Hosea 13:16 - KITABU KITAKATIFU

¹⁶ Avandu vilidaala lia Samaria valanyora mageri kigira vamali kwibaala ku inzi. Vosi valitirwa mu vulwani; avana vaavo valasionolanywa mu vidonye, na vakali vaavo avaveeye ni zinda valatemanywa.”

Hosea 13:16 Iomraidhean Croise

2 Avami 15:16

Menahemu yaali naturaa Tiriza, yononyia ligali lidaala linene lia Tapua, avandu vosi avamenyaa mulio, ni vivala viosi ivialikumberiza, kigira lidaala linene yili siliamwigulira yingiri mulio nu kuvugilira kuguutwa mba. Kali yatanyia zinda zia vakali vosi avaari ni vaveleka.

2 Avami 17:18

Yahova yavihilirizwa na vandu va Isiraeli, kandi navatuliza mu zimoni zizie, naleka vuzwa uvwami vwa Vayuda vweng'ine.

2 Avami 17:5

Maku mwami Shalimanaseri wa Asiria yingilira nu kulwaana kivala choosi cha Isiraeli kandi nakikumbiriza ku mihiga givaga.

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

2 Avami 8:12

Hazaeli yateeva “Kigira ki uliraa, munene wange?” Elisha yativura navoora, “Kigira manya vindu vidamanu via waza okole ku vandu va Isiraeli. Ulasaamba zimbinga ziavo nu muliru. Uliita avayaayi vaavo avalahi; ulasionolanyia avana vaavo kuduuka ku likuza, na ulaatanyia avakali vaavo avaveeye ni zinda.”

Isaya 13:16

Avana vaavo vadoto valadonyanywa nu kwitwa, ni zinyumba ziavo zilalanywa, kandi avakali vaavo valonogonywa imbiri wavo.”

Isaya 17:3

Zimbinga ziukuhalira mu zilatulizwa ho mukivala cha Efuraimu. Zinguru ziuvwami vwa Damasiko zilahera; Avandu va Siria avalitigala valava kuli uvukumi vwa vandu va Isiraeli, Inzi Yahova Wuvunyali mali kovora.”

Isaya 8:4

Kigira, imbiri wu mwana uyu akikiri kuviruka kandi kumanya kovora, ‘Baba wange na Mama wange,’ mwami wa Asiria alaza kulanya uvuhinda vwosi vwa Damasiko na viosi via laanywa via Samaria.”

Hosea 10:2

Avandu yavo, mioyo jaavo jiveeye ju vugadi; kalunu valasalirizwa kigira uvwoni vwavo. Nyasaye alavunanyia uvwali vwavo kandi aladiviza zitiru ziavo.

Hosea 11:6

Vulwani vuliva mu madaala gaavo manene, kandi navwononyie zitiru zievilivwa viavo nokoheliza lilohiza liavo.

Hosea 7:14

Si vasaye ku inzi mugiligali mba, navuzwa muvogono yivwo vagwiza hasi aveene kandi nukulira kuli avandu vatamanyi Nyasaye. Lwa vasaala kigira vuswage ni iwaini, vetemaa aveene kuli avandu vatamanyi Nyasaye. Vamali kwibaala ku inzi!

Amosi 1:13

Yahova avoora, “Avandu va Amoni vamali kokora uvwoni haali kanyingi, na kigira yaga ndavaha amageri ligali. Vatanyia zinda avakali vaali ni vavereka mu Gileadi muvulwani nivenya okomeeda zinzako ziekivala chavo.

Amosi 3:9

Mwilwaze ku zimbinga zio vwami mu kivala cha vandu va Siria, na ku zimbinga zio vwami mu kivala cha Egebeti, na muvoore: “Muvugane harara ku vigulu via Samaria na mulole ligoyana linene ni lidambizwa liayavo avaaveeye hagati havio.”

Amosi 9:1

Ndaalora Yahova nasingiyi ahimbi nu vwali. Yahaana malago navoora, “Ukuya vudinyu mitwi ji zitiru zie Litembeli kunangwa imise jiduuki kodegera. Uvunanyie mitwi zana mu vidonye, ma oleke vigwi ku mitwi ja avandu vosi. Ndaza nzite avandu vandi vosi avamanya vatigale mu vulwani. Mundu kali mulala si aliruka, kandi mundu kali mulala sialahononoka mba.

Mika 1:4

Vigulu vilayinguka isi weve kuli ihura eveeye mu muliru; vilasundulwa hasi musi mumavona kuli amazi gasundulwa kutura ku kiguru.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Nahum 3:10

Navuzwa vandu va Zebesi vaahirwa mu vuhambe. Avana vaavo vaakuywa nivakuzira muvuli zikona zie zinzira. Aviimiliri valio avasaza vavugulwa nivavoheywe minyororo ni vagavulanyirwa hagati ku vasigu vaavo.