Hosea 2:4 - KITABU KITAKATIFU

⁴ Si ndavererera vana veve mba kigira vaveeye avana vumuheyi utaveeye ni zisoni mba.

Hosea 2:4 Iomraidhean Croise

2 Avami 9:22

Lwa Joramu yalora Jehu, yamuteeva, “Jehu, uzi mu mirembe?” Jehu yativura, “Mirembe ginyala ndi kuva ho lwu vusigitiri ni lisigamira misambwa ja mama woovo Jezebeli yatangiza liveeye linyingi?”

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Isaya 57:3

Hambi hano na mukalagirwi munyi avoni! Munyi simuveeye valahi kuvita avasigitiri, avaheyi namalaya mba.

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 16:5

“Utingira muinyumba yavasiomaamu mba. Utaverereraku mundu kali mulala mba. Inzi sindagasiza avandu vange nimirembe anoho kuvamanyia uvuyanzi kandi zimbavasi mba.

Ezekieli 23:25

Kigira mbeeye nu vutima nivi, ndaleka vakole goosi ga vanyara ku ivi mu vutima vwavo. Valakalaga amatu googo kandi amuru googo na valitigala valitwa ni kivavi. Valavugula vayaayi na vakana vovo na valasambwa nu muliru nivaveeye mwoyo.

Ezekieli 8:18

Kulwayago, ndahaana mageri kuvo mu vutima vwange. Sindavahonya anoho kuvamanyia zimbasi mba. Kali nivasaara ku inzi mu lihanzuka linene, navuzwa si ndavahuliriza mba.”

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Hosea 1:2

Lwa Yahova yamoloma ku avandu va Isiraeli kuvitira ku Hosea lwu kutanga, yamuvolera, “Zia oserere mukali utaveeye musuuvirifu, na avana va wiivula naye valava kandi kuli mama wavo. Muliiva kuli yilio avandu vange vamali koleka Inzi na vamali kugwa avandu vataveeye avasuuvirifu.”

Hosea 1:6

Gomeri yavereka kandi, niyivura mwana mukaana. Yahova yavolera Hosea, “Umuguriki utayaanzwa, kigira Inzi si ndamanyia vuyanzi vwange ku avandu va Isiraeli mba anoho si ndavasamiiha mba.

Hosea 5:7

Si vaveeye avasuuvirifu ku Yahova mba. Avana vaavo sivaveeye aveeve. Kalunu ku ing'inga yi lisavo mu mweli muhia, valadivizwa harara ni milimi jaavo.

Zekaria 1:12

Maku engelosi yavoola, “Yahova Wuvunyali waveyange nu vutima ku Jerusalemi kandi ku madaala manene gi Ivuyuda ku mihiga 70, kalunu ulavugula ing'inga ki nukikiri kuvaveera zimbavasi?”

Yohana 8:41

Munyi mukoraa aga avaguuga vinyu vaakora.” Navo vamuvolera, “Kunyi sikoveeye avana vindasimba mba! Koveeye na Baba mulala, naye ni Nyasaye.”

Varumi 11:22

Kunangwa, wizulizi uvulahi, kandi uvululu vwa Nyasaye. Aveeye mululu ku yavo avamali kugwa, navuzwa uvulahi vwa Nyasaye voveeye ku ivi niiva ulazizagilira mu vulahi vwivwe. Nigataveeye ndio, ivi kandi ulahalulwa.

Varumi 9:18

Kunangwa gaveeye havulavu ndi Nyasaye aveeye nizimbavasi ku woosi wayanza koveera zimbavasi, kandi wayaanza ave ni kirage amukolaa ave ni kirage.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.