Hosea 13:6 - KITABU KITAKATIFU

⁶ Navuzwa lwa mwaduuka mu kivala kilahi yiki, mwalia kuduuka ni mwiguta. Maku mwatanga liegingira kandi ni munzivilira.

Hosea 13:6 Iomraidhean Croise

Nehemia 9:35

Kigira vugaswa vuvwo Avami vamiiha avandu, lwa vamenya mu kivala kenene ni ekenoru cha ivi wavaha; navuzwa vasuura kugirung'ana kutura muvwoni vwavo nu kukutumikira.

Zaburi 10:4

Mundu muchamu siahendera Yahova mwoyo mba; mu liegingira lilie, umudamanu aganagana ndi, “Nyasaye siaveeye ho.”

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Isaya 17:10

Isiraeli, mumali kwivilira Nyasaye Umuhonyia kandi Umukinga kuli lwanda lwi zinguru. Mu vogono yivwo, musimikaa misaala mu milimi mitakatifu kunangwa muduuki kusigamira munyasaye mugeni.

Jeremia 5:7

Yahova yateeva, “Kigira ki samiihi uvwoni vwa avandu vange? Vamali kondeka kandi vamali kusigamira avanyasaye vataveeye va agiligali. Ndaavalihiza kuduuka niviguta ligali, navuzwa vaakora ovoheyi, kandi vatumikira vwiyangu vwavo kokora ovoheyi.

Ezekieli 23:35

Kalunu yaga nigo ga Yahova Wuvunyali avoora, “Kigira ivi umali kunzivilira kandi kungirung'ana, ulanyora mageri kigira uvudamanu vuvwo kandi uvulaya vwuvwo.”

Ezekieli 28:5

Wameeda uvutugi vuvwo kigira ovogeri ovonene vwi limanya mu likiranyia. Oveeye ni liegingira, kigira uvutugi vuvwo uvunyingi!

Hosea 10:1

Avandu va Isiraeli vaali kuli muzabibu munetu ugwama makuyu amanyingi. Lwa vaali ni linyola linyingi, nilwo lwa vumbaka uvwali vunyingi. Limeedeka liu vutugi vwi kivala chavo liavakola kolomba zitiru zia magina zindahi ziavasigamiraa.

Hosea 12:8

Vavoola, ‘Kunyi koveeye avatugi ligali kandi; kunyi kumali kugwa avahinda. Si aveeyeho mundu unyala konyoora uvugadi, nuvuhinda vwitu vwosi mba.’

Hosea 2:13

Ndahaana mageri kuye ku ing'inga ya yaanzivilira, lwa yasamba vimuli vifunya mwayu ku Baali, kandi niyivika zimingiri ziu mumatu kandi niviuma viuvuguli nokolondelera avasaza veve. Yahova umali kovora.

Hosea 2:7

Alanyagula nokolondelera avasaza veve, navuzwa si alavanyoola mba. Alavenyeleriza navuzwa sialavalora mba. Maku alavoora, “Inzi ndirana ku musaza wange wukutanga, kigira ndaali vulahi naye kuvita kalunu.”

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Hosea 4:7

“Lwa munyi avasaalisi muveeye avanyingi, nilwo lwa mukolera inzi uvwoni vunyingi, kunagwa inzi ndakagirung'anyie luyali lwinyu kuva zisoni.

Hosea 5:14

Inzi ndalwana avandu va Isiraeli kandi avandu vi Ivuyuda kuli isimba enene. Inzi mwene ndavatandulanyia mu vidonye nukuvaleka. Lwa nambahili ihale ligali, si naveho numundu waza avahonyie mba.

Hosea 7:14

Si vasaye ku inzi mugiligali mba, navuzwa muvogono yivwo vagwiza hasi aveene kandi nukulira kuli avandu vatamanyi Nyasaye. Lwa vasaala kigira vuswage ni iwaini, vetemaa aveene kuli avandu vatamanyi Nyasaye. Vamali kwibaala ku inzi!

Hosea 8:14

“Avandu va Isiraeli vamali kwumbaka zinyumba ziuvwami, navuzwa vayivilira mulombi wavo. Avandu vi Ivuyuda vamali kwumbaka madaala manene gi zimbinga. Navuzwa inzi ndasamba zinyumba ziavo ziu vwami kandi madaala gaavo manene.”

Hosea 8:4

“Avandu vange vatovora avami yavo aveene. Vaatovora aviimiliri vugira inzi kumanya. Vaavugura izahabu yavo ni feza kandi nivalomba vifananyi iviaavadiviza.

Kwidzulitsa 32:18

Vivilira Nyasaye wavo, muhonyi wi zinguru wavo. Uwavaha livamwoyo.