Hosea 14:5 - KITABU KITAKATIFU

⁵ Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

Hosea 14:5 Iomraidhean Croise

2 Samweli 23:4

Aveeye kuli liuva litongaa aveeye kuli uvulavu vwa mugamba liuva nilitongaa, ku mugamba gutaveeye na malesi; kuli uvwaku vwi liuva ku vulimu inyima wi imbura, isivukizaa uvulimu kutura mu marova.”

2 Avami 19:30

Na yavo vamenyi Ivuyuda valagasizwa mu vindu viosi, kuli misaala gihilaa imiri jajo haasi ligali mu malova nu kwama amakuyu.

Ayubu 29:19

ndaali kuli umusaala gwimiri jagwo gonyoora amazi kazozo, kandi gwi zisia ziagwo zisamwa ni lime.

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 72:16

Leka have nuvuswage vunyingi mu kivala; vigulu vizuri ligesa kuli lie kiguru cha Lebanoni. Leka madaala manene gizuri avandu kuli milimi gizuyi uvunyasi!

Zaburi 72:6

Leka mwami ave kuli imbura ikubaa ku vunyasi vukalagiywi, ave kuli lunyilira lusamaa lirova!

Zaburi 80:9

Inyima lwa waali ni wakakua zihiiri zindi yizio kutura mu kivala cha Kanaani, avandu vovo vaavugura kivala ni vamenya mu. Kandi vameedeka ligali kuduuka niviizura kivala choosi.

Zaburi 92:12

Avalungi valamedeka ni miandu kuli misaala ja makindu; valaviruka kuli misaala ji midaragwa ja Lebanoni.

Zaburi 92:13

Vaveeye kuli misaala jasimikwa munyumba ya Yahova, jiviruka mu Litembeli lia Nyasaye wiitu.

Tsing'ano 19:12

Vutima vwu mwami voveeye kuli lifuuma lie isimba, navuzwa liyaanza lilie liveeye kuli liza lie imbura.

Lwimbu lwa Solomoni 2:16

Muyanze wange aveeye wange, kandi inzi mbeeye weve. Yayizaa chayo chiche cha magondi hagati hi vimuli,

Lwimbu lwa Solomoni 4:5

Zimbeere zizio ziveeye kuli zimbongo, visusu viamalongo viaya hagati hi vimuli.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 18:4

Yahova yambolera, “Ndahenza galaha kutura mwigulu kuli iliime lielomba machiriri mu vudiku vwu luya mu ing'inga yo kogesa, kandi kuli iliuva liaka mu ing'inga ya mbasu.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 35:2

Changarangwi kilimba nu kusangara; kilava kilahi kuli vigulu via Lebanoni, kandi kilava kigunamu kuli milimi ji vigulu via Karimeli na Sharoni. Vuli mundu alalola vukumi vwa Yahova, kandi alole zinguru novonene vwivwe.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 45:8

Inzi ndaleta liguuta kutura mu ligulu kuli imbura; avandu valetegeka konyoora liguuta yili kandi ovohonyi harara nilikalaga lirungi viduuki konyooleka mu lirova. Inzi, Yahova, ndakora yaga kokoleka.”

Isaya 57:18

“Mali kolola kuli vaakora, navuzwa ndavahonyia uvulwaye vwavo. Ndavimilira nukuvakoonya, kandi ndaleminya mioyo jia yavo avasioma.

Isaya 57:19

Mbana mirembe ku vosi, vombi vaveeye ihale na avaveeye ahimbi! Inzi ndahonyia avandu vange.

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 32:41

Ndasangara kuvakolera vulahi, kandi ndavaviika mu kivala yiki mu vusuuvirifu, nu mwoyo gwange gwosi kandi ni liiva liange liosi.

Hosea 6:3

Gendi kwenyelerizi kumanya Yahova. Alaza kukunyi kuli iliuva litongaa mugambazuri, kandi kuli imbura yu lunyilira kandi kuli imbura yi ing'inga yi lisembera ikubaa ku lirova.”

Mika 5:7

Avandu va Isiraeli avalitigala valakave kuli lime litulaa ku Yahova, kuli ulunyilira ku vitagwa vivirukaa. Valeeleda ku Nyasaye, sivalakelede ku mundu mba.

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Matayo 6:28

“Kigira ki muhendaa mwoyo kigira izinguvu? Heenzi ku madanya gu mu milimi kuli gavirukaa. Sigakolaa miyinzi mba, kandi sigelomberaa izinguvu mba.

Luka 12:27

“Heenzi kuli amadanya gameraa kandi gaviruka, sigakolaa miyinzi anoho kunava zinguvu mba. Navuzwa muvooleraa agiligali, kali Solomoni mwene mu vukumi vwu vutugi vwivwe vwosi siyaali anyala kwivika vulahi kuli lilala kulidanya yili mba.

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

Kwidzulitsa 32:2

Amigizu gange galakuba kuli zingelegeliza ziembula kandi limoloma liange litonyatonye ku lirova kuli lime, Makuva gange galaaza kuli lunyilira ku vitagwa vidoto, kuli ulunyilira ku uvunyasi vodotodoto.