Hosea 10:12 - KITABU KITAKATIFU

¹² Inzi ndaavoora, ‘Mwenyelerizi kokora uvulungi munyi aveene, na mulanyola uvuyanzi vutaveeye nekeheri. Mutulizi vudamanu vwinyu, kigira ing'inga yiduuki yu kwenya Yahova, aduuki koleta ovohonyi ku munyi.’

Hosea 10:12 Iomraidhean Croise

Zaburi 105:4

Mwenyelerizi ovokonyi kutura ku Yahova wi zinguru mumusigamiri kazozo.

Zaburi 72:6

Leka mwami ave kuli imbura ikubaa ku vunyasi vukalagiywi, ave kuli lunyilira lusamaa lirova!

Tsing'ano 11:18

Avandu vachamu sivanyoola kindu mba navuzwa nokora agaveeye amalungi, ulanyora madanyi.

Tsing'ano 18:21

Amakuva agovoola galahonya livamwoyo anaho galalidiviza, kunangwa gakuduukiraa uvugiliri makuyu ga makuva googo.

Kohelethu 11:6

Utage vuguza ing'inga ya mugamba kandi ing'inga ya mugolova, kigira siumanya niiva viosi vilamera vulahi anaho vitagwa vilala vilakola vulahi kuvita vindi mba.

Isaya 30:23

Yahova alakubiza imbura ku vitagwa mu milimi jinyu, vilamera kandi vilava ni liama linyingi kandi mulava ni ligesa lilahi. Mitugu jinyu jilava nu vwayiru vunyingi.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 32:20

Vuli mundu alakave navuyanziki lwa mazi nagaveho muvunyingi agukusama ku vitagwa kandi nuvwayiru vunyingi havundu hoosi vwi zibunda kandi mitugu?

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 45:8

Inzi ndaleta liguuta kutura mu ligulu kuli imbura; avandu valetegeka konyoora liguuta yili kandi ovohonyi harara nilikalaga lirungi viduuki konyooleka mu lirova. Inzi, Yahova, ndakora yaga kokoleka.”

Isaya 48:18

“Mulava ni mwahulira amalago gange, ngano uvugasu vwayituluka ku munyi kuli migera ja amazi jilivula kukama mba. Kandi ngano mwaali muve ni liguuta kuli viguvuli via mazi ku inyanza.

Isaya 5:6

Ndakeleka keve hazwa, kandi ndaleka indiva emere mu, sindakesemberera mba. Si ndahalurira zisia zie mizabibu mba, anoho si ndalima mu kandi mba. Navuzwa ndaleka amafwa kandi zindavati zimere mu nu kukunika kizabibu choosi! Kali ndigalila amalesi gavuli kukubiza imbura ku cho.”

Isaya 54:14

Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

Isaya 55:6

Mugirung'ane muzie ku Yahova na musaale kuye, lwaveeye ahimbi.

Jeremia 50:4

Yahova avoora, “Lwing'inga yeyo iliduuka, avandu vombi va Isiraeli ni Ivuyuda valakaze nivalira, nivenya inzi, Nyasaye wavo.

Ezekieli 34:26

“Ndakagagasizi kandi ndakagaleke gamenye ahimbi ku kiguru change kitakatifu. Wene yeyo ndakagagasizi niimbura lwa nagave ni lienya.

Hosea 12:6

Kunangwa munyi visukululwi via Isiraeli, musuuviri mu Nyasaye winyu kandi mwirane kuye. Muve avasuuvirifu kandi vilikalaga lirungi, ma ku mulindiliri Nyasaye winyu kazozo.

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Hosea 6:3

Gendi kwenyelerizi kumanya Yahova. Alaza kukunyi kuli iliuva litongaa mugambazuri, kandi kuli imbura yu lunyilira kandi kuli imbura yi ing'inga yi lisembera ikubaa ku lirova.”

Hosea 8:7

Lwa vegomba imbuza valanyora kihuzuzi! Mulimi gwuvuswage ugutaama sigunyala kuva niligesa lie ingano mba. Navuzwa kali niiva ligesa liakaveeye mu avageni valavilia.

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Amosi 5:4

Yahova avoora ku vandu va Isiraeli, “Mwilane ku inzi na mulahona.

Amosi 5:6

Mwenye Yahova, na mulahono. Nimutenya Yahova, aliika hasi ku vandu va Isiraeli kuli muliru. Na muliru gulasamba vandu va Bezeli, nu mundu kali mulala sialagusiminya mba.

Amosi 5:8

Yahova yalomba zing'ereng'ani: Pleiadesi na Orini. Agringanyia kisundi kuva umbasu, na umbasu kuva uvudiku. Alanganga amazi kutura mu zinyanza, nu kugazuka ku kivala. Lieta lilie liveeye Yahova.

Luka 13:24

“Mukore zinguru kwingira mukiliango keng'erere; kigira avandu vanyingi valageriza kwingira mu Vwami vwa Nyasaye navuzwa sivalinyala mba.

Vikolwa 2:18

Yee, kali avatumikiri vange, avayaayi na vakana, ndazuka Roho wange kuvo, mu madiku yago kandi valaporofeta makuva gange.

2 Vakorintho 9:10

Nyasaye uhaanaa vuguza ku mumizi kandi chukulia chukutumikira alakuha uvuguza vwukumiza vwa mwenya; alavomeda kandi alakiriza ligesa liu vuhaani vwinyu vwosi.

Yakobo 3:18

Ligesa lia amakuyu gu vulungi limizwa mu mirembe na yavo avayaanzaa koleta mirembe.