Hosea 3:4 - KITABU KITAKATIFU

⁴ Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Hosea 3:4 Iomraidhean Croise

Litanga 31:19

Lwa Labani yaali naziiyi kukalaga vwoya vwa magondi geege, Raheli yiva avanyasaye vi inyumba ya baba weve.

Litanga 31:34

Raheli yaali navuguyi avanyasaye va Labani navavisi isi mu vwikaliru vwi ing'amia ma yaali niyikaye kucho. Labani yenyeleriza mu lihema liosi, navuzwa si yavanyoola mba.

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

2 Samweli 6:14

Daudi, niyiviiki inguvu ya ikatani niyevohi mu kisindi yaavina nizinguru ziosi ukuhaana luyali ku Yahova.

2 Avami 23:24

Kuhaana zinguru nu kudinyiriza Lilaga liang'odwa mu kitabu chu Musaalisi Munene Hilikia yaali nanyooye mu Litembeli, mwami Josia yaatuliza mu Jerusalemi harara ne Ivuyuda yoosi avasigitiri, avakumu, avanyasaye vu muzinyumba, vifananyi, harara ne viju viosi viukusigamira misambwa.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

Kutwula 28:4

Uvavoolere valombe isalamba, kisibaho, chumusaalisi iganza, lisadi lianavirwa mu amangirinya, kelemba, kandi musibi. Gavadukiraa valombere amwavo woovo Haruni zinguvu ziuvusalisi harara na avayaayi veve, kunangwa vave avanyala kundumikira kuli avasaalisi.

Kutwula 28:6

“Valombe kisibaho kutura ku zimbusi ziu vwoya vwirangi ya bulu, muzambarao kandi inzakanyu, luvusi lwi izahabu, ni ikatani indahi, inaviywi mu amangirinya malahi ligali.

Lisyoma lya Jeremia 2:9

Virivwa vie lidaala linene lia Ziyoni via sikira hasi mumarova, kandi miluguyu javio jaavunika mu vidonye. Umwami kandi avandu vwi inyumba yu vwami kalunu vaveeye hagati hi zihiiri mu kivala chi lihaminywa, wi lilaga litaveeye. Avaporofeti si vaveeye na malola kutura ku Yahova kandi mba.

Ezekieli 19:14

Kitinya chu muzabibu yigu chaali nu muliru, muliru gwasamba zisia ziagwo na makuyu gagwo. Zisia si zilakave nizinguru kandi mba, si zilakave imbimbu yizingulu yu vwami kandi mba. Yilu nulwimbu lwovovereri; lumali kwimbwa haali kanyingi.

Ezekieli 20:32

Munyi muveeye ni zing'anagani ndi mwenya kuva kuli zihiiri zindi, kandi kuli avandu vamenyi muvivala vindi nu kusigamira misaala kandi amagina. Navuzwa yaga sigalava ndio mba.

Ezekieli 21:21

Mwami wa Babiloni asingiyi hakelolero mu vwavukaniru vwi zinzira. Kumanyiriza inzira yukuziraku, kuduuka akole yaga: Asungusi uvuta, azie kuvasigitili kandi ahenzerizi mu ingudumani yinyama yi kisiuviriru.

Ezekieli 21:31

Vutima vwange vululu vulamusaliriza kuli muliru. Ndakuvika mu makono gavandu valulu avamanya kudiviza ligali.

Danyeli 11:31

Valala ku vasikari veve valakononyie Litembeli. Valakasingilizi visiuviliru via vuli lidiku nu kuviika ho kindu kidamanu ligali keletaa lidiviza.

Danyeli 12:11

“Galakave madiku 1,290 kutura ing'inga yi visiuviliru via vuli lidiku vilakahere, kuduuka ing'inga yu mundu alakaviiki ho kindu kidamanu ligali, kilakalete lidiviza.

Danyeli 9:27

Mwamihi oyo alakalombe lilagana lidinyu na vandu vanyingi ku mihiga 7, kandi lwi inusu yi mihiga 7 ilakaviti, alakaherizi visiuviliru kandi vihaanwa. “Kindu kidamanu ligali keleetaa lidiviza kilakaviikwi kondongozi kwi Litembeli, kandi kilakaveku kuduuka umundu wakiviikaku alakadivizwi kuli Nyasaye yalagaa.”

Hosea 13:10

Mwami winyu aveeye haliha aduuki kumuhonyia? Aviimiliri vinyu vosi vaveeye haliha vamukingi, avamwavoola, ‘Okohe mwami kandi okohe mwimiliri?’

Hosea 13:11

Inzi mali kumuha avami mu vutima vwange, kandi mali kuvatuliza kumunyi muvutima vwange uvululu.

