Hosea 6:11 - KITABU KITAKATIFU

¹¹ “Na munyi avandu vi Ivuyuda, mali kulaga ing'inga yukuhaana mageri ku munyi kigira vikolwa vinyu vidamanu via mukoraa.

Hosea 6:11 Iomraidhean Croise

Ayubu 42:10

Maku, lwa Ayubu yaali ni yakasaala valina veve vavaga, Yahova yamugasiza kandi naamuha ivindu haali kaviri kuvita ivia yaali navio maziambiri.

Zaburi 126:1

Lwa Yahova yaakwiranyia mu Jerusalemi kutura mu vuhambe, gaali vuzwa kuli amalooto!

Zaburi 85:1

O, Yahova, Ivi waaveera avandu vovo zimbavasi ligali; Ivi umali kokora avandu va Isiraeli kuzizagilira komeedeka mu vugasu.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 51:33

Nonoho avasigu valavatuula hasi nukuvaduvagiraho kuli uvuswage koloze. Inzi, Yahova Wuvunyali, Nyasaye wa vandu va Isiraeli mali kovora.”

Joeli 3:13

Ziveeye ziu vuchamu ligali, ndazitemagira hasi kuli vuswage mu ing'inga yiligesa; ndazishonolanyia kuli mizabibu jishonolanywa mulimiina lie iwaini yizuuye duu.”

Mika 4:12

Navuzwa zihiiri yizi sizimanyi agaveeye mu zing'anagani zia Yahova mba. Si zimanyirizi ndi zivungiziywi harara kohevwa amageri kuli vuswage voletwa koloze ma vuhuulwa.

Zefania 2:7

Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.

Likunula 14:15

Na engelosi yindi yatura mu Litembeli, nihanzuka nu mwoyo munene, nevolera uyu uwikala ku lilesi, “Leeta engonono yooyo ogese, kigira ing'inga yi ligesa imali kuduuka.”