana yo kandi mba. Uwene yeyo, mulageriza kwiguliza munyi aveene ku avasigu vinyu kuli avatugwa, navuzwa sihalavaho numundu woosi ulienya kumugula mba.”

Likunula 16:19

Lidaala linene lia Babiloni liavukanywa mu vidonye vivaga, kandi amadara gi izihiiri gaasambwa. Nyasaye yizuliza lidaala lia Babiloni naaliha kekombe chi iwaini linwi, amageri gu uvutima vwivwe ovonene.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.