Hosea 11:1 - KITABU KITAKATIFU

¹ Yahova avoora, “Lwa Isiraeli yaali mwana inzi ndamuyanza kandi ndamuranga kutura Egebeti kuli mwana wange.

Hosea 11:1 Iomraidhean Croise

Zaburi 129:1

Sa mulala ku vandu vi ihiiri ya Isiraeli avoole: “Avasigu vange vangubiza kivi ligali kutura mu vwana vwange!

Kutwula 19:4

“Mwalora aga inzi, Yahova ndaakola ku vandu va Egebeti na kuli ndamuginga kuli kihungu kigingiraa viminyu viacho ku zimbaha ziacho, kandi nimuleeta hano ku inzi.

Kutwula 4:22

Maku ulamuvoolera ligali ndi, Inzi, Yahova mboraa, ‘Isiraeli aveeye muyaayi wange wukutanga.

Kutwula 4:23

Ndaakovolera oleke mwana wange muyaayi azie, ku aduuki kusigamira, navuzwa ivi wasuula. Kalunu Inzi nziza kwita mwana woovo muyaayi wukutanga.’ ”

Isaya 43:4

Ndahaana zihiiri ziosi ku nduuki okumuhonyia, kigira munyi muveeye avuvuguli vudinyu ligali ku inzi kandi kigira nyanza munyi kandi muheezaa luyali.

Jeremia 12:7

Yahova avoora, “Inzi ndaaleka avandu va Isiraeli; inzi ndaasuura ihiiri yange endovole. Ndahaana avandu vange vandayaanza kuzingulu zia vasigu vaavo.

Jeremia 2:2

“Nzie kulandiza ku avandu va Jerusalemi amakuva yaga ndi: Inzi nzizuliza kuli mwaali avasuuvirifu lwa mwaali ni mukikiri avasoleri, kandi kuli mwaali nimwanyaanza lwa kwali harara nikwakaletana mulitanga; mwanonda kuvitira mu changalangwi, kuvitiramu kivala kitatagwa mu uvuguza.

Ezekieli 16:22

Mu ing'inga yilimenya lienyu lielivihiliriza kuli avandu vataveeye avasuuvirifu, si mwizulizaa ku kali hakuzu madiku govosoleli mba; kali lwa mwaali chahonyo nimwivaki masahi ginyu.”

Ezekieli 16:6

“Maku ndaavitiraho kandi nindora nimugaragaraa mu masahi ginyu. Mwaali nimwivaki masahi, navuzwa sindaali nyara koleka mukuzi mba.

Hosea 10:15

Yaga nigo agalikoleka ku munyi, avandu va Bezeli, kigira uvudamanu vwinyu vwukuvihiliriza vwa mumali kokora. Nonoho lwu vulwani vutanga, umwami wa Isiraeli alakakuzi.”

Hosea 12:13

Yahova yatuma muporofeti kuzia kosoola avandu va Isiraeli kutura muvutumwa mu kivala cha Egebeti kandi nukuvalinda.

Hosea 12:9

Navuzwa inzi, Yahova Nyasaye winyu uwa muletaa kutura Egebeti, ndamukora mumenye mumahema kandi, kuli mwakora lwa inzi ndaaza ku munyi muchangalangwe.

Hosea 13:4

Yahova avoora, “Inzi mbeeye Yahova Nyasaye winyu, uwamuleta kutura mu kivala cha Egebeti. Si muveeye na Nyasaye wundi nataveeye Inzi. Inzi wengine mbeeye muhonyi winyu.

Hosea 2:15

Wene yeyo, inzi ndamwiranyira milimi jije jie mizabibu, kandi ndakora Livona liu vudinyu kuva kiliango chi Lisuuvirizwa. Wene yeyo alakandivuliri kuli yativura lwa yaali nakikiri musoleri kandi lwa yaza kutura mu kivala cha Egebeti.

Malaki 1:2

Yahova avooreraa vandu veve, “Inzi ndamuyaanza zing'inga ziosi.” Navuzwa vandu vaativura, “Ivi ukuyaanza kuli ndi?” Yahova yativura, “Esau na Yakobo vaali avamwavo, navuzwa ndayaanza Yakobo.

Matayo 2:15

Yamenya yo kuduuka lwa Herodi yakuza. Yaga gekoleka gaduuki kuduukizwa agu Mwalni yavoola kuvitira mu muporofeti: “Ndaalanga Umwana wange kutura Egebeti.”

Kwidzulitsa 33:3

Yahova ayaanza avandu veve kandi akingaa yavo avaveeye aveeve. Kunangwa kusigama ha virenge vivie, nukuhulira malago geege.

Kwidzulitsa 7:7

“Yahova siyayaanza munyi kandi siyatovola munyi kigira mwavita avandu vi zihiiri zindi novunyingi mba. Nitali mwaali ihiiri engekeeke ligali ku lirova.