Hosea 7:1 - KITABU KITAKATIFU

¹ “Lwa inzi nyenya kohonyia avandu vange Isiraeli nukuvakola vazizagiliri kandi, goosi agandolaa nuvuchamu vwavo kandi nizimbi ziavakola. Vagaadana aveene ku aveene; viguula muzinyumba niviva; vanuraa vandu muzinzira.

Hosea 7:1 Iomraidhean Croise

Isaya 28:1

O, vayaayi, kivi keveeye ku vwami vwa Isiraeli! Uvukumi vwavwo vukamulukaa kuli kimuli ku mitwi javimiliri vaavo vahambiku. Mitwi jaavo juluyayi jivakiywi maguta gafunyaa mwayu, navuzwa vaagoni hene yaho avahambiku kuvita kegero.

Isaya 59:12

“Yahova, mahiolo giitu gaveeye manyingi imbiri woovo. Amahiolo giitu gaveeye ni kunyi kazozo, kandi kunyi kumanya uvwoni vwitu vwosi ligali.

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Isaya 59:14

Likalaga lirungi liviikiywi halovega, na uvulungi vusingiyi ihale. Agiligali gikigitaye nukuduvagwa mu viina; na uvusuuvirifu sivunyala konyoora ovogono muzio mba.

Jeremia 51:9

Avageni vamenyi mu kivala yicho vavoola, ‘Kwageliza kokonya Babiloni, navuzwa sikwanyala mba. Gendi kuvaleke kalunu na kwilane mukivala chiitu. Nyasaye amali kuhaana amageri ku vandu va Babiloni ni zinguru zizie ziosi kandi umali kuvadiviza ligali.’ ”

Ezekieli 16:46

“Mukaana winyu munene ni Samaria omenyi na vakana veve Ivaale winyu; mukaana winyu mukekeeke ni Sodoma omenyi Isavaalu harara na vakana veve.

Ezekieli 23:4

Mukaana munene yalangwa Ohola; liveeye kovora ‘Samaria,’ nu mukaana mukekeeke yalangwa Oholiba; liveeye kovora ‘Jerusalemi.’ Ndaavavugura ma nivagwa vakali vange, niviivura vana vakana na vayaayi.

Ezekieli 24:13

Munyi avandu va Jerusalemi, vikolwa vienyu vidamanu vimali kumwonogonyia. Kali niiva ndaageriza kumukola muve avanifu, navuzwa simwenya kuva avanifu mba. Munyi simulava avanifu kandi mba, kuduuka lwa nambane amageri gange amalulu ku munyi.

Hosea 10:5

Avandu vamenyi mu lidaala lia Samaria valava nuvuti kandi valasioma kigira igiriki yu mugasa ha Bezaveni. Yavo harara na avasaalisi vatumikira kifananyi valagilirira kigira uvukumi vumali kutulizwa kuyo.

Hosea 11:12

Yahova avoora, “Avandu va Isiraeli vakumberizi novovehi kandi nuvugadi. Avandu vi Ivuyuda vakikiri avibaalu ku inzi, Nyasaye musuuvirifu kandi Mutakatifu.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Hosea 12:1

Vuli kindu cha avandu va Isiraeli vakoola kutura mugamba zuri kuduuka vudiku, keveeye icha vuzwa kandi ichilidiviza. Vugadi kandi vikolwa viekirage viameedeka muvo. Valomba malagano navandu va Asiria kandi vahiraa maguta gimizeituni mu Egebeti.”

Hosea 12:2

Yahova aveeye namayalo ku vandu vi Ivuyuda. Azizaa kandi kuhaana mageri ku avandu va Isiraeli kigira likora liavo. Alavatuunga ku agavamali kokora.

Hosea 4:17

Avandu va Isiraeli vayanzizwa nivifananyi ligali. Muvaleke vave.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Hosea 5:1

“Muhuliri yaga, munyi avasaalisi! Muhulirizi munyi avandu va Isiraeli! Muhuliri, munyi avandu vinyumba yu vwami! Gamuduukira muhaane likalaga liveeye lirungi. Munyi mulakalagirwa! Kunangwa likalagirwa lilaaza kumunyi! Munyi mumali kugumira avandu kigira lisigamira misambwa ha Mizipa, kandi ku Kiguru cha Tabori.

Hosea 6:4

Navuzwa Yahova avoora, “Inzi nyara kumukoleraki munyi avandu va Isiraeli avandu vi Ivuyuda? Uvuyanzi vwinyu ku Inzi vogotaa vwangu kuli amalesi ga mugambazuri; kandi voveeye kuli iliime likamaa mugambazuri.

Hosea 7:13

“O, vayaayi kivi keveeye kuvo! Vamala koleka inzi kandi nukwibaala kutura ku inzi. Valadivizwa. Inzi ndeenya kuvahonyia, navuzwa vangadaa.

Hosea 8:5

Inzi mbihirirwa igiriki yi ifeza ya avandu vilidaala linene lia Samaria vasigamira. Mbeeye nu vutima navo. Navazizagilira kokora ndio kuduuka ing'inga ki valazizagilira kusigamira vifananyi viavo kuduuka ng'inga ki?

Hosea 8:9

Avandu va Isiraeli vavoyavoya veng'ine kandi vaveeye kuli zihiiri zindi kandi kuli zibunda ziu muvulimu. Vamali kuzia nukwenya vokonyi kutura ku avandu va Asiria, kandi vamali kutunga zihiiri zindi kunangwa zivakingi.

Amosi 3:10

Yahova avoora, “Avandu yava sivakora agaveeye amalahi mba, avaviika ivindu via vanura nukwivila avandu mu zinyumba ziavo.

Amosi 3:9

Mwilwaze ku zimbinga zio vwami mu kivala cha vandu va Siria, na ku zimbinga zio vwami mu kivala cha Egebeti, na muvoore: “Muvugane harara ku vigulu via Samaria na mulole ligoyana linene ni lidambizwa liayavo avaaveeye hagati havio.”

Amosi 8:14

Yavo aviisuhaa ku lieta lia Ashima, umunyasaye wa Samaria, avavooraa, ‘Ku Nyasaye wa Dani’; anoho ‘Kunzira ya Beerisheba’; valagwa na sivalavuka kandi mba.”

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Luka 13:34

“O, vayaye munyi avandu va Jerusalemi! Ivi Jerusalemi, wita avaporofeti, nulasa amagina avatumwa va Nyasaye atumaa ku ivi! Ndayeenyaa kuvungiza harara avana vovo kuli engoko ivungizaa viminyu viayo muzimbaha ziayo haali kanga, navuzwa munyi simwa mbugilira!

Luka 19:42

navoora, “Ndakayanzi ligali niiva munyi mwakamanyi ku lidiku linu vindu via mwenyeka muve navio, ku muve ni mirembe. Navuzwa kalunu vivisiywi kutura mu zimoni zienyu.