Hosea 8:1 - KITABU KITAKATIFU

¹ Yahova avoora, “Ukubi kisiriva! Avasigu vaza mukivala change kuli zindizu! Avandu vange vavunanyia lilagana lia inzi ndalomba navo kandi vamali kwibaala ku lilaga liange.

Hosea 8:1 Iomraidhean Croise

2 Avami 18:27

Navuzwa munene wi liihi Rabishake yavavolera, “Muganaganaa ni munyi nu mwami winyu veng'ine vu mwami wange yandumi kumuvolera vindu yivi viosi? Awa, molomaa kandi ku vandu viikaye ku lidigi, avamanya valie amavi gaavo nu kunwa aminyali gaavo, kuli munyi kandi na mukore.”

Isaya 18:3

Muhuliri, munyi avandu vamenyi ku lirova! Muhenze ku kelelero chebendera kiligingwa igulu ku vigulu! Muhulirizi lwi kisiriva kilikubwa!

Isaya 24:5

Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 34:18

Avandu vamali kuvunaga lilagana liange kandi vavuli kutwekiza liiva lie lilagana lia valomba ibiri wange, nambakore kuli kemoli chakaranywamu haali kaviri ma nivavitira hagati hividonye viacho.

Jeremia 4:13

Henza, musigu yaza kuli amalesi. Amagare geege gu vulwani gaveeye kuli imbuza yi kiihi, kandi zibarasi zizie zinyagura vwangu ukuvita izindizu. Kwagota! Kandi kwadiva!

Jeremia 4:5

Mukubi kisiriva mukivala choosi chi Ivuyuda! Muhanzuki vudinyu kandi vulahi! Muvoolere avandu vi Ivuyuda na Jerusalemi vanyaguri kuduuka mu madaala gizimbinga.

Jeremia 48:40

Yahova umali kulaga ndi ihiiri ilabuluka kuli indizu na ilavaambula zimbaha ziayo ku kivala cha Moabu,

Jeremia 49:22

Musigu na yingiliri avandu va Bozira kuli indizu yika hasi nivavambalizi zimbaha. Ku lidiku yilio avasikari va Edomu navatihizwi kuli mukali oveeye mulilumwa liu mwana.”

Jeremia 51:27

“Muhaane kimanyiru chu kwingilira! Mukubi kisiriva kunangwa zihiiri zihuliri! Mwetegekizi zihiiri kulwaana Babiloni! Muvoolere uvwami vwa Ararati, Mini, na Ashikenazi vingiliri Babiloni. Mutovole munene ave mwimiliri wi liihi. Muleete zibarasi kuli muganda gwi zisigi.

Jeremia 6:1

Avandu va Benjamini, mwiruki munyore lihonywa! Muhononoke kutura ku avandu va Jerusalemi! Mukubi kisiriva mu Tekoa kandi mwumbake kimanyiru chu muliru mu Bezi Hakeremi. Kivi ni liononyia viveeye ahimbi kuuza kutura Ivaale.

Ezekieli 11:4

Kunangwa kalunu Mwana wu Mundu oporofete vudamanu vwavo.”

Ezekieli 16:59

Yahova Wuvunyali avoora, “Inzi ndamukolera kuli gamuduukira, kigira mwaregeliza lilagana lienyu kandi nimuvunanyia Lilagana Liandalomba.

Ezekieli 17:3

kunangwa vaduuki kumanya aga inzi Yahova Wuvunyali mboraa kuvo: Yaliho Indizu enene ligali na mavaha malahi ligali kandi zimbaha zindambi ligali ziavambuka. Indizu yiyi yaaburuka nizia ku vigulu via Lebanoni kandi nivunaga endongozi yu musaala gwu mudaragwa,

Ezekieli 7:14

Kisiriva kikubaa ma vuli mundu yetegeka. Navuzwa siaveeye ho kali mulala uzizaa mu liihi, kigira vutima vwa Nyasaye vulava ku vuli mundu woosi keleng'ani.

