Hosea 7:16 - KITABU KITAKATIFU

¹⁶ Vagirung'ana kutura ku inzi nukuzia ku nyasaye utaveeye nizinguru. Vaveeye avandu vataveeye novokonyi kuli uvuta vwavedeka. Kigira aviimiliri vaavo vamoloma niliegingira valakakuzi likuza lilulu, kandi avandu va Egebeti valakavaseke.”

Hosea 7:16 Iomraidhean Croise

Zaburi 12:3

O, Yahova, kiringanyia vandu vavola uvugadi yava! Uhanyie minwa jimolomaa amakuva gu kwigingira nukovola.

Zaburi 12:4

“Kunyi kulaguuta na makuva gaturaa mu minwa jietu, kulavoola goosi ga kugananganaa, na sihaveeye ho nu mundu unyala kukugaya mba.”

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 17:10

sivaveeye nilivererera mu mioyo jaavo kandi vamolomaa ni liegingira.

Zaburi 52:2

Ivi olohizaa muvwivisu kudiviza avandu vandi; lulimi lulwo loveeye kuli logembe lwugi. Ovola uvugadi vwere kazozo.

Zaburi 57:4

Avasigu vange vamali kungumbiriza, vaveeye kuli zisimba ziveeye ninzara izienyaa kulia avandu. Amiinu gazio gaveeye kuli amatimu kandi mivano ju vuta; na zinimi ziavo ziveeye kuli vivavi viugi.

Zaburi 73:9

Vamoloma amakuva gu vudamanu ku Nyasaye wu mwigulu, kandi vahaana amalago gu kwigingira ku avandu vu mulirova.

Zaburi 78:37

Sivali avasuuvirifu kuye mba; sivali avasuuvirifu ku lilagana liavo naye mba.

Zaburi 78:57

Navuzwa vaali avibaali kandi avataveeye vasuuvirifu kuli vaguuga vaavo. Vaali avatasuuvirwa kuli muvano gwu vuta vwavedeka.

Isaya 3:8

Jerusalemi imali kudivizwa! Na Ivuyuda imali kugwa vindu viosi via vavoola kandi via vakoolaa vivihiliriza Yahova; na vanyega Nyasaye; havulavu.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 3:10

Inyima wivindu yivi, Yuda amwavo utaveeye musuuvirifu, wa Isiraeli yagada vuzwayirani ku inzi; siyaali nagiligali mba. Inzi Yahova mali kovora.”

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Ezekieli 23:32

Yahova Wuvunyali avoora, “Ulanyora mageri malala mere, kuli aga mwavo woovo yanyoora; gaveeye manene kandi amalulu. Vuli mundu alakusekeriza kandi alakokolera kehenyahenye; amageri yaga gaveeye maduukiru.

Ezekieli 36:20

Navuzwa havundu hoosi havazizaa hagati hi zihiiri, vononyia lieta liange litakatifu, kali kuduuka vandu nivavoora, ‘Yava vaveeye avandu va Yahova, navuzwa gavadukiraa vatuli mu kivala chiche.’

Danyeli 7:25

Alakachaye Nyasaye wu mwigulu kandi kudambiza vandu veve. Alakagelizi kugirung'anyia malago gi dini kandi masavo. Alakimiliri vandu va Nyasaye ku mihiga givaga ni nusu.

Hosea 11:5

“Vasuura kwirana ku inzi, na kulwayago kuduuka viirane Egebeti, kandi mwami wa Asiria alakavamiihi.

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Hosea 6:4

Navuzwa Yahova avoora, “Inzi nyara kumukoleraki munyi avandu va Isiraeli avandu vi Ivuyuda? Uvuyanzi vwinyu ku Inzi vogotaa vwangu kuli amalesi ga mugambazuri; kandi voveeye kuli iliime likamaa mugambazuri.

Hosea 7:13

“O, vayaayi kivi keveeye kuvo! Vamala koleka inzi kandi nukwibaala kutura ku inzi. Valadivizwa. Inzi ndeenya kuvahonyia, navuzwa vangadaa.

Hosea 9:3

Si mulamenya mu kivala cha Yahova mba, navuzwa mulirana mu kivala cha Egebeti, kandi mulalia viukulia vidamanu mu kivala cha Asiria.

Hosea 9:4

Si mulaleeta vihaanwa vie iwaini ku Yahova mba, kandi si mulamuyaanziza ni visiuviliru vienyu mba. Viukulia vienyu vilava kuli via yavo avasioma, kandi vosi avaalia ku viukulia yivi valoneka. Viukulia yivi vilava kigira inzara yaavo aveene, si valavileeta mu Litembeli lia Yahova mba.

Hosea 9:6

Lwikivi kiduukaa, munyi vosi mulasalana, na vandu va Egebeti valamuvungiza harara, kandi valayavira miviri jinyu mu kivala cha Mefisi! Amafa kandi zindavati zilakunika mavikiru ginyu gi ifeza kandi zilakunika zinyumba zienyu zia mumenyaamu.

Malaki 3:13

Yahova avoora, “Munyi mumali kovora vindu vidamanu ligali kigira Inzi navuzwa muteeva, ‘Kunyi kovooye kindiki kigira ivi?’

Malaki 3:14

Munyi mumali kovora, ‘Ni vuzwa kutumikira Nyasaye. Ni vokonyi ki kokora ga Nyasaye Wuvunyali avoora anoho kugeliza kumumanyia ndi koveeye novovereri ku ga kumali kokora?

Matayo 12:36

“Muve ni lisuuvira ndi, ku Lidiku lie Likalagirwa sa mulala alahaana ilivaliza lia vuli likuva lia yativura.

Luka 8:13

Uvuguza vwagwa ku marova guuku lwanda ni yavo avavuguraa likuva nuvuyanzi. Navuzwa sivaveeye nimiri mba; vasuuvira vuzwa ku ing'inga ngekeeke, navuzwa lwi ing'inga ya magerizu iduuka, vaatura ku lisuuvira.

Yakobo 3:5

Gaveeye ndio kandi nu lulimi: kali ni loveeye ekevero kekekeeke chu muviri, navuzwa lunyala kwikonya ku ivindu vinene. Muhenze kuli umulitu goveeye munene na gusambwa nesese ngekeeke yu umuliru.

2 Petro 2:8

Umundu mulungi oyo yamenya muvo, yasalirizwa mu mwoyo gwigwe madiku manyingi kuli yalora nu kuhulira vikolwa viavo vichamu.

Likunula 13:5

King'ang'a zana chavugilirwa komoloma amakuva gu kwigingira nu kuchaya kandi konyega Nyasaye. Nyasaye yaavugilira king'ang'a zana kuva nu vunyali ku mieli arubaini na mbiri.