Hosea 5:15 - KITABU KITAKATIFU

¹⁵ “Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Hosea 5:15 Iomraidhean Croise

Litanga 42:21

kandi ni vavolerana aveene ku aveene, “Yee, kalunu kusalira kigira mahiolo ga kwakolera amwavo wiitu; kunyi kwalola ikivi kenene chayalimu lwa yenya vokonyi, navuzwa si kwahulira mba. Yiki nicho kivuni kigira nikuva mu vudinyu yivu kalunu.”

2 Kyetsinyinga 7:14

niiva vasaala ku inzi nukwiganira kandi vagirung'ane kutura ku vudamanu vwa vakolangi, maku nda vahulira mwigulu nu kusamiiha uvwoni vwavo, nokokola kivala chavo keve nilizizagilira lilahi imbiri niligasizwa.

Ayubu 33:27

Alavoora imbiri wa vandu vosi, “Ndamala kwona, na sindakola malungi mba, navuzwa Nyasaye siyamba amageri mba.

Zaburi 107:13

Maku vanira ku Yahova mu vudinyu vwavo, na yavahonyia kutura mu kivi chavo.

Zaburi 107:19

Maku vanira ku Yahova mu vudinyu vwavo, naye yavahonyia mu kivi chavo.

Zaburi 107:28

Maku vanira ku Yahova mu vudinyu vwavo, naye yavahonyia kutura mu kivi chavo.

Zaburi 107:6

Maku vanira Yahova kutura mu vudinyu vwavo, Yahova yavahonyia mu lidambizwa liavo.

Zaburi 132:14

“Yaaha niho aha inzi ndimenya mihiga ni mihiga; kandi ha nyenya kwamiiha.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 78:34

Lwa Nyasaye yitaa valala kuvo, avandi vosi avatigara viirana kuye; niviganira nukwanira kuye nu mwoyo gwosi.

Zaburi 83:16

O, Yahova viika avandu yava mu zisoni zinene, kandi uvakole vamanye zinguru zizio.

Tsing'ano 8:17

Nyanza yavo vanyanza; uyu onyenyaa alanyoola.

Isaya 18:4

Yahova yambolera, “Ndahenza galaha kutura mwigulu kuli iliime lielomba machiriri mu vudiku vwu luya mu ing'inga yo kogesa, kandi kuli iliuva liaka mu ing'inga ya mbasu.

Isaya 26:16

O, Yahova, oheeye avandu vovo mageri, na mu vuzunu vwavo vululu, vasaala ku ivi.

Isaya 26:21

Yahova yaazaa kutura mu vomenyo vwivwe vwu mwigulu ukuhaana mageri ku avandu vu mulirova kigira uvwoni vwavo. Avandu aviita vandi mu vwivisu ku lirova valavulika, kandi lirova sililavisa yavo avamala kwitwa mba.

Isaya 26:9

Ngwegomba nu mwoyo gwange gwosi uvudiku vwosi lwa ukalagiraa lirova harara na vandu valio, vosi valiiga uvulungi vuveeye ki.

Jeremia 2:27

Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Lisyoma lya Jeremia 3:40

Leki kogelizi kandi kwehenzelizi zinzira zietu, kandi kwirane ku Yahova!

Ezekieli 10:4

Uvukumi vwa Yahova vwatula ku vakerubi nivuzia mu vwingiliru vwi Litembeli. Maku amalesi gakunikaa Litembeli, no vong'ereng'anu vwu vukumi vwa Yahova vwakunika mugizi gwi Litembeli.

Ezekieli 11:23

Maku vukumi vwatula mu lidaala linene kandi nivuzia mu kiguru Ivugwi walio.

Ezekieli 20:43

Maku mulakizulizi vindu viosi vie zisoni via mwakora kandi kuli mweyonogonyia. Mulakave ni livihiririzwa aveene kigira vindu vidamanu viosi via mwakora.

Ezekieli 36:31

Maku mulakizulizi likora lienyu lidamanu kandi vikolwa vienyu vitali vilahi. Mulakave ni livihirirwa aveene kigira uvwoni vwinyu kandi kivihiri chiinyu.

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Ezekieli 8:6

Nyasaye yambolera, “Mwana wu Mundu, ololaa agekolekaa? Henza ku vindu viukuvihiliriza yivi via vandu va Isiraeli vakora hano, kongola kuzia ihale ligali kutura hatakatifu hange. Ulalola kali vindu viukuvihiliriza vinyingi kuvita yivi.”

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Hosea 5:6

Vavugura magondi nizing'ombe ziavo kuhaana ku Yahova kuli visiuviliru nu kumwenyeleriza, navuzwa si vamunyoola mba, kigira amali kuvaleka.

Mika 1:3

Yahova yaazaa kutura hatakatifu hehe; aliika hasi na alagenda ku zindongozi zie vigulu.

Livalidza 21:7

Avandu vazia ku Musa ni vamuvolera, “Kwakora vwoni lwa kwigana ku Yahova harara nivi, kalunu kusaala ku Yahova atuliziho zinzoka yizi.” Maku Musa yasaalira vandu.

Luka 13:25

Mwene inyumba alasingira kandi ahane kiliango; maku lwa munyi musingiraa ichova nukwigulihiza kukiliango nimuvoora, ‘Mwami, kwiguliri!’ Alamutivulira, ‘Inzi simanyi wa muturaa mba.’

Vakalagi 4:3

Jabini yaali na magare miatisa gi kivia, na yamiha avandu va Isiraeli nu vululu kandi ni zinguru ku mihiga sirini. Maku vandu va Isiraeli vanira Yahova avakoonye.