Hosea 6:6 - KITABU KITAKATIFU

⁶ Inzi nzegomba munyi kuva nu vuyanzi vwa kazozo navuzwa si nzegomba visiuviliru vinyu viezinyama mba. Inzi nzegomba avandu vange vamanye inze kuvita kuhana vihanwa kuinzi.

Hosea 6:6 Iomraidhean Croise

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

Zaburi 50:8

Inzi si ndamugondokera kigira visiuviliru vienyu, kinga vihaanwa vienyu viu kusambwa via muletaa imbiri wange kazozo mba,

Tsing'ano 21:3

Kokora gaveeye malungi kandi gilikalaga lirungi, gayaanziza Yahova kuvita kumuletera visiuviliru.

Kohelethu 5:1

Ohenze vogeri lwa wingira mu Litembeli lia Nyasaye. Voveeye vulahi kwingira mu nu kwiga kuvita kuhaana visiuviliru kuli vandu vasiru vakora, vandu vatamanyi vulungi nu vudamanu.

Isaya 1:11

Avoora, “Muganaganaa nyenya visiuviliru yivi viosi via muzizagiliraa kuhaana ku inzi? Mali konyoora kuvita kegelo magondi ga musambaa kuli visiuviliru, kandi gi zinyama zing'omeru ligali. Nduhiziywi na masahi gi zigiriki, magondi kandi ni zimburi.

Isaya 58:6

“Liiva lie lihonga lilia lia nyenya ni yili: Mutulizi ho minyororo ji lidambiza kandi iniira yi likalaga litali lirungi, na muleke avadambizwa navatugwa vave vavoholole.

Jeremia 22:16

Yaali ni likalaga lirungi ku avadaka, kandi vwali vulahi kuye. Yiki nicho kivuni kumanya Yahova.

Jeremia 7:22

Ing'inga ya ndaaleeta avaguuga vinyu kutura mukivala cha Egebeti, si ndavaha amalago kigira vihaanwa viu kusaamba mba, anoho visiuviliru vindi viosi mba.

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Hosea 2:20

Ndamukora muve avandu vange mu vusuuvirifu kandi mulamanya ndi Inzi mbeeye Yahova.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Hosea 8:13

Vahanaa visiuviliru ku inzi kandi ma valia inyama yukuvisiuviliru. Navuzwa inzi, Yahova, nzilira navo mba, kandi kalunu inzi ndizuliza uvwoni vwavo kandi ndavaha mageri. Inzi ndaviranyia Egebeti!

Amosi 5:21

Yahova avoora, “Ndunyiraa amasavo ginyu gi idini. Sinyanzizaa na mavugano ginyu gizidini mba.

Mika 6:6

Nyara koletera kindiki Yahova, Nyasaye wu mwigulu, lwa nziza imbiri weve kumusigamira? Nyara kumuletera vimoli vinetu nu kusaamba vive kuli vihaanwa kuye?

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Matayo 12:7

Mang'oda Matakatifu gavoora, ‘Izimbavasi nizio zia inzi nyenya, sinyenyaa ivisiuviliru vie zinyama mba.’ Niiva ligali mwali munyala kumanya ikivuni chi livoora yili, simwakanyala kukalagira avandu avataveeye na mahiolo mba;

Matayo 5:7

“Vaveeye nuvugasu avaveeye nizimbavasi, kigira valaverwa zimbavasi.

Matayo 9:13

Muzie kwiga kivuni cha amakuva yaga: ‘Nyenya zimbavasi, si nyenya visiuviliru mba.’ Sindaaza kulanga avandu avalungi, navuzwa avoni.”

Marko 12:33

Kuduuka umundu ayaanze Nyasaye nu mwoyo gwigwe gwosi, ni zing'anagani zizie ziosi, ni zinguru zizie ziosi; kandi kuduuka ayaanze umutende weve kuli yiyanzaa mwene. Likuva yili liveeye ilinene kuvita kuhaana visiuviliru vindi viosi ku Nyasaye.”

Joshua 5:5

Avandu vosi avaatura Egebeti vaali nivamara kokevwa, navuzwa avayaayi vosi vivulirwa mu changalangwe, mu ing'inga yologendo kutura Egebeti, vaali nivakikiri kokevwa.

1 Yohana 2:3

Nikuva ni kolonda amalago ga Nyasaye, maku, koveeye na agiligali, ndi kwamumanya.

1 Yohana 3:6

Kunangwa, umundu woosi omenya mu lihambana na Kristo siazizagilira kokora uvwoni. Navuzwa mundu woosi uzizagilira kokora uvwoni, siyamulola, kandi siyamanya Kristo kali hakuzu mba.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.