Hosea 4:1 - KITABU KITAKATIFU

¹ Yahova aveeye nikiyaalo ku avandu vamenya mukivala yiki. Muhuliri avandu va Isiraeli, ku agaavoola: “Siaveeye ho kali mulala oveeye musuvirifu anoho wuvuyanzi mukivala, kandi avandu mukivala sivamanyiriza inzi kuli Nyasaye mba.

Hosea 4:1 Iomraidhean Croise

1 Avami 22:19

Mikaya yaazizagilira kovora, “Kalunu huliri cha Yahova avola! Ndoli Yahova niyikaye koendeve yeeye yu vwami mwigulu naveeye harara nizingelosi veve vosi nivasingiyi ku zimbega zizie ziombi;

Zaburi 81:9

Siulava nu munyasaye mugeni hagati hoho mba; kandi siulasigamira munyasaye mugeni mba.

Isaya 1:10

Jerusalemi, avamihi vovo na vandu vovo vaveeye kuli avandu va Sodoma na Gomora. Muhuliri aga Yahova amuvoleraa. Mutegize amatu ku aga Nyasaye wiitu amwigizaa.

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 28:14

Kalunu munyi vigingiri avamihaa hano mu Jerusalemi kaluhu, muhuliri icha Yahova avoora:

Isaya 34:1

O, munyi avandu vi zihiiri ziosi, mwisunde ahimbi muhuliri! Munyi avandu vi lirova liosi, kandi ni viosi vimenyi mulio, mwisundi ahimbi muhuliri.

Isaya 34:8

Yiyi niyio ing'inga lwa Yahova alakahonyie avandu va Ziyoni nu kuvanza kisaalia ku vasigu veve.

Isaya 5:3

Kunangwa kalunu mulina wange avoora, “O, munyi avandu vamenyi mu Jerusalemi ni Ivuyuda, muve vakalagi hagati hi kizabibu change ninzi mwene.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Isaya 59:8

Simumanyi zinzira zie mirembe kali hakuzu mba; kandi sihali ho ni likalaga lirungi mu zinzira zienyu mba. Mumali kwelombera zinzira ziachama. Ku vosi ogendaa kuzio sialava mu mirembe kali hakuzu mba.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Jeremia 11:7

Lwa ndaaleeta avaguuga vaavo kutura mukivala cha Egebeti, ndaaviganihiza vatie inzi. Ndaazizagilira ku viganihiza kali kuduuka na kalunu.

Jeremia 19:3

Yahova yandaga mbore, “Munyi Avami vi Ivuyuda na avandu va Jerusalemi, muhuliri aga inze Yahova Wuvunyali Nyasaye wa avandu va Isiraeli mboraa. Nziza koleta kivi kenene havundu yaaha kunangwa vuli mundu ulikihulira alakagenye.

Jeremia 2:4

Huliri Likuva lia Yahova, munyi visukululwi via Yakobo, munyi zihiiri ziosi zia Isiraeli.

Jeremia 2:9

“Kulwayago, Inzi Yahova ndahaana likalaga ku avandu vange kandi. Inzi ndaleta likalaga ku visukululwi viavo.

Jeremia 25:31

kandi mwoyo gwigwe gulahulirikira ku keheri chi lirova. Yahova aveeye ni liyaala ku zihiiri. Alakalagira avandu vosi, kandi aliita avandu vachamu vosi. Yahova amali kovora.’ ”

Jeremia 34:4

Zedekia uhuliri agambola kigira ivi. Ivi siulitirwa mu vulwani mba.

Jeremia 4:22

Yahova avoora, “Avandu vange vaveeye avasiru; sivamanyi mba. Vaveeye kuli avana vayingu; sivaveeye nilimanyiriza mba. Vaveeye avasiza mulikola uvudamanu, navuzwa sivamanyiriza kokora uvulahi mba.”

Jeremia 4:28

Avandu valasioma; ligulu lilava kisundi. Yahova umali kovora kandi sialagirung'anyia zing'anagani zizie mba. Umali kolomba likalaga lilie kandi sialagirung'ana mba.

Jeremia 5:4

Maku ndaavoora, “Yava vaveeye vuzwa avadaka kandi si vamanyi ikindu mba. Si vamanyi aga Yahova yenya mba, kandi si valoondanga lilago lia Nyasaye wavo mba.

