Hosea 11:4 - KITABU KITAKATIFU

⁴ Ndaavaleta nizimbavasi kandi nuvuyanzi. Ndaatuliza inara ku mavega gaavo, kandi nimbaliihiza.

Hosea 11:4 Iomraidhean Croise

2 Samweli 7:14

Ndava baba weve, naye alava muyaayi wange. Lwakola uvudamanu, ndamuha amageri kuli baba wumwana ahaanaa mageri ku muyaayi weve.

Zaburi 105:40

Vateva inyama naye yavaletera zisindu. Yavaha migadi kutura mwigulu niviguta.

Kutwula 16:32

Musa yavoola, “Yahova umali kukulaga kuviiki ku kegero kilala chi mana, engekeeke ivikirwi visukululwi vietu, kunangwa valaduuki kolola viukulia via yakuha kulie mu changalangwi ulwayakutuliza mu kivala cha Egebeti.”

Lwimbu lwa Solomoni 1:4

Umbuguli nzie nivi, kandi kwiluki mwami wange nivi, kandi kwiluki ove mwami wange na imbiri winyumba yooyo. Kulayaanza nukusangara harara, kulanwa iwaini, kandi kulayaanzana. Nicho kigira avakali vosi nivakuyaanza!

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Hosea 2:8

Si alamanyiriza ndi ni Inzi wamuha uvuswage, Iwaini, amaguta, ifeza kandi izahabu ya yatumikira mu lisigamira Baali mba.

Kyavalevi 26:13

Inzi, Yahova Nyasaye winyu, ndamuleeta kutura Egebeti kunangwa muvuli kuzizagilira kuva vatugwa vaavo mba. Ndaavunanyia zinguru zia avasigu vienyu kandi nimuleka mugende no vovoholore.”

Yohana 12:32

Lwa ndigingwa igulu ku musalaba nu kuhilwa mwigulu kutura mu kivala, ndang'usa avandu vosi sa mulala vaze ku inzi.”

2 Vakorintho 5:14

Vuyanzi vwa Kristo vukwamiihaa, kigira kumanya ligali ndi, umundu mulala yakuzira avandu vosi; agaveeye kovora ndi vosi vaasanga mu likuza lilie.

Kwidzulitsa 32:12

Yahova yeng'ine yimilira avandu veve vugira ovokonyi vwu munyasaye mugeni.

Kwidzulitsa 32:14

Yavaha isiagi, maguta namaveere kutura ku mitugu jaavo; zing'ombe ni zimburi ziavo ziahaana maveere manyingi. Vaali na magondi mamigu zimburi, nizing'ombe zindahi ligali kandi, viayo vie mitugu ja Bashani. Ingano indahi ligali kandi vanwa iwaini imbia.