Hosea 6:8 - KITABU KITAKATIFU

⁸ Lidaala lia Gileadi lia yizula vandu vadamanu kandi avarumindi.

Hosea 6:8 Iomraidhean Croise

2 Samweli 20:8

Lwa vaduuka ku lwanda lonene ha Gibeoni, Amasa yaavaganira. Joabu yaali niyiviiki zinguvu ziu vulwani, ni kivavi mu lwula lwacho nilovoheywi ku musibi gwigwe. Lwa yazia imbiri, kivavi chaagwa hasi.

2 Samweli 3:27

Lwa Abineri yaduuka mu Heburoni, Joabu yamuhira halovega ha kirivwa, kuli uwenyaa komoloma naye mu mambisu, na uwene yeyo yaamutooza munda. Nandio Abineri yitwa kigira naye yita Hazaeli amwavo Joabu.

1 Avami 2:5

“Kindu kindi keveeye ho, wizulizi kumanya icha Joabu yakola ku inzi ku liita lia avanene vaviri va mahi ga Isiraeli, Abineri muyaayi wa Neri na Amasa muyaayi wa Jezeri. Wizulizi kuli yaviita mu ing'inga yi mirembe mu livaanza kisaalia kigira valeta likuza mu ing'inga yuvulwaani. Yita avandu, vatali nimbala, na inzi kalunu ndulwa ligali ku ga yakola.

Zaburi 10:8

Yivisa mu madaala kogoneka, aduuki kwita mu vwivisu avandu vatali niimbala. Asetaa nukuhima avadedekere.

Zaburi 141:4

Utaleka mwoyo gwange gukayilwi kokora uvudamanu mba, kandi utaleka mbe ni lihambana harara na vandu vadamanu mu vudamanu vwavo mba, kandi mbule kusanga mu lisangala lie lilia liavo mba.

Zaburi 59:2

Ombonyie ku yavo avakolaa uvudamanu. Ombonyie kutura ku yavo avalumindi!

Isaya 59:6

Miluvu ja valomba kutura ku zimbusi zie zimbuvi sivanyala kwikunika ni viavaanavaa mba. Miyinzi jiavo jiveeye miyinzi ju vudamanu kandi vikolwa viekirage viveeye mu amakono gaavo.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Hosea 12:11

Navuzwa vifananyi visigamirwa mu Gileadi, kandi yavo avavisigamira valakakuzi. Zigiriki zihaanangwa kuli kisiuviriru mu Giligali, kandi uvwali uwene yeyo navugwi vitumi via magina mu mulimi gwaalimwa.”

Hosea 12:12

Guuga wiitu Yakobo yiruka nazia Mesopotamia, uwa yakolera wundi mundu miyinzi jukulinda magondi geege kunangwa anyoore mukali.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Hosea 5:1

“Muhuliri yaga, munyi avasaalisi! Muhulirizi munyi avandu va Isiraeli! Muhuliri, munyi avandu vinyumba yu vwami! Gamuduukira muhaane likalaga liveeye lirungi. Munyi mulakalagirwa! Kunangwa likalagirwa lilaaza kumunyi! Munyi mumali kugumira avandu kigira lisigamira misambwa ha Mizipa, kandi ku Kiguru cha Tabori.

Mika 7:2

Sihaveeyeho nu mundu mulungi utigaye ku lirova mba, sihaliho nu mulala oveeye musuuvirifu ku Nyasaye mba. Vosi vagoneka vaduuki kwita. Vosi vahimana nu mutego.

Vikolwa 25:3

nayanza avakolere amalahi ku lileeta Paolo Jerusalemi. Vaali nivalohizi vamugoneke kunzira vamwiti ku.

Joshua 21:38

Vanyoola madaala gane kutura mu kivala chi ihiiri ya Gadi. Madaala manene yaga gaali Ramozi mu Gileadi. Iliali lilala ku madaala guvuhaliru, Mahanaimu