Hosea 2:7 - KITABU KITAKATIFU

⁷ Alanyagula nokolondelera avasaza veve, navuzwa si alavanyoola mba. Alavenyeleriza navuzwa sialavalora mba. Maku alavoora, “Inzi ndirana ku musaza wange wukutanga, kigira ndaali vulahi naye kuvita kalunu.”

Hosea 2:7 Iomraidhean Croise

2 Kyetsinyinga 28:23

Yahaana visiuviliru ku vanyasaye va Vandu va Asiria, avaari nivamuguuti. Yavoola, “Avanyasaye va Vasiria vakonya avami va Siria, kunangwa niimbana visiuviliru kuvo, hawundi vanyara kongonya.” Yivwo nivwo uvwoni vwagira Ahazi naagwa mu kivi, harara ni kivala chiche chi Ivuyuda.

Zaburi 116:7

Ove nilielemeriza mu mwoyo gwange; kigira Yahova umali kongolera malahi ligali.

Isaya 30:16

Muvogono yivwo, mulohiza kwiruka kutura ku vasigu vinyu ni munini ku zibarasi ziruka zimbiru ligali. Kandi muveeye vulahi kwiruka nigo aga mwenyeka mukore! Muganaganaa zibarasi zienyu ziveeye ni zimbiru ligali navuzwa avamulondelaa valakave nizimbilu kuvita zienyu.

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Jeremia 2:2

“Nzie kulandiza ku avandu va Jerusalemi amakuva yaga ndi: Inzi nzizuliza kuli mwaali avasuuvirifu lwa mwaali ni mukikiri avasoleri, kandi kuli mwaali nimwanyaanza lwa kwali harara nikwakaletana mulitanga; mwanonda kuvitira mu changalangwi, kuvitiramu kivala kitatagwa mu uvuguza.

Jeremia 2:28

“Vaveeye haliha avanyasaye vamwelombera aveene? Leki vaze vamuhonyie ing'inga ya muveeye mu vudinyu. O, munyi avandu vi Ivuyuda, muveeye na avanyasaye avanyingi kuli amadara manene ga muveeye nago.

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Jeremia 3:1

Yahova yavolera avandu va Isiraeli: “Niiva umundu alakunga mukali weve, naamuleke agwi mukali wu musaza wundi, sianyala kumwiranyia kandi mba. Yaga galononyia kivala ligali. Navuzwa munyi avandu va Isiraeli mwasigamira avanyasaye vandi vanyingi, kalunu mwenya mwirane ku inzi!

Jeremia 31:18

“Inzi mbulira avandu va Isiraeli nivavoora muvovereri, ‘Yahova kwali kuli mutugu gutatugwa, navuzwa wakwigiza kutia amalago. Ukwiranyie; kwetegeki kwirana ku ivi, Yahova Nyasaye wiitu.

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 44:17

Navuzwa kulakola vindu viosi via kwavoola kulakola. Kulahaana visiuviliru ku nyasaye wiitu wi kikali, mwami wikikali wu mwigulu, kandi kulahaana vihaanwa vie Iwaini kuye, kuli kwakora na avaguuga viitu, avami na aviimiliri viitu kuli vakoola mu madaala gi Ivuyuda kandi mu zinzira zia Jerusalemi. Mulikola ndio, kwalange ni viukulia vinyingi; kwagasizwa kandi si kwali nu vudinyu mba.

Ezekieli 16:18

Mwavugula zinguvu zienyu ziamangilinya ziandamuha nimuviika ku vifananyi, nimuhaana ku ivisiuviliru yivio maguta gange nivifunya mwayu gandaali nimuheye.

Ezekieli 16:8

“Lwa ndaavitira ho kandi, ndaalora ndi ing'inga iduuki munyi kuyanzwa. Ndaakunika chahonyo chienyu nilikoti liange, kandi ndavasuuviriza ndi ndamuyanza. Yee, ndalomba lilagana liange ni munyi kandi mwagwa avandu vange.” Yaga nigo aga Yahova Wuvunyali avoora.

Ezekieli 20:32

Munyi muveeye ni zing'anagani ndi mwenya kuva kuli zihiiri zindi, kandi kuli avandu vamenyi muvivala vindi nu kusigamira misaala kandi amagina. Navuzwa yaga sigalava ndio mba.

Ezekieli 23:12

Oholiba yakola uvulaya vunyingi na vamiihi kandi avanene, vasikari vaali ni viviki zinguvu ziu luyali kandi na vasaza vasoleri viligondo lilahi ligali kandi avanene vi zibarasi.

Ezekieli 23:22

“Kulwayago Oholiba, yaga nigo aga Inzi Yahova Wuvunyali nziza kokora ku ivi. Ndakora avayaanze vovo avuwaagirung'ana kutura kuvo mu livihirirwa vakwingiliri. Ndavaleta vakwingiliri kutura ku zimbega ziosi.

Ezekieli 23:4

Mukaana munene yalangwa Ohola; liveeye kovora ‘Samaria,’ nu mukaana mukekeeke yalangwa Oholiba; liveeye kovora ‘Jerusalemi.’ Ndaavavugura ma nivagwa vakali vange, niviivura vana vakana na vayaayi.

Danyeli 4:17

Yili ni likalaga lie zingelosi vetegeku kandi valindi. Maku oleke vandu vosi havundu hoosi vamanye ndi Nyasaye Wuvunyali aveeye ni zinguru ku vwamihi vwa vandu kandi anyala kuvuhaana ku mundu woosi watovoye kali ku oyo oveeye mukekeeke ku vosi.’ ”

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Danyeli 5:21

Yakungwa kutura hagati ha vandu, kandi zing'anagani zizie zia kolwa kuva kuli zie zinyama. Yamenya harara ni zibunda, yaya kuli eng'ombe kandi ya gona mu vukindu vugira chu kumukinga kutura ku lime. Mu limalirika yavugilira ndi Nyasaye Wuvunyali aveeye nu vunyali ku vwamihi vwu mwami woosi kandi anyala kuvuhaana ku mundu woosi watovoye.

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Hosea 13:6

Navuzwa lwa mwaduuka mu kivala kilahi yiki, mwalia kuduuka ni mwiguta. Maku mwatanga liegingira kandi ni munzivilira.

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Hosea 2:16

Maku kalunu alananga musaza weve, kandi si alananga Baali mba.

Hosea 5:13

“Lwa avandu va Isiraeli valora uvulwaye vwavo, kandi avandu vi Ivuyuda lwa valora zingwago ziavo, hene yaho, avandu va Isiraeli vazia Asiria koteeva ovokonyi kutura ku mwami munene. Navuzwa mwami munene oyo si yaali anyala kohonyia zingwago ziavo mba.

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”