Hosea 4:6 - KITABU KITAKATIFU

⁶ Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Hosea 4:6 Iomraidhean Croise

2 Kyetsinyinga 15:3

Ku ing'inga indambi avandu va Isiraeli vamenya vugira Nyasaye wagiligali, kandi vugira avasaalisi kuvigiza kandi vugira amalago.

Ayubu 36:12

Navuzwa nivatahulira Nyasaye, valitwa ni kivavi kandi valakuza vugira limanyiriza.

Zaburi 119:139

Uvutima vwange vusamba kuli muliru, kigira avasigu vange si vahuliraa amalago googo mba.

Zaburi 119:153

O, Yahova, henza ku vusaliri vwange na ombonyie, kigira si nziviriraa amalago googo mba.

Zaburi 119:61

Avandu vadamanu vamali kondega mutego, navuzwa si ndivilira amalago googo mba.

Zaburi 18:27

Ivi ohonyiaa avaveeye vahoma imbiri woovo, navuzwa ogehizaa yavo avigingiranga imbiri wavo.

Tsing'ano 10:21

Amakuva gu mundu mulungi galakonya avandu vanyingi, navuzwa unyala kwiyita nuvusiru.

Tsing'ano 19:2

Vugulu vugira limanya sivoveeye vulahi mba; kandi sivoveeye vulahi kudidikana ma ogote inzira mba.

Isaya 1:3

Zing'ombe ziamanya mwenezio kandi zibunda ziamanya mwenezio ahazilihizilaa. Navuzwa avandu vange Isiraeli sivamanyi mba, kandi sivahulira mba.”

Isaya 17:10

Isiraeli, mumali kwivilira Nyasaye Umuhonyia kandi Umukinga kuli lwanda lwi zinguru. Mu vogono yivwo, musimikaa misaala mu milimi mitakatifu kunangwa muduuki kusigamira munyasaye mugeni.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 28:7

Kali vaporofeti navasaalisi vaveeye vahambiku ligali kali vagenda nivayekayeka vanweeye iwaini namalwa malulu kali vikigitara mugoyana. Avaporofeti vaveeye vahambiku ligali kali sivanyala kumanyiriza malola ga Nyasaye atumaa mba, na vasaalisi navo kandi vaveeye vahambiku ligali kali sivanyala kukalaga viyaalo viletwaa kuvo mba.

Isaya 29:12

Niiva ulahila mundu utamanyi lisoma na umuteeve akosomere alakutivulira ndi siamanyi kosoma mba.

Isaya 3:12

Avayaayi vadambiza avandu vange, avakali vavamihaa. O, avandu vange aviimiliri vinyu vamuchaminya kutura kunzira inungi.

Isaya 45:20

Yahova avoora, “Hambi muvugane harara kandi mwelolekizi aveene, munyi avandu vi zihiiri ziosi avaahona kutura ku liigwa liu mwami, avandu vagenda ni vagingi vifananyi viavo viavazwa ku misaala, kandi avasaalaa ku avanyasaye vandi avatanyala kuvahonyia mba. Avandu yava sivamanyi kindu kali kilala mba.

Isaya 5:13

Kigira yaga mulahilwa ihale kuli avahambe. Aviimiliri vinyu valakuza kigira inzara, kandi avandu vandi avanyingi valakuza kigira uvuluhu.

Jeremia 2:8

Avasaalisi si vateva, ku ‘Yahova aveeye hayi?’ Yava avaari ni lilago sivamanya inzi mba. Avamihi vibaara ku inzi avaporofeti vaporofeta mu lieta lia Baali, kandi nivasigamira vifananyi via vuzwa.”

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 5:21

Muhuliri, munyi avandu vasiru kandi avataveeye ni limanya. Muveeye ni zimoni, navuzwa si munyala kolola mba. Muveeye na matuyi, navuzwa si munyala kuhulira mba.

Ezekieli 44:23

“Avasaalisi yava valigiza vandu vange vaduuki kumanyiriza agaveeye matakatifu kandi hataveeye hatakatifu, kandi vaduuki kwavukanyia hagati hu vulahi kandi uvudamanu.

Hosea 13:6

Navuzwa lwa mwaduuka mu kivala kilahi yiki, mwalia kuduuka ni mwiguta. Maku mwatanga liegingira kandi ni munzivilira.

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Hosea 4:1

Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Hosea 4:12

Vatevaa zing'anagani kutura ku kifananyi chumusaala! Kisala kivavoleraa icha venya kumanya! Vamali kondeka. Kuli mukali ugwizaa mulaya, vamali kwihana aveene ku avanyasaye vandi.

Hosea 4:14

Navuzwa inzi sindavaha mageri kigira yaga mba, kigira munyi aveene mukora ovoheyi namalaya gi Litembeli, kandi harara navo muhaanaa visiuviliru ku vifananyi. ‘Kuli lugano lovoolaa avandu vugira limanyiriza valaduuka mulidiva.’

Hosea 5:4

Uvudamanu vwa avandu vamali kokoraa, vuvigaliraa kwirana ku Nyasaye wavo. Vayanzilira vifananyi ligali, na sivamanyi Yahova mba.

Hosea 6:6

Inzi nzegomba munyi kuva nu vuyanzi vwa kazozo navuzwa si nzegomba visiuviliru vinyu viezinyama mba. Inzi nzegomba avandu vange vamanye inze kuvita kuhana vihanwa kuinzi.

Hosea 7:11

Avandu va Isiraeli vaveeye kuli likuulu lisiru kandi vugira zing'anagani. Vanira avandu va Egebeti kigira vokonyi, kandi vanyagura kuzia ku avandu va Asiria!

Hosea 7:9

kandi sivamanya ndi lieredaa ku avageni limali kuvagehiza zinguru mba. Madiku gaavo gisundi ahimbi navuzwa sivamanyi mba.

Hosea 8:1

Yahova avoora, “Ukubi kisiriva! Avasigu vaza mukivala change kuli zindizu! Avandu vange vavunanyia lilagana lia inzi ndalomba navo kandi vamali kwibaala ku lilaga liange.

Hosea 8:12

Inzi ndaavang'odera ivindu vinyingi vielilaga liange, navuzwa vaavivugula kuva kuli kindu kegeni.

Hosea 8:14

“Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Hosea 9:17

Nyasaye wange alasura avandu veve, kigira si vamuhuliraa mba. Valava avagendagendi hagati hi zihiiri.

Matayo 1:6

na Jese yivula Daudi uwaali Mwami. Daudi yivula Solomoni uwa mama weve yaali mukali wa Uria.

Matayo 15:14

“Mutavahendera mwoyo mba. Vaveeye aviimiliri vavoku. Umboku niyimilira umboku, vombi valagwa mu vogo.”

Matayo 15:8

‘Avandu yava, Nyasaye avoora, vanzizominya vuzwa ni minwa jaavo, navuzwa mu mioyo jaavo, vaveeye ihale ninzi.

1 Samweli 2:12

Avayaayi va Eli vaali avadamanu ligali; sivahaana ku Yahova luyali mba,