Hosea 2:23 - KITABU KITAKATIFU

²³ Ndaviika avandu vange mu kivala kandi ndavakora kugasizwa. Ndayaanza yavo avalangwa “Avatayanzwa,” kandi ndayaanza yavo avalangwa, “Avandu vataveeye avange.” Kalunu ndavoora, “Munyi muveeye avandu vange,” navo valativura, “Ivi oveeye Nyasaye wiitu.”

Hosea 2:23 Iomraidhean Croise

Zaburi 118:28

Ivi oveeye Nyasaye wange ndahaana lizominya ni lisandiza ku ivi, ndalandiza ovonene vuvwo.

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 68:31

Avanene valaza kutura Egebeti avandu va Ezopia valanyira makono gaavo mu lisaala ku Nyasaye.

Zaburi 72:16

Leka have nuvuswage vunyingi mu kivala; vigulu vizuri ligesa kuli lie kiguru cha Lebanoni. Leka madaala manene gizuri avandu kuli milimi gizuyi uvunyasi!

Lwimbu lwa Solomoni 2:16

Muyanze wange aveeye wange, kandi inzi mbeeye weve. Yayizaa chayo chiche cha magondi hagati hi vimuli,

Isaya 44:5

“Mundu mulala sa mulala alavoora, ‘Inzi mbeeye wa Yahova.’ Valaza nukuhambana na vandu va Isiraeli. Vuli mulala alang'oda lieta lia Yahova ku mukono gwigwe, kandi aliigulika umwene kuva mulala ku vandu va Nyasaye.”

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 30:22

Navave avandu vange, kandi inzi ndava Nyasaye wavo. Inzi Yahova mali kovora.”

Jeremia 31:27

“Inzi, Yahova, mboraa ndi ing'inga yiza lwandikora kivala cha Isiraeli ni Ivuyuda kwizura mu na avandu nizinyama.

Jeremia 32:38

Maku, valava avandu vange, na inzi ndava Nyasaye wavo.

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Ezekieli 36:29

Ndakamuhonyie kutura ku vudamanu vwosi. Ndahaana viukulia vinyingi ku munyi na si mulava ninzara kandi mba.

Hosea 1:6

Gomeri yavereka kandi, niyivura mwana mukaana. Yahova yavolera Hosea, “Umuguriki utayaanzwa, kigira Inzi si ndamanyia vuyanzi vwange ku avandu va Isiraeli mba anoho si ndavasamiiha mba.

Hosea 8:2

Kali niiva valanga inzi Nyasaye wavo kandi vekola ndi vaveeye avandu vange kandi vamanya inzi,

Zekaria 10:9

Kali niiva ndaavasaalanyia hagati hi zihiiri, kali muvivala viehale, valakanzizulizi. Valakahononoke harara na vana vaavo, kandi valakilane yengo harara.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Zekaria 14:16

Maku vosi avalihononoka kutura mu zihiiri zilikave ni zingiliye Jerusalemi, valakazie wene yeyo vuli muhiga kusigamira Yahova Wuvunyali kuli mwami. Valakave ni lisavo lia madiri.

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Varumi 3:29

Anoho, Nyasaye aveeye Nyasaye wa Vayuda venyine? Siaveeye Nyasaye wa Avizihiiri zindi kandi? Yee, aveeye wa avandu vi zihiiri zindi kandi.

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.