Hosea 12:10 - KITABU KITAKATIFU

¹⁰ “Inzi ndaamoloma ku vaporofeti kandi nimbaha malola manyingi. Inzi ndiganihiza avandu vange kuvitira ku avaporofeti.

Hosea 12:10 Iomraidhean Croise

1 Avami 13:1

Ku lilaga lia Yahova, muporofeti kutura Ivuyuda yazia Bezeli, ma naduuka yo ing'inga ya Jeroboamu yaali nasingiyi ha vwali kuhaana kihanwa.

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

2 Avami 17:13

Yahova yiganihiza Ivuyuda na Isiraeli kuvitira ku vaporofeti na vatumwa navoora, “Girung'ani kutura kuzinzira zienyu zindamanu. Gumiri malago gange ni miima jange kolondekana ni Lilaga liosi lia ndalaga avaguuga vinyu vahuliri kandi lia ndaha munyi kuvitira ku vatumikiri vange avaporofeti.”

Nehemia 9:30

Ivi wikuzira kuvo ku mihiga minyingi. Waviganihiza mu vwikuziri vunyingi. Wakola avaporofeti vovo komoloma. Navuzwa vasuura kuhuliriza, kunangwa ivi waleka vaguutwi na avandu vizihiiri zindi.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Jeremia 19:1

Yahova yambolera nzie kugura kiju chovodohi. Yambolera kandi nzie mbuguli valala ku vakulundu va vandu kandi valala ku vasaalisi vakulundu,

Jeremia 19:10

Kunangwa Yahova yambolera mbunanyie kiju imbiri wavandu vaali nivaziiyi harara ninzi,

Jeremia 25:4

Kali niiva Yahova yaazizagilira kutuma ku mwinyi avatumikiri veve avaporofeti, navuzwa si mwenya kuhuliriza mba.

Jeremia 7:25

Kutura ing'inga ya avaguuga vinyu vatura mukivala cha Egebeti kuduuka ing'inga yene yiyi, ndaazizagilira kutuma avatumikiri vange avaporofeti ku munyi.

Ezekieli 17:2

“Mwana wu Mundu, ovoolere avandu va Isiraeli lugano

Ezekieli 20:49

Maku ndaavoora, “O, Yahova Wuvunyali! Avandu vavoola ndi, uyu aveeye mundu omoloma mu zing'ano?”

Hosea 13:4

Yahova avoora, “Inzi mbeeye Yahova Nyasaye winyu, uwamuleta kutura mu kivala cha Egebeti. Si muveeye na Nyasaye wundi nataveeye Inzi. Inzi wengine mbeeye muhonyi winyu.

Hosea 3:1

Yahova yambolera, “Zia umanyie kandi vuyanzi vwuvwo ku mukali woovo okolaa kali niiva yayanzwa nu mundu uwundi na akolaa ovoheyi. Ivi kuduuka umuyanze vuzwa kuli inzi Yahova nyanza avandu va Isiraeli, kali niiva vagirung'ana nukuzia kuvanyasaye vandi kandi vayanza kuhaana vihaanwa viumuzabibu gwuminywa ku vifananyi.”

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Kyavalevi 23:42

Avandu va Isiraeli valamenya mu madiri kulwa madiku saba,

Amosi 7:14

Amosi yativura, “Amazia, inzi si mbeeye kulugano lwu muporofeti oporofetaa ku aduuki kutuungwa mba, anoho mwana wu muporofeti, navuzwa mbeeye vuzwa mwayi wi mitugu, kandi mulimi wi mikuyu ji mizabibu.

Livalidza 12:6

Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Vikolwa 2:17

‘Mu madiku ge keheri, Nyasaye avoora: Ndazuka Roho wange ku avandu vosi. Avana vinyu, avayaayi na vakana, valaporofeta makuva gange; vasoleri vinyu valalola malola, na vasakulu vinyu valalota maloto.

2 Vakorintho 12:1

Kuduuka nzekonye, kali niiva iliekonya zana siliveeye nichalikoonyaa mba. Navuzwa kalunu ndamoloma ku malola ni livuulirwa lia ndaahevwa nu Mwami.

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.