Hosea 3:1 - KITABU KITAKATIFU

¹ Yahova yambolera, “Zia umanyie kandi vuyanzi vwuvwo ku mukali woovo okolaa kali niiva yayanzwa nu mundu uwundi na akolaa ovoheyi. Ivi kuduuka umuyanze vuzwa kuli inzi Yahova nyanza avandu va Isiraeli, kali niiva vagirung'ana nukuzia kuvanyasaye vandi kandi vayanza kuhaana vihaanwa viumuzabibu gwuminywa ku vifananyi.”

Hosea 3:1 Iomraidhean Croise

2 Samweli 6:19

Yavagavulira viukulia kuvo vosi. Yaaha musaza sa mulala kandi mukali samulala imango yu mugadi, kedonye chi inyama isambe, kandi mazabibu. Maku avandu vosi vazia yengo.

2 Avami 13:23

Navuzwa Yahova yaali mulahi kuvo kandi navavererera. Siyavaleka vadivizwi mba, navuzwa yavakonya kigira lisuuviriza lilie ku Aburahamu, Isaka na Yakobo. Akiri kwivilira avandu veve kali hakuzu.

1 Kyetsinyinga 16:3

Maku yahaana viukulia ku vandu vosi va Isiraeli. Yaaha musaza kandi mukali sa mulala imango yu mugadi, inyama isambe na mazabibu guminywa.

Nehemia 9:31

Navuzwa mu zimbavasi ziveeye zinene, ivi siwavaleka kinga kuvaadiviza mba; kigira ivi oveeye Nyasaye wizimbavasi kandi wi livererera!

Zaburi 123:2

Kuli mutumikiri yeeledaa ku munene weve kandi kuli mukaana mutugwa yeeledaa ku munene weve, O, Yahova, Nyasaye kunyi kulazizagilira kohenza ku ivi, kuduuka lwa okoveera zimbavasi.

Kutwula 32:6

Mugambazuri lidiku lialonda ku valeta zinyama ziukusamba kuli visiuviliru kandi zindi kuli zisadaka zie mirembe. Avandu viikara hasi kulia, nivanwa, nivavina; vagirung'ana ni vakora voheyi.

Lwimbu lwa Solomoni 2:5

Omedi zinguru mu inzi na makuyu mumu, kandi undihizi amakuyu! Mbeeye mudedekere kigira uvuyanzi.

Isaya 45:22

“O, munyi avandu vi lirova liosi, mwirane ku inzi kalunu ndi, na mulanyola lihona! Inzi mbeeye Yahova Nyasaye wengine oveeye ho.

Jeremia 3:20

Navuzwa kuli mukali utaveeye musuuvirifu, simuveeye avasuuvirifu ku inzi mba. Inzi Yahova mali kovora.”

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Hosea 2:5

Mama wavo yakola ovoheyi, kandi yaavavereka mu zisoni. Yavoola, “Inzi ndazia kuvasaza vange, avambezaa viukulia kandi amazi, uvwoya vwa magondi kandi zinguvu, amaguta kandi Iwaini yange.”

Hosea 4:11

Yahova avoora, “Iwaini inguru ni imbia ekolaa avandu vange kuvula kuva nilimanyiriza!

Hosea 7:5

Ku lidiku lieliilia liumwami valomba umwami harara na vatumikiri vene kuhambika iwaini kisiru.

Amosi 2:8

Vuli havundu hu kusigamira, avandu vagona ku zinguvu zindala nzere zia vamali kuvugura kutura ku vadaka kuli kihambiliru cha magovi. Mu Litembeli lia Nyasaye wavo, vanweraamu iwaini ya vamali kuvugura kutura ku yavo avaveeye namagovi ga mabesa gaavo.

Amosi 6:6

Munweraa iwaini ku zibakuli kandi mwivakaa amaguta malahi agafunyanga mwanyu mulahi ligali, navuzwa simusiomeraa lidivizwa lia avandu va Isiraeli mba.

Mika 7:7

Navuzwa kulwa inzi, ndahenza ku Yahova yeng'ine. Ndalindilira Nyasaye wange mulisuuvira ligali, ulimbonyia. Nyasaye wange alambulira.

Zekaria 1:16

Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”

Matayo 26:50

Yeso yamuvolera, “Mulina, kola vwangu ichauzi kokora!” Maku avandu yavo vaza ni vagumira Yeso, nivadinya kuye ligali.

1 Vakorintho 10:21

Simunyala kunwera mu kekombe chu Mwami kandi munwere mu kekombe cha mademoni mba; simunyala kusanga iliilia komesa yu Mwami kandi komesa ya mademoni mba.

1 Vakorintho 10:7

kinga kusigamira vifananyi kuli valala kuvo vaali. Kuli Mang'oda Matakatifu gavoora, “Avandu viikara ku lilia kandi iliinwa, liamanya niligirung'ana kuva ilisavo liu kusigamira vifananyi.”

1 Petro 4:3

Mwamenya ing'inga indambi mu madiku gaavita nimwagotera mu likora aga avi kivala vayaanza kokora. Ilimenya lienyu liali lie miima midamanu, liegomba lidamanu, uvuhambiki, ilisieva, uvuhambiki vwu mu viduma, ni lisigamira liu kuvihiliriza lie vifananyi.

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.

Vakalagi 9:27

Vosi vazia mu vizabibu viavo, nivagula imizabibu nivakamulura iwaini nivalomba iliinwa linene. Viingira mu livugana liu munyasaye wavo nivalia kandi nivanwa, ma nivachaya Abimeleki.