Hosea 13:14 - KITABU KITAKATIFU

¹⁴ Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Hosea 13:14 Iomraidhean Croise

Ayubu 33:24

Mu livererera, engelosi zana alavoora, “Muvoholore! Sialazia musi mu kivala cha vakuzu mba. Ngugu hano mutungu gwu kumuvoholora.”

Ayubu 41:22

Ligoti liayo liveeye nizinguru zinene ligali kali ku vosi avaganaa nayo vatihizwa ligali.

Zaburi 16:10

Kigira ulakinga inzi kutura kuzinguru zie likuza; inzi mali kukutumikira nu vusuuvirifu vwosi, na siulandeka kuva mukihadisi.

Zaburi 30:3

O, Yahova, ivi umali kombonyia kutura mu kihadisi; umali kunziranyira livamwoyo kandi umali kunduliza hagati ha yavo avaziizaa mu kilindwa.

Zaburi 49:15

Navuzwa Nyasaye alasoola. Alambonyia kutura mu zinguru zie likuza.

Zaburi 49:16

Utatiihizwa lwu mundu agwizaa mutugi mba, anoho lwi miandu jije jimedekaa ligali kuvita.

Zaburi 71:20

Ivi umali kumbika mu vudinyu vululu ligali kandi nuvusaliri vunyingi. Navuzwa ulanziranyira zinguru; ulambonyia kutura mu likuza.

Zaburi 86:13

Uvuyanzi vuvwo vutaveeye ne keheri voveeye ovonene ligali ku inzi! Umali kombonyia kutura mu likuza.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Jeremia 15:6

Munyi avandu va Jerusalemi mumali kusuura inzi; mumali kugirung'ana kutura ku inzi. Kulwayago, mali kuhaana amageri ku munyi kandi kumudiviza, kigira si ndaali nyara kumanyia livererera mba.

Jeremia 20:16

Mundu oyo ave kuli amadara manene aga Yahova yadiviza vugira kugavererera. Mundu oyo ahuliri lilira liu vuzunu mu ing'inga ya mugamba, kandi ahuliri liyoga liu vulwani mu ing'inga yu mbasu hagati,

Jeremia 31:35

Yahova ahaanaa liuva kigira uvulavu vwilidiku, mweli nizing'ereng'ani viaka vudiku. Ahunzulanyia inyanza ma agekola kuhuuma; lieta lilie ni Yahova Wuvunyali.

Ezekieli 37:9

Nyasaye yambolera, “Mwana wu Mundu, porofeta ku umwika. Ogovoolere ndi, Mwami Munene Yahova alaangaa ivi kutura mu zimbega ziosi, na uzie mu miviri mikuzu yiji, kandi jive mwoyo.”

Hosea 6:2

Inyima wa madiku gaviri, alakokola kove avahia; ku lidiku lia kavaga alakusingiliza, kandi kulamenya muye.

Hosea 7:10

Liegingira lia avandu va Isiraeli livalolekiza. Kali niiva ivindu viosi viamala kwekoleka, sivayirana ku inzi Yahova Nyasaye wavo anoho konyenya mba.

Malaki 3:6

“Inzi mbeeye Yahova kandi singirung'anaa mba, kunangwa munyi, visukululwi via Yakobo, simulagota vosi ligali mba.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.

Varumi 11:29

Nyasaye namali kugasiza avandu ni vihaanwa kandi namali kuvalanga, si agirung'anaa mu zing'anagani zizie kandi mba.

2 Vakorintho 5:4

Lwa kukikiri mu muviri gwu mu lirova yigu, kokenya ligali kigira kuganaganaa kudambizwaa; sigaveeye kwenyaa kutulizaho umuviri gwi likuza yigu mba, navuzwa koveeye ni liegomba kuvikwa umuviri gutakuzaa, kunangwa muviri gukuzaa yigu guduuki kugirung'anywa ni livamwoyo.

Vafilipi 3:21

Alakagirung'anyie imiviri jietu midedekere yiji nukujikola kuva kuli umuviri gwigwe umwene gwu vukumi; Alakatumikiri zinguru yizio koleta ivindu viosi isi wu vwamihi vwivwe.

1 Vatesalonike 4:14

Nikuva nikusuuvira ndi Yeso yakuza ma nasimuguka, kunangwa. Kusuuviri ndi Nyasaye alakavaleete harara na Yeso, yavo vosi avakuzaa nivasuuvira muye.

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

Likunula 20:13

Maku inyanza yaatuliza avakuzu vayo. Likuza ni kivala cha vakuzu kandi viatuliza avakuzu avaari mucho. Vakalagirwa kolondekana ni likora liavo.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”

Likunula 6:8

Ndaalora kandi ibarasi imbuheru umuhiri wayo yalangwa Likuza. Kihadisi chamulonda ahimbi na himbi. Vahevwe izingulu ku erobo yi lirova viiti ni kivavi, inzara, uvulwaye harara ni zinyama ziu muvulimu.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”