Hosea 11:9 - KITABU KITAKATIFU

⁹ Inzi si ndamuha mageri mu vutima vwange mba. Sindadiviza avandu va Isiraeli kandi mba. Inzi mbeeye Nyasaye na si mbeeye umundu mba. Inzi, oveeye Mutakatifu mbeeye ni munyi. Si ndaza ku munyi nu vutima mba.

Hosea 11:9 Iomraidhean Croise

2 Samweli 20:10

Amasa siyaali niyiikingi ku kivavi cha Joabu yaali nagumiyi mu mukono gwigwe gundi mba, maku Joabu yamutumita munda, na amala geege goosi gaasunduka hasi. Nonoho yakuza, kandi Joabu siyaaduya kandi mba. Ahene yaho Joabu harara na Amwavo weve Abishai valondelera Sheba.

Zaburi 46:5

Nyasaye aveeye mu lidaala linene yilio na silinyala kudivizwa mba. Mugambazuri mumavwevwe, Nyasaye alaza kukokonya.

Zaburi 78:38

Navuzwa Nyasaye yavererela avandu veve ligali. Yavasamiha uvwoni vwavo kandi siyavadiviza mba. Zing'inga zinyingi yigalira uvutima vwivwe vuvuli kutura, kandi siyaleka uvululu vwivwe vwosi vuduuki kuvo mba.

Zaburi 85:4

O, Nyasaye muhonyi vwitu ukwiranyie, kandi na olekele livihirirwa ku kunyi.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 41:16

Mulavwilura nimbuuza ilatulizamu mukuzi, kandi ilasalanyia mukuzi zana yigwo. Maku mulasangala kigira mulizominya inzi Yahova winyu, inzi Nyasaye Mutakatifu wa avandu va Isiraeli.

Isaya 48:9

“Ndalindagiriza uvutima vwange kunangwa avandu vaduuki kumwizominya, kandi sindamudiviza mba.

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Jeremia 26:3

Namusia avandu valahulira mavaleke zinzira ziavo ziuvudamanu. Niiva valahulira, Inzi ndagirung'anyia zing'anagani ziange ziukudiviza ziandoohiza kuvakolera kigira vikolwa viavo vwuvuchamu.”

Jeremia 30:11

Inzi nanzizi kumunyi kandi naamuhonyie. Inzi ndakadivizi zihiiri ziosi uwa inzi mali kumusalanyira, navuzwa sindamudiviza mba. Inzi sindaleka muzie vugira kohevwa amageri mba; navuzwa lwamuha mageri sinagave amalulu ligali mba. Inze, Yahova mali kovora.”

Hosea 12:1

Vuli kindu cha avandu va Isiraeli vakoola kutura mugamba zuri kuduuka vudiku, keveeye icha vuzwa kandi ichilidiviza. Vugadi kandi vikolwa viekirage viameedeka muvo. Valomba malagano navandu va Asiria kandi vahiraa maguta gimizeituni mu Egebeti.”

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Malaki 3:6

“Inzi mbeeye Yahova kandi singirung'anaa mba, kunangwa munyi, visukululwi via Yakobo, simulagota vosi ligali mba.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Kwidzulitsa 13:17

Kilala ku vindu viakalagirwa kudivizwa vitanyoleka ku mu makono ginyu mba, ma kandi Yahova agirung'ana kutura mu vutima vwivwe vululu; alamuveera zimbavasi, kandi alamukola muve avandu vanyingi kuli yasuuviriza avaguuga vinyu,

1 Samweli 26:8

Abishai yavolera Daudi, “Nyasaye umali kuviika musigu woovo mu zinguru zizio vudiku vwa lero. Kalunu leka mutumiti ni litimu lilie mwene lulala vuzwa kuduuka liduuki mumarova - sindamutumita kaviri mba.”