Hosea 11:6 - KITABU KITAKATIFU

⁶ Vulwani vuliva mu madaala gaavo manene, kandi navwononyie zitiru zievilivwa viavo nokoheliza lilohiza liavo.

Hosea 11:6 Iomraidhean Croise

Zaburi 106:39

Vekola aveene avadamanu ku vikolwa viavo, kandi vasigamira vifananyi viavo.

Zaburi 106:43

Yahova yahonyia avandu veve haali kanyingi, navuzwa vatovora kwibaala kuye, kandi vazizagilira kwiyingiriza mu vwoni vunyingi ligali.

Isaya 18:5

Imbiri wa mazabibu gagikiri kuvungizwa, lwa vimuli viosi vimali kuvunguluka kandi lwa mazabibu genga, musigu aladiviza avandu va Ezopia kuli muvano gukalagaa zisia kutura ku musaala gwu muzabibu.

Isaya 27:10

Lidaala linene liembinga litigaye mang'anye. Liing'anyiywi kuli ligendanyama iliere. Ligwiyi uvwayiru vwi mitugu, aha ginyala kososera nukwaaya.

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 9:14

Mu lidiku lilala vuzwa Yahova alahaana mageri ku aviimiliri va Isiraeli na vandu vacho; alavakalaga mitwi nimikira, amatu ga makindu nagividundu.

Jeremia 5:17

Valononyia vitagwa vienyu kandi viukulia vienyu; valiita avayaayi na avakaana vinyu. Valasinza mitugu jinyu kandi valononyia mizabibu ni mikuyu jinyu. Liihi liavo liladiviza amadara ginyu gizimbinga agamwasuuvira.

Jeremia 50:35

Yahova avoora, “Likuza ku Babiloni! Likuza ku vandu valio, ku vimiliri valio, ku vasaza valio vovogeri.

Lisyoma lya Jeremia 2:9

Virivwa vie lidaala linene lia Ziyoni via sikira hasi mumarova, kandi miluguyu javio jaavunika mu vidonye. Umwami kandi avandu vwi inyumba yu vwami kalunu vaveeye hagati hi zihiiri mu kivala chi lihaminywa, wi lilaga litaveeye. Avaporofeti si vaveeye na malola kutura ku Yahova kandi mba.

Ezekieli 20:47

Ovolere avandu visavalu vahuliri aga inzi Yahova Wuvunyali mboraa: Henza! Ndahambiza muliru, kandi gulasamba nukudiviza vuli musaala muvisi kandi vuli musaala mwumu. Muliru yigu sigulakasiminywi mba, gulakalande kutura Isavaalu kuduuka Ivaale, na gulakasambe vuli mundu.

Hosea 10:14

Muganda gwa vandu viliihi gulaza kulwaana vandu vinyu, kandi zimbinga zienyu ziosi ziladivizwa. Nalive lidiku kuli lwu mwami Shalimani yadiviza Lidaala linene lia Bezarabeli mu vulwani. Avamama harara na vana vaavo vashonoranywa mu vidonye kuduuka nivakuza.

Hosea 10:6

Kifananyi yiki kilagingwa nu kuhilwa mukivala cha Asiria keve kuli mutungu gwu vusuuru ku mwami munene. Avandu va Isiraeli valava mu zisoni kigira vasigamira kifananyi yiki.

Hosea 13:16

Avandu vilidaala lia Samaria valanyora mageri kigira vamali kwibaala ku inzi. Vosi valitirwa mu vulwani; avana vaavo valasionolanywa mu vidonye, na vakali vaavo avaveeye ni zinda valatemanywa.”

Hosea 4:16

Avandu va Isiraeli vaveeye avahindagirizi kuli zing'ombe. Inzi, Yahova nyara kuvalihiza ndi kuli vimeme viamagondi mu vwayiru?

Hosea 4:17

Avandu va Isiraeli vayanzizwa nivifananyi ligali. Muvaleke vave.

Kyavalevi 26:25

Ndaleta vulwani kumuha mageri kuvanza kisaalia kigira livunaganyia lilagana lietu, kandi kali nimuvunga mu madaala manene ginyu kwirukira mirembe, ndatuma zinguzu hagati hinyu zitahonaa mba na galamuniga mwihaane munyi aveene ku avasigu vinyu.

Kyavalevi 26:31

Ndakora madaala ginyu manene kugwa mang'anye, ndononyia havundu ahatakatifu hinyu hukusigamira vifananyi kandi ndasuura kuvugilira visiuviliru vienyu.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Amosi 6:8

Yahova Nyasaye Wanyala Viosi mu zinguru zizie umali kuhaana lieganihiza lie liesuha yili: “Mbihirirwa luyali lwa avandu va Isiraeli: Ndegelizaa zinyumba ziavo zie lielemeza. Ndahaana amadara gaavo manene harara na avandu vamenyi mugo ku avasigu vaavo.”

Mika 5:11

Ndakononyie madaala manene mu kivala chienyu nukusambula zimbinga zienyu.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Kwidzulitsa 28:52

Valamumbiriza nukumumwingilira mu vuli lidaala mu kivala cha Yahova Nyasaye winyu amuhezaa. Amadigi matambi gi zingaga aga mulisuuvira galagwa.

Kwidzulitsa 32:25

Liihi lilaleeta likuza mu zinzira; litihiza linene lilavingilira mu zinyumba. Avayaayi na vakana valakuza; avana vadoto anaho avasaakulu sivalalekwa mwoyo mba.