Hosea 14:4 - KITABU KITAKATIFU

⁴ Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Hosea 14:4 Iomraidhean Croise

Zaburi 10:14

Navuzwa ivi, O, Nyasaye, ololaa yavo avaveeye mu kivi nuvudinyu; na ivi ovezaa mwetegeku kuvakonya kazozo. Mundu mudedekere yiihanaa umwene ku Ivi, O, Nyasaye Wuvunyali, ivi okonyaa avavisandu kazozo.

Zaburi 20:8

Avandu kuli yava valikigitara nukugwa; navuzwa kunyi kulavuuka nukusingira vudinyu.

Zaburi 78:38

Navuzwa Nyasaye yavererela avandu veve ligali. Yavasamiha uvwoni vwavo kandi siyavadiviza mba. Zing'inga zinyingi yigalira uvutima vwivwe vuvuli kutura, kandi siyaleka uvululu vwivwe vwosi vuduuki kuvo mba.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Isaya 57:18

“Mali kolola kuli vaakora, navuzwa ndavahonyia uvulwaye vwavo. Ndavimilira nukuvakoonya, kandi ndaleminya mioyo jia yavo avasioma.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Jeremia 17:14

O, Yahova, ombonyie na ndahona ligali; osoore na inzi ndahona ligali. Ivi niye wa inzi nzizominyanga!

Jeremia 3:22

Mwirane, munyi vosi avamali kugirung'ana kutura ku Yahova; alamuhonyia nukumukola kuva avasuuvirifu. Muvooraa, “Yee, kuuza ku Yahova kigira aveeye Nyasaye wiitu.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 33:6

Navuzwa ndahonyia lidaala yili kandi ndilanyia avandu valio nu kuvaha uvulamu. Valamenya mu mirembe kandi mu likingwa liange.

Jeremia 5:6

Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Jeremia 8:22

Lunyasi luvulaho mu Gileadi? Avaahi vi zinyasi vavulayo? Kigira ki avandu vange sivanyooye lihona mba?

Ezekieli 33:14

Niiva ndiganihiza umundu mudamanu ndi azizaa kukuza, ma alekele kokora uvwoni kandi akole malungi kandi malahi,

Ezekieli 36:36

Maku zihiiri ziatigala ahimbi zilakamanye ndi, Inzi Yahova, mali kwumbaka vuhia madaala goosi agaali ni gatigala mang'anye, kandi mali kulima nukutaga milimi jaali nijatigala hazwa. Inzi Yahova mali kulaga, kandi ndakora.”

Hosea 11:7

Avandu vange vasaviyi kugirung'ana kutura ku inzi. Navaaniri kigira iniira eveeye kuvo, navuzwa umundu kali mulala si alivagingira mba.

Hosea 2:19

Avandu va Isiraeli, ndamukora muve umukali vange; ndava wa agiligali kandi musuuvirifu, Ndamanyia uvuyanzi vwange kandi zimbavasi ziange zitaveeye nekeheri; kandi ndamukora muve avandu vange mihiga ni mihiga.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Zefania 3:17

Yahova Nyasaye winyu aveeye harara na munyi. Zinguru zizie zilamuha liguuta. Yahova alayanzizwa na munyi kandi mu vuyanzi vwivwe, alamuha livamwoyo lihia. Alimba nukusangara kigira munyi.

Livalidza 25:11

“Kigira ga Finiasi amali kokora, sindava nu vutima na vandu va Isiraeli kandi mba. Yasura kuhambana mulisigamira vanyasaye vandi, navuzwa vaasigamira; yiki nicho kigira niimbura kuvadiviza muvutima vwange.

Livalidza 25:4

kandi na volera Musa, “Vugula aviimiliri vosi va Isiraeli, uviiti mbasu, maku sindava nu vutima ku vandu va Isiraeli mba.”

Varumi 3:24

Navuzwa ku zimbavasi zia Nyasaye, avandu vosi vakolwa valungi imbiri weve kuvitira mu Kristo Yeso uvavoholoraa.

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Tito 3:4

Navuzwa lwu uvulahi nuvuyanzi vwa Nyasaye Muhonyi wiitu vwalolekizwa,