Hosea 14:9 - KITABU KITAKATIFU

⁹ Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Hosea 14:9 Iomraidhean Croise

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Zaburi 107:43

Vosi avaveeye avageri, vaganagane ku makuva gi vindu yivi; kandi vaduuki kuganagana ku vuyanzi vwa Yahova vutaveeye ne keheri.

Zaburi 119:128

kunangwa inzi nonda amigizu googo goosi, kandi ndunyiraa uvudamanu vwizing'ano ziosi.

Zaburi 119:75

O, Yahova, inzi manya vulahi ndi likalaga liilio liveeye lirungi, kandi wamba amageri kigira oveeye musuuvirifu.

Zaburi 84:5

Vaveeye nu vugasu yavo avanyoora zinguru ziavo kutura ku ivi, kandi avegombaa kuzia kukusigamira mu kiguru cha Ziyoni.

Zaburi 84:7

Avandu yava lwa vavitira mu livona lia Baka, zinguru ziavo zimedekaa vuli kazozo, kandi valalola Nyasaye wa avanyasaye.

Tsing'ano 10:29

Yahova akingaa vandu valungi, navuzwa aladiviza yavo avakolaa vudamanu.

Tsing'ano 16:21

Mundu mugeri amanyikanaa ku limanyiriza lilie. Amakuva geege manyingi malahi gamukolaa kuva wokogoonya.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Isaya 1:28

Navuzwa Yahova aladuvulanyia mundu woosi okola uvwoni nukwibaala kuye. Aliita vuli mundu umuleka.

Isaya 17:8

Sivaleereda kandi ku vwali vwa valomba na makono gaavo mba; anoho kusuuvira mu vusiza vwa makono gaavo mba. Viveeye vuzwa vifananyi viu munyasaye wikikali Ashera kandi uvwali vwu kusambira ku vimuli.

Isaya 26:7

Yahova, ulungikizaa zinzira ziavalungi, inzira ya vagenda ku eveeye inungi.

Jeremia 29:12

Maku mulanira ku inzi. Mulaza kusaala ku inzi, na inzi ndamuhulira.

Jeremia 9:12

Inzi ndaateva, “Yahova, kigira ki kivala chasambwa kandi chayumba kuli changalangwi, kunangwa umundu kali mulala sianyala kuvitiramu mba? Nivwaha oveeye umugeri kumanyiriza yaga? Nivwaha wawavoolera yaga kunangwa aduuki kovoolera avandi?”

Ezekieli 11:18

Lwa na viirane, navatuliziho ivifananyi viosi viukuvihiliriza vifunya vugunda viavanyoola mu.

Ezekieli 18:25

“Navuzwa munyi muvooraa, ‘Likora lia Yahova si liveeye lirungi mba.’ Mumbulirizi kalunu, munyi avandu va Isiraeli. Muganaganaa likora liange si liveeye lirungi? Likora lienyu nilio litaveeye lirungi.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Danyeli 12:10

Avandu vanyingi valakitakase kandi valakekole kuva valungi kandi vasiyiku, navuzwa vandu vachamu valakakole vuchamu, kandi sialakaveho mundu muchamu ulakamanye mba. Navuzwa vandu vageri veng'ine nivo avalimanya.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Matayo 11:19

Umwana wa Adamu yaza, nalia kandi naanwa, navo vavoola, ‘Heenzi muhuvaali kandi muhambiki uyu! Mulina wa avasololi vuvusuuru na avoni!’ Kali ndio, ovogeri vwa Nyasaye vololekizwa kuva uvulungi kolondekana ku vikolwa viavwo.”

Luka 2:34

Simioni yavagasiza navolera Maria, mama weve, “Henza mwana uyu otovoleywi na Nyasaye, kigira lidivizwa kandi lihonywa lia vandu avanyingi mu Isiraeli. Naye alava kilolero kutura ku Nyasaye, cha vandu valakasuuli,

Luka 7:23

Vaveeye nu vugasu yavo vatahayahayaa kigira inzi.”

Yohana 15:24

Niiva sindaakola vindu viu mundu wundi akikiri kokora ku hagati haavo, ngano sivakakoli vwoni mba; navuzwa kalunu vamali kolola kandi kunduyira harara na Baba wange.

Yohana 18:37

Kunangwa Pilato yamuvolera, “Maku ivi nu Mwami?” Yeso yativura, “Ivi mwene ovola inzi nu Mwami. Kigira yaga inzi ndivulwa; kandi kigira yaga ndaaza mu kivala kovoolera avandu agiligali. Vuli mundu wa agiligali ahuliraa umwoyo gwange.”

Yohana 8:47

Uyu oveeye wa Nyasaye ahuliraa amakuva ga Nyasaye. Navuzwa munyi muvura kugahulira kigira munyi simuveeye avandu va Nyasaye mba.”

Yohana 9:39

Yeso yavoola, “Inzi ndaaza mu kivala kigira likalaga, kunangwa avavoku vaduuki kolola, na yavo avalolaa vaduuki kuvakula.”

Vikolwa 13:10

navoora, “Henza! Mwana wa Setani ivi! Ivi uwizula vugadi ni kirage choosi! Oveeye musigu wu vulungi; si oleka ku lulala kuchaminya zinzira zinungi ziu Mwami?

Varumi 7:12

Kunangwa, Lilaga liveeye litakatifu, kandi malago gaveeye amatakatifu, amalungi, kandi amalahi.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!