Hosea 2:14 - KITABU KITAKATIFU

¹⁴ Kunangwa, ndamuvugura nu kumuhila mwigendanyama, kandi ndamoloma kuye nu vuyanzi.

Hosea 2:14 Iomraidhean Croise

Litanga 34:3

Navuzwa mwoyo gwa Shekemu gwayaanza Dina mukaana wa Yakobo kunangwa yamoloma kuye nu mwoyo gwokogooha ligali.

Ayubu 36:16

“Nyasaye yakutuliza mu kivi, nakuviika havundu huvusangali ni mirembe nemesa yooyo yizula viukulia.

Lwimbu lwa Solomoni 1:4

Umbuguli nzie nivi, kandi kwiluki mwami wange nivi, kandi kwiluki ove mwami wange na imbiri winyumba yooyo. Kulayaanza nukusangara harara, kulanwa iwaini, kandi kulayaanzana. Nicho kigira avakali vosi nivakuyaanza!

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 5:5

“Kalunu ndamuvolera aganzizaa kokora ku kizabibu change; Ndatuliza ho lungaga lwacho, kandi ndasambura lidigi liakinga zimbega ziacho ziosi, na ndaleka zinyama ziu muvulimu kulia nu kuduvagira hasi mizabibu.

Jeremia 16:14

Yahova avoora, “Ing'inga yiza lwa avandu valivula kwisuha ku inzi kuli Nyasaye oveeye mwoyo uwaleeta avandu va Isiraeli kutura mukivala cha Egebeti.

Jeremia 2:2

“Nzie kulandiza ku avandu va Jerusalemi amakuva yaga ndi: Inzi nzizuliza kuli mwaali avasuuvirifu lwa mwaali ni mukikiri avasoleri, kandi kuli mwaali nimwanyaanza lwa kwali harara nikwakaletana mulitanga; mwanonda kuvitira mu changalangwi, kuvitiramu kivala kitatagwa mu uvuguza.

Jeremia 45:4

“Navuzwa inzi, Yahova, ndasambura ichamali kwumbaka kandi ndiha chamali kutaga. Inzi ndakora yaga ku kivala choosi.

Ezekieli 20:10

“Kunangwa ndaavimilira kutura mu kivala cha Egebeti ma nimbaleeta mwigendanyama.

Ezekieli 20:33

“Ligali kuli Inzi mbeeye Yahova Wuvunyali, mbeeye Nyasaye omenya. Mwiganihizaa ndi, Inzi ndamwamiiha mu vutima vwange kandi ni zinguru ziange ziosi.

Hosea 2:3

Niiva si alaleka mba, ndamutuliza zinguvu atigale chahonyo kuli yiivulwa. Ndamukora ave kuli changalangwe kandi kuli kivala chumu, kandi alakuza kigira uvuluhu.

Mika 1:7

Vifananyi vialio viosi vilahi vilashonoranywa mu vidonye, vindu viosi viahanwa ku malaya gi litembeli viladivizwa nu muliru, ni vifananyi vialio viosi vilalekwa kuva kuli kitumi. Samaria lidaala linene lianyora vindu yivi kigira vulahi vwalio, na kalunu avasigu va lio valavugula vifananyi nu kuzia kokoraa uvulaya mu litembeli havundu handi.”

Mika 4:10

Uzizagiliri kokenya nukukuba zikwiri, avandu va Jerusalemi, kuli mukali wiivula, kulwakalunu mulatula mu lidaala linene nokomenya ichova mukivala chere. Mulazia mu kivala cha Babiloni, navuzwa Yahova alamukinga ku avasigu vinyu.

Yohana 12:32

Lwa ndigingwa igulu ku musalaba nu kuhilwa mwigulu kutura mu kivala, ndang'usa avandu vosi sa mulala vaze ku inzi.”

Yohana 6:44

Sihaveeye ho nu mundu unyala kuuza ku inzi, uwa Baba wanduma akikiri koleta ku inzi. Inzi ndasimugukiza mundu oyo ku lidiku lie keheri.

Likunula 12:14

Mukali yahevwa izimbaha ziviri zie indizu enene, aduuki kuburukira nu kwirukira mwigendanyama havundu halindirwi ku mihiga 3.5 kutura kogoyoka gonene ugwaakanyu.

Likunula 12:6

Umukali oyo yirukira mwigendanyama, havundu ha Nyasaye yaali namulombeeye alindirwi ho ku ing'inga ya madiku 1,260.

Vakalagi 19:3

Maku umusaza uyu yamanya natura nalonderera mbula alamugonya yirane komenya naye. Yavugula umutumikiri weve ni zibarasi ziviri. Umukali zana yamuhira munyumba ya baba weve, na baba weve lwa yalora umundu uyu, yaamwingiriza nu vuyanzi vunyingi.