Hosea 2:11

Ndaheriza lisangala lilie liosi, masavo gu mweli muhia kandi masabato geege goosi, kandi mavugano geege gidiini.

Kyavalevi 8:7

Yavugula iganza ni kisibaho naviika Haruni, naamuvoha musibi mu kekenge chiche, namuviika inguvu yu vusaalisi, naagevoha nu musibi.

Zekaria 10:2

Vandu vateva vifananyi vivavuuliri, navuzwa mativuli ga vanyoola gaveeye go vovehi kandi gavuzwa. Valala vivalaa maloto cha gavoora, navuzwa vamugotizaa; vweremerizi vwa vamuheza voveeye vwa vuzwa. Kunangwa vandu vagendagenda kuli magondi gagota. Vaveeye mu vudinyu kigira sivaveeye nu mwimiliri mba.

Zekaria 13:2

Ing'inga yeyo, ndakatuliziho amita gi vifananyi viosi kutura ku kivala, kandi mundu kali mulala si alakavizulizi kandi mba. Ndakatuliziho mundu woosi ovola aveeye muporofeti, kandi ndakatuliziho liegomba liu kusigamira vifananyi.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Yohana 19:15

Navo vahanzuka, “Mu mwiti! Mu mwiti!” Pilato yavateva “Inzi mbambe mwami winyu?” Avasaalisi vanene vativura, “Kunyi sikoveeye nu mwami wundi natali Kaisari!”

Vahebraina 10:26

Niiva kotovola kokora uvwoni inyima wi limanya agiligali, sihaveeyeho ni kisiuviriru chatigara kutuliza vwoni mba.

Vakalagi 17:5

Mika yaali na havundu hehe hayazizaa kusigamira vifananyi. Yalomba vifananyi viukusigamira kandi kisifao kumuvolera aganyala kwekoleka mu madiku gimbiri, ma natovora mulala ku vayaayi veve kuva umusaalisi weve.

Vakalagi 18:14

Maku avandu vatano avaari nivazia kutunyiriza kivala ichakumbiriza Laishi vavoolera avalina vaavo, “Mwamanya munyumba ndala ku ziveeye hano yizi kifananyi chavazwa ku musaala nacho chavakwa ifeza? Harara ni Kisibao kindi koveeye mu. Muganaganaa gakuduukiraa kokole ki?”

Vakalagi 8:27

Gidioni yalomba ikimanyiru chi zahabu ma naakiviika mu lidaala lilie lia Ofura. Avaisiraeli vosi valeka Nyasaye nivasigamira ikimanyiru yiki. Yigu gwaali umutego ku Gidioni na vinyumba yeeye.

1 Samweli 14:3

Musaalisi waali niyiviiki kisibao yaali Ahija, amwavo wa Ahitubu amwavo Ikabodi, yaali muyaayi wa Finiasi muyaayi wa Eli; musaalisi wa Yahova ha Shilo. Avasaza yavo sivamanya ndi Jonazani yaali naziiyi mba.

1 Samweli 15:23

Uvwibaali kuye voveeye uvudamanu kuli ovologi kandi kizalo keveeye kuli uvwoni uvwu kusigamira misambwa. Kigira wasuula lilago lia Yahova, naye umali kusuura ivi kuli mwami.”

1 Samweli 2:18

Mu ing'inga yeyo, muyaayi Samweli yaazizagilira kutumikira Yahova ha Shilo, niyiviiki kisibaho chinguvu yi katani indakatifu.

1 Samweli 21:9

Ahimeleki yativura, “Mbeeye nikivavi chaali cha Goliati Mufilisitia, wa ivi wiitira mu livona lia Ela; keveeye inyima wi kisibaho, kilingiywi mu inguvu. Niiva uchenya, kivuguli. Yicho nicho chugi chu vulwani cha inzi mbeeye nacho cheng'ine.” Daudi yavoola, “Mbe, sikeveeye ho nikivavi kilahi ligali kuvita yiki havundu hoosi mba!”

1 Samweli 22:18

Kunangwa Saolo yavolera Doegi, “Ivi uviiti!” Na Doegi yaviita vosi. Ku lidiku yilio yita vasaalisi 85 avaari niviviiki kisibaho chi inguvu.

1 Samweli 23:6

Lwa Abiazari muyaayi wa Ahimeleki yiruka niyiiyunga na Daudi, mu Keila; yazia ni kisibaho.

1 Samweli 23:9

Lwa Daudi yahulira ndi Saolo alohizaa kumwingira, yavolera musaalisi Abiazari, “Leeta kisibaho hano.”

1 Samweli 30:7

Daudi yavolera musaalisi Abiazari muyaayi wa Ahimeleki, “Ndetera kisibaho, na Abiazari yamuletera.”