Hosea 5:5 - KITABU KITAKATIFU

⁵ Liegingira lia avandu va Isiraeli lilolekaa muvo. Uvwoni vwavo vuvakolaa vikigitara kandi kugwa, kali avandu vi Ivuyuda vikigitara ma vaagwa harara navo.

Hosea 5:5 Iomraidhean Croise

Tsing'ano 11:21

Ove ni lisuuvira ndi avandu vadamanu valanyora mageri, navuzwa valungi valahononoka.

Tsing'ano 11:5

Vusuuvirifu volomba livamwoyo liu mundu mulungi kuva lilahi, navuzwa mundu muchamu yeletera ligwa mwene.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Tsing'ano 24:16

Vandu valungi vagwiza haali saba kandi vavuuka, navuzwa kivi kiladiviza vandu vuvuchamu.

Tsing'ano 30:13

Vaveeye ho na vandu valala avaganaganaa ndi vaveeye valahi ligali oh, henza kuli vaganagana vaveeye valahi ligali!

Isaya 3:8

Jerusalemi imali kudivizwa! Na Ivuyuda imali kugwa vindu viosi via vavoola kandi via vakoolaa vivihiliriza Yahova; na vanyega Nyasaye; havulavu.

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Isaya 44:9

Vosi avalomba vifananyi vaveeye hazwa, na avanyasaye va vayanzilira sivaveeye novokonyi mba. Yavo avasigamiraa avanyasaye yava vaveeye avavoku kandi sivamanyi kindu kali hakuzu, kandi valava mu zisoni!

Isaya 59:12

“Yahova, mahiolo giitu gaveeye manyingi imbiri woovo. Amahiolo giitu gaveeye ni kunyi kazozo, kandi kunyi kumanya uvwoni vwitu vwosi ligali.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Jeremia 2:19

Uvudamanu vwinyu aveene vulamuha amageri, kandi ligirung'ana lienyu kutura ku inzi lilamukalagira. Muliiga kuli voveeye vuvi kandi vululu, koleka inzi, Yahova Nyasaye winyu, kandi kuvula kuva avasuuvirifu kuinzi. Inzi Mwami Munene Yahova Nyasaye Wuvunyali mali kovora.”

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Hosea 4:5

Munyi mwigatalaa mbasu navudiku harara navaporofeti. Kunangwa ndadiviza Isiraeli mama vinyu.

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.

Hosea 7:10

Liegingira lia avandu va Isiraeli livalolekiza. Kali niiva ivindu viosi viamala kwekoleka, sivayirana ku inzi Yahova Nyasaye wavo anoho konyenya mba.

Hosea 8:14

“Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Amosi 5:2

“Mukaana mugima, Isiraeli umali kugwa, kandi sialavuka! Ogooni hasi kumalova, nu mundu sialamukonya kuvuka mba.”

Matayo 23:31

Ku yaga mwiyamaa aveene ndi muveeye ivisukulurwi via yavo aviita avaporofeti.

Luka 19:22

Mwami weve yamutivulira, ‘Ivi mutumikiri mudamanu ndatumikira makuva googo ivi mwene kukukalagira. Ivi wamanya inzi mbeeye mundu mululu, mbugura chandavula kuviika kandi ngesaa aha ndaavura kumiza?