Hosea 4:12 - KITABU KITAKATIFU

¹² Vatevaa zing'anagani kutura ku kifananyi chumusaala! Kisala kivavoleraa icha venya kumanya! Vamali kondeka. Kuli mukali ugwizaa mulaya, vamali kwihana aveene ku avanyasaye vandi.

Hosea 4:12 Iomraidhean Croise

2 Avami 17:7

Lidaala linene lia Samaria liaguutwa kandi ni ligumirwa kigira Visiraeli vakora vwoni ku Yahova Nyasaye wavo, uwavahonyia kutura ku mwami wa Egebeti kandi uwavatuliza mu kivala cha Egebeti. Vasigamira avanyasaye vandi,

2 Kyetsinyinga 21:13

Muvogono yivwo, umali kolonda zinzira zia vami va Isiraeli kandi umali kolomba avandu vi Ivuyuda na Jerusalemi kuvula kuva avasuuvirifu ku Nyasaye, kuli Ahabu na Jehoramu valomba avandu va Isiraeli kuvula kuva avasuuvirifu ku Nyasaye. Kali ivi wita avamwavo vovo, avaari vasaza valahi kuvita ivi mwene.

Zaburi 106:39

Vekola aveene avadamanu ku vikolwa viavo, kandi vasigamira vifananyi viavo.

Zaburi 73:27

Henza, yavo avalekaa ivi valadiva ligali. Ivi uladiviza ligali yavo avataveeye avasuuvirifu ku ivi.

Jeremia 10:8

Vosi vaveeye vasiru kandi vayingu, nikindiki chavanyala kwiga kutura ku ivifananyi viumusaala?

Jeremia 2:27

Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Jeremia 23:13

Inzi mali kolola uvwoni vwavaporofeti va Samaria: vamali komoloma mulieta lia Baali kandi vamali kuchaminya avandu vange.

Ezekieli 20:32

Munyi muveeye ni zing'anagani ndi mwenya kuva kuli zihiiri zindi, kandi kuli avandu vamenyi muvivala vindi nu kusigamira misaala kandi amagina. Navuzwa yaga sigalava ndio mba.

Ezekieli 21:21

Mwami wa Babiloni asingiyi hakelolero mu vwavukaniru vwi zinzira. Kumanyiriza inzira yukuziraku, kuduuka akole yaga: Asungusi uvuta, azie kuvasigitili kandi ahenzerizi mu ingudumani yinyama yi kisiuviriru.

Hosea 14:3

Avandu va Asiria si valakohonyia mba; zibarasi ziu vulwani si valakukinga mba. Si kulavoolera vifananyi vietu kandi ndi ‘Munyi muveeye Nyasaye wiitu mba.’ O, Yahova, okoveere zimbavasi kigira si koveeye nuwundi mundu wakuzia ku mba.”

Hosea 5:4

Uvudamanu vwa avandu vamali kokoraa, vuvigaliraa kwirana ku Nyasaye wavo. Vayanzilira vifananyi ligali, na sivamanyi Yahova mba.

Hosea 6:10

Inzi mali kolola kindu chu kutihiza mu Isiraeli: Avandu vange vamali kweyonogonyia aveene mu lisigamira vifananyi.

Hosea 9:1

Munyi avandu va Isiraeli, mutasangalira masavo ginyu kuli avandu vatamanyi Nyasaye mba. Mumali kugirung'ana kutura ku Nyasaye winyu kandi si muveeye avasuuvirifu kuyo mba. Mukivala choosi mwayiguliza kuli amalaya ku munyasaye Baali, kandi mwayaanza uvuswage vwa mwaganagana yaamutunga!

Kyavalevi 17:7

Avandu va Isiraeli sivadukanaa vazizagiliri kuva vataveeye vasuuvirifu ku Yahova mba, ku lisinzira zinyama mu viguuti kuli vihaanwa nukuvihaana ku mademoni gi zimburi. Avandu va Isiraeli gavadukiraa valindi lilaga kuduuka ku makura gaaza.

Kyavalevi 20:5

Inzi mwene ndagirung'ana kuva musigu wumundu oyo harara navandu vosi vinyumba yeeye; kandi ku yavo vosi vahambanaa naye kandi vavura kuva vasuuvirifu ku Inzi Nyasaye, nukusigamira munyasaye Moleki. Sindavavaliza kuva avandu vange kandi mba.

Mika 2:11

“Niiva mundu umugadi yaza nokovoora, ‘Inzi ndaporofetera munyi ndi iwaini na malwa galidoloka, uyu niyie muporofeti wa avandu yava vayaanza.’

Habakuk 2:19

O, vayaayi, munyi mwalaamwa kigira, muvooleraa kifananyi kitamolomaa chalombwa ku lubaho ni ligina: “Vuka! Anoho singira!” Kifananyi kinyala kukuvulira kindu? Kinyala kuva chakunikwa ni ifeza, kandi zahabu, navuzwa sikeveeye ni livamwoyo mba.

Livalidza 15:39

Uvuyusi yivu vulava kuli chukwizuliziraku, vuli ing'inga yoosi lwa muheezaa kuvwo, mulizuliza kandi nukutia malago gange. Maku munyi si mulagirung'ana kutura ku inzi nokolonda zinzira zienyu kandi zing'anagani zienyu aveene mba.

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Vakalagi 18:5

Vamuvolera, “Mwaza teeva Nyasaye niiva kulagenda vulahi kologendo lwiitu.”