Hosea 10:11 - KITABU KITAKATIFU

¹¹ “Avandu va Isiraeli vigizwa vulahi kuli kemoli chigizwa vulahi ichetegeki kuhuura uvuswage. Navuzwa ndaaganagana kuviika iniira ku mavega gayo amalahi kuvakola kuyinzira vudinyu. Avandu vi Ivuyuda valalima na vandu va Isiraeli valavusa.

Hosea 10:11 Iomraidhean Croise

Isaya 28:24

Siaveeye ho nu mulimi uzizagilira vuzwa kulima milimi jije nukujetegekiza kutaga mba.

Jeremia 28:14

Yahova Wuvunyali, Nyasaye wa avandu va Isiraeli, avoora ndi, alaviika iniira yi kivia ku zihiiri ziosi kandi zilatumikira mwami Nebukadineza wa Babiloni. Yahova avoora ndi, kandi alakola kali zinyama ziu mbulimu kutumikira mwami Nebukadineza.”

Jeremia 46:20

Egebeti eveeye kuli eng'ombe eveeye indahi ligali navuzwa ligugu limali kujingilira kutura Ivaale.

Jeremia 50:11

Yahova avoora, “Avandu va Babiloni, munyi mwalanya kivala change. Munyi muveeye nuvuyanzi kandi nuvusangali, muzizaa yiyi na yiyi kuli eng'ombe esenasena vuswage anoho kuli muliviti gwi zibarasi,

Hosea 11:4

Ndaavaleta nizimbavasi kandi nuvuyanzi. Ndaatuliza inara ku mavega gaavo, kandi nimbaliihiza.

Hosea 2:5

Mama wavo yakola ovoheyi, kandi yaavavereka mu zisoni. Yavoola, “Inzi ndazia kuvasaza vange, avambezaa viukulia kandi amazi, uvwoya vwa magondi kandi zinguvu, amaguta kandi Iwaini yange.”

Hosea 3:1

Yahova yambolera, “Zia umanyie kandi vuyanzi vwuvwo ku mukali woovo okolaa kali niiva yayanzwa nu mundu uwundi na akolaa ovoheyi. Ivi kuduuka umuyanze vuzwa kuli inzi Yahova nyanza avandu va Isiraeli, kali niiva vagirung'ana nukuzia kuvanyasaye vandi kandi vayanza kuhaana vihaanwa viumuzabibu gwuminywa ku vifananyi.”

Hosea 4:16

Avandu va Isiraeli vaveeye avahindagirizi kuli zing'ombe. Inzi, Yahova nyara kuvalihiza ndi kuli vimeme viamagondi mu vwayiru?

Hosea 9:1

Munyi avandu va Isiraeli, mutasangalira masavo ginyu kuli avandu vatamanyi Nyasaye mba. Mumali kugirung'ana kutura ku Nyasaye winyu kandi si muveeye avasuuvirifu kuyo mba. Mukivala choosi mwayiguliza kuli amalaya ku munyasaye Baali, kandi mwayaanza uvuswage vwa mwaganagana yaamutunga!

Mika 4:13

Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”

Varumi 16:18

Kigira avandu vu lugano yilu sivatumikiraa Mwami wiitu Kristo mba, navuzwa vahenderaa zinda ziavo veene. Ku makuva gaavo malahi, na guvugadi, vagotiza avandu vataveeye ni mbala.

Kwidzulitsa 25:4

“Utavoha munwa gwe eng'ombe lwa ugitumikiraa kuhuura vuswage mba.