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Hosea 5:8

Mukubi visiriva viu vulwani mu Gibea! Mukubi kiliri mu Rama! Mukubi liyoga liu vulwani ha Bezaveni! O, munyi avandu va Benjamini, muzie muvulwani!

Hosea 6:7

“Navuzwa ha Adamu vaavunaga lilaga liange, ahene yayo vavura kuva vasuuvirifu kuinze.

Hosea 9:15

Yahova avoora, “Uvudamanu vwavo vwosi vwatangila mu Giligali. Haali hene yaaha handatangira kuvadunyira. Kigira uvudamanu vwa vamali kokora, inzi ndavakunga vatuli mu kivala change. Si ndavayaanza kandi mba. Aviimiliri vaavo vosi vamali kwibaala ku inzi.

Joeli 2:1

Kuba kisiriva; kuba ulwanga ku avandu va Ziyoni, kiguru cha Nyasaye Kitakatifu. Mudegere, avandu vi Ivuyuda! Kigira lidiku lia Yahova lizaa vwangu.

Joeli 2:15

Mukubi kisiriva ku kiguru cha Ziyoni; muhaane lilago lio kohonga lilia na mulange livugana!

Amosi 3:6

Kisiriva chu vulwani kinyala kukubwa mu lidaala linene vugira kokora avandu vatie? Kivi kinyala kuduuka mu Lidaala linene ni kitaleteywi na Yahova?

Amosi 8:3

Ku lidiku liene yilio, zinyimbu mu Litembeli zilagwa izinyimbu zie lisioma. Halava ni miviri ja vakuzu minyingi havundu hoosi. Na jilateevwa makiriri.”

Amosi 9:1

Ndaalora Yahova nasingiyi ahimbi nu vwali. Yahaana malago navoora, “Ukuya vudinyu mitwi ji zitiru zie Litembeli kunangwa imise jiduuki kodegera. Uvunanyie mitwi zana mu vidonye, ma oleke vigwi ku mitwi ja avandu vosi. Ndaza nzite avandu vandi vosi avamanya vatigale mu vulwani. Mundu kali mulala si aliruka, kandi mundu kali mulala sialahononoka mba.

Habakuk 1:8

“Zibarasi ziavo ziveeye ni zimbiru kuvita zingo, kandi ziveeye zinduru kuvita vivwi viveeye ni inzara. Avahiri vi zibarasi vazaa ni vanini kuzio kutura muvivala viveeye ihale; zibarasi ziavo zikwatula malova. Viika kutura ku zibarasi vwangu kuli kihungu kigumi via kihiimaa.

Zefania 1:16

Lidiku lizuiyi liyoga lie visiriva viu vulwani kandi lwanga lwa vasikari vu vulwani avingiliyi madaala gi zimbinga kandi gi minaara mitambi.

Zekaria 11:1

Mwiguli viliango vienyu, O, Lebanoni, kunangwa muliru guduuki kusamba ligali misaala ji midaragwa jinyu!

Zekaria 9:14

Yahova alakaloleke ku vandu veve; alakalase mivano jije kuli loheni. Yahova Wuvunyali alakahuliriki kuli kisiriva; alakagende mu imbuza enene kutura Isavaalu.

Matayo 24:28

“Havundu hi miviri mikuzu jiveeye niho ahi zindizu zievungizaa.

1 Vakorintho 15:52

Lwi kisiriva kilikubwa, avakuzu valakasimugukizwi, kandi sivalikuza kandi mba, na kunyi vosi kulakagilung'anywi.

Kwidzulitsa 28:49

Yahova alaleeta zihiiri ku munyi kutura ihale, ku keheri chi lirova, ihiiri ya munyi mutamanya lulimi lwayo. Valaza hasi vwangu ku munyi kuli liburuka lie kihungu;