Jeremia 51:5

Inze Yahova Nyasaye Wuvunyali, sindaaleka avandu va Isiraeli kandi avandu vi Ivuyuda mba; navuzwa avandu va Babiloni vaveeye namahiolo manyingi ku inzi, Mutakatifu wa Isiraeli.

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Jeremia 7:28

Ulavavolera ndi, ihiiri yaavo si eveeye ni liitia ku inzi mba, Yahova Nyasaye wavo mba, anoho si veenyanga kwiga kutura ku lihevwa amageri mba. Uvusuuvirifu si vuveeye muvo mba, sivunyala komolomwa ku kali hakuzu mba.

Jeremia 9:20

Inzi ndaavoora, “Avakali munyi, muhuliri Yahova, kandi muhulirize amakuva geege. Mwigizi vakana vinyu kuli vasioma, kandi avalina vinyu kuli vimba lwimbu lwi likuza.

Jeremia 9:3

Vaveeye avetegeku vuli ing'inga kovora ovovehi. Kuvula kuvaho nu vusuuvirifu vwamihi ikivala kuvita uvusuuvirifu. Yahova avoora, “Avandu vange vakora uvudamanu ku vundi, kandi sivambugilira kuli Nyasaye wavo mba.”

Jeremia 9:7

Kigira yaga Yahova Wuvunyali avoora, “Inzi ndatakasa avandu vange kuli kivia kandi ndavageriza Avandu vange vamali kokora uvudamanu, nikindiki kindi ichanyala kokora?

Ezekieli 16:35

Kunangwa munyi avandu vataveeye avasuuvirifu, muhuliri likuva lia Yahova!

Hosea 12:2

Yahova aveeye namayalo ku vandu vi Ivuyuda. Azizaa kandi kuhaana mageri ku avandu va Isiraeli kigira likora liavo. Alavatuunga ku agavamali kokora.

Hosea 12:3

Muguuga wavo Yakobo yang'usana na amwavo weve Esau malongo lwa vombi vaali nivakikiri munda mwa mama wavo. Lwa Yakobo yaviruka yalwana na Nyasaye.

Hosea 5:1

“Muhuliri yaga, munyi avasaalisi! Muhulirizi munyi avandu va Isiraeli! Muhuliri, munyi avandu vinyumba yu vwami! Gamuduukira muhaane likalaga liveeye lirungi. Munyi mulakalagirwa! Kunangwa likalagirwa lilaaza kumunyi! Munyi mumali kugumira avandu kigira lisigamira misambwa ha Mizipa, kandi ku Kiguru cha Tabori.

Hosea 5:4

Uvudamanu vwa avandu vamali kokoraa, vuvigaliraa kwirana ku Nyasaye wavo. Vayanzilira vifananyi ligali, na sivamanyi Yahova mba.

Joeli 1:2

Muhuliri, munyi avandu vakulundu; avandu vosi vi Ivuyuda, huliri. Kindu kuli yiki chayekolekaku mu ing'inga yinyu, anoho ing'inga ya avaguuga vinyu?

Amosi 3:1

Munyi avandu va Isiraeli, muhuliri makuva ga Yahova amali kovora ku munyi ihiiri yoosi yatura mu kivala cha Egebeti;

Amosi 7:16

Kunangwa kalunu, hulira aga Yahova avoora. Ivi ombolera ndeke kuporofeta kandi mburi kwilwazira novolera avandu va Isiraeli ivindu vidamanu via Nyasaye azizaa kokora kuvo.

Mika 6:2

Munyi avandu vamenyi ku vigulu, kandi munyi avandu vamenyi ku lirova avahindira, hulirizi liyaala lia Yahova! Yahova aveeye nilihing'ana ku avandu veve. Azizaa kuyaala Isiraeli.

Yohana 8:55

Munyi mukiri kumumanya, navuzwa inzi mumanyi vulahi. Niiva ndakavooye si mumanyi vulahi ndakaveeye muvehi kuli munyi. Navuzwa inzi mumanyi vulahi kandi ngumira likuva lilie.

Varumi 1:28

Kigira avandu yavo vasuura limanya lieligali lia Nyasaye, Nyasaye yavaleka muziganagani zionekaa, ku vaduuki kokora ivindu via vataduukanaa kokora.

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

Likunula 2:11

“Uyu oveeye nu gutu, ahuliri aga Roho avolera amakanisa. “Uyu ugutaa sialanyoola kivi chi likuza lia kaviri mba.

Likunula 2:29

“Uyu oveeye nu gutu, ahuliri aga Roho avooreraa amakanisa!