Hosea 6:5 - KITABU KITAKATIFU

⁵ Kunangwa inzi mali kutuma avaporofeti vange ku munyi na makuva gange kumukalagira kandi kumudiviza. Aga inzi nyenya kutura kumunyi ni yaga:

Hosea 6:5 Iomraidhean Croise

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

1 Avami 14:6

Navuzwa lwa Ahija yahulira liza lilie mu kiliango, yavoola, “Yingira. Inzi manyi ndi ivi oveeye mukali wa Jeroboamu. Kigira ki wekolaa kuva mundu wundi? Mbeeye na makuva madamanu ku ivi.

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 18:17

Lwa Ahabu yamulola, yavoola, “Ng'ani oveeye hano! Mudambizi munene kuvita vosi mu Isiraeli!”

1 Avami 19:17

Mundu vosi ohononoka avuli kwitwa na Hazeli aliitwa na Jehu, kandi mundu woosi ohononoka ku Jehu, aliitwa na Elisha.

2 Avami 1:16

namuvolera, “Yiki nicho cha Yahova avoora: ‘Kigira utumi avatumwa koteeva amakuva ku Baalizebubu, munyasaye wa Ekironi kuli sihali na Nyasaye mu Isiraeli wa uteeva makuva, siulahona ligali mba; ivi ligali ulakuza!’ ”

2 Kyetsinyinga 21:12

Muporofeti Elija yatuma ibarwa ku mwami Jehoramu kovora, “Yahova, Nyasaye wa guuga woovo Daudi, aduraa ivi kigira si walonda liiva lia baba woovo, mwami Jehoshafati, anoho lia guuga woovo, mwami Asa mba.

Ayubu 15:30

kandi si alahononoka kutura mu kisundi mba; alava kuli musaala gwi zisia zitemangwa ma ziviikwa mu muliru ma ziaduka, na Nyasaye alamuhuuza nu vukindu kuli kimuli na alatulaho.

Ayubu 34:10

Mbulirizi, munyi avandu vilimanya linyingi? Nyasaye Wuvunyali anyala kokora agaveeye madamanu?

Zaburi 119:120

Mbeeye nuvuti vonene kigira ivi; nzizuuyi uvuti kigira likalaga liilio.

Zaburi 37:6

Yahova alakola uvulungi vuvwo vong'ereng'ane kuli uvulavu vuturaa ku iliuva.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Jeremia 1:10

Kalunu ngohezanga zinguru ku zihiiri kandi ku vwami, kwiha kandi kusambula, kudiviza kandi kutung'aminya, kwumbaka kandi kusimika.”

Jeremia 1:18

Kalunu mali kukokola ove kuli lidaala lie imbinga enene, itiru yi kivia, lidigi liu mugasa usingili vudinyu nu kuhingira kivala choosi, avami vi Ivuyuda, avanene vacho, avasaalisi vacho, kandi na avandu vi kivala chene yiki choosi.

Jeremia 13:13

Kunangwa uvavoolera ndi, Inzi Yahova, mboraa ndi, ndanwehiza vandu vikivala yiki iwaini kuduuka lwa vahambika: avami avaveeye visukululwi via Daudi, avasaalisi, avaporofeti kandi avandu vosi avamenyi mu jerusalemi.

Jeremia 23:29

Likuva liange liveeye kuli muliru kandi kuli inyundu ivunanyiaa zinyanda muvidonye.

Jeremia 5:14

Yahova Nyasaye Wuvunyali yambolera, “Kigira vamali kovora makuva yaga, ndakora makuva gange gave kuli muliru mu minwa jiinyu, na avandu valava kuli zingu, na muliru gulavasamba ligali.”

Ezekieli 11:4

Kunangwa kalunu Mwana wu Mundu oporofete vudamanu vwavo.”

Ezekieli 3:9

Ndakokola ove utanyala kusundwa kuli lwanda, mudinyu kuli ligina liuvuguli; utatia vibaali yavo mba.”

Ezekieli 32:18

Yavoola, “Mwana wu Mundu,” usiome kigira vandu vanyingi va Egebeti. Uvaviiki mu kivala cha vakuzu harara ni zihiiri zindi zie zinguru.

Ezekieli 43:3

Amalola yaga gaali kuli amalola gandalola lwa Nyasaye yaza kudiviza lidaala lia Jerusalemi, kandi kuli amalola gandalola ahimbi nu mugera gwa Kebari. Maku ndaagwa hasi mamumama.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Vikolwa 7:31

Lwa Musa yalora yaga, yaagenya lilola yilio muno. Lwa yisunda ahimbi kohenza; yahulira mwoyo gwu Mwami ni govoora;

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Vafeso 6:17

Mwiviki igudwa yo vohonyi, kandi muvuguli kivavi cha Roho Mutakatifu, nacho ke veeye likuva lia Nyasaye.

Vahebraina 4:12

Likuva lia Nyasaye liveeye mwoyo, kandi liveeye nizinguru, kandi liveeye liugi kuvita kivavi chu vwugi zimbega ziombi. Litumitaa kuduuka hu mwoyo na roho viaganiraa, kuduuka hi viungu nuvuhaale viaganiraa. Likalagira liegomba kandi zing'anagani ziu mwoyo gwu mundu.

Likunula 1:16

Mu mukono gwigwe umulungi yaali ni zing'ereng'ani saba. Kivavi ichuugi izimbega ziombi chatula mu munwa gwigwe. Na mu moni mwimwe mwang'ereng'ana kuli liuva mbasu hagati.

Likunula 2:16

Kalunu wiganiri kutura mu vwoni vuvwo. Nuuva nutiganira, ndaaza vwangu ku ivi nu kulwaana na avandu yavo ni kivavi kitulaa mu munwa gwange.

Likunula 9:15

Zingelosi vane yavo vavoholorwa avaari nivategekiziywi kwita kidieli kilala ku vivaga via avandu kigira isa yeyo, ni lidiku yilio, nu mweli yigwo numuhiga yigwo.

Likunula 9:21

Kandi siviganira ku vwiti vwavo kuvukumu vwavo, kovoheyi vwavo, anoho ku uvwivi vwavo mba.

1 Samweli 13:13

Samweli yamuvolera, “Okoli kindu chu vusiru. Watia malago ga Yahova Nyasaye woovo akoheeye mba. Ulatia, yaali yakaleki ivi harara ni kisukururwi chicho ukwaamiiha ku Isiraeli mihiga ni mihiga.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.

1 Samweli 15:32

Samweli yavoola, “Ndeteri Mwami Agagi hano mwami wa vandu va Meleki.” Agagi yaza kuye nuvuluviliri, naganagana mu mwoyo gwigwe, “Vululu vwi likuza vumali kohera.”

1 Samweli 15:33

Samweli yavoola, “Kuli kivavi chicho chakola avakali vanyingi kuva vugira avana, nindio kandi mama woovo alagwa vugira umwana.” Kandi yaatemanyia Agagi mu vidonye imbiri wa Yahova ha Giligali.