Hosea 10:1 - KITABU KITAKATIFU

¹ Avandu va Isiraeli vaali kuli muzabibu munetu ugwama makuyu amanyingi. Lwa vaali ni linyola linyingi, nilwo lwa vumbaka uvwali vunyingi. Limeedeka liu vutugi vwi kivala chavo liavakola kolomba zitiru zia magina zindahi ziavasigamiraa.

Hosea 10:1 Iomraidhean Croise

1 Avami 14:23

Vumbaka havundu hukusigamira vanyasaye vuvugadi, kandi nivumbaka minaara ja magina kandi nivifananyi viu munyasaye wikikali Ashera, wavasigamira ku vigulu kandi mu viliiri vie misaala.

Jeremia 11:13

Avandu vi Ivuyuda vaveeye na avanyasaye avanyingi kuli vaveeye na amadara amanene, agavaveeye nago, kandi avandu va Jerusalemi valomba uvwali uvunyingi kuli zinzira ziveeye mu madaala manene nu kuhaanira ku visiuviliru ku Baali, nyasaye wu kuvihiliriza?

Jeremia 11:17

“Inzi Yahova Nyasaye Wuvunyali, ndaasimika avandu va Isiraeli kandi Ivuyuda kuli misaala, navuzwa kalunu ndavatiihiza ku lileta ikivi kuvo. Vamali kweletera yaga aveene, kigira vamali kokora vudamanu ligali; vamali kokora inze kuva nu vutima ku lihaana visiuviliru ku Baali.”

Jeremia 2:28

“Vaveeye haliha avanyasaye vamwelombera aveene? Leki vaze vamuhonyie ing'inga ya muveeye mu vudinyu. O, munyi avandu vi Ivuyuda, muveeye na avanyasaye avanyingi kuli amadara manene ga muveeye nago.

Hosea 12:11

Navuzwa vifananyi visigamirwa mu Gileadi, kandi yavo avavisigamira valakakuzi. Zigiriki zihaanangwa kuli kisiuviriru mu Giligali, kandi uvwali uwene yeyo navugwi vitumi via magina mu mulimi gwaalimwa.”

Hosea 12:8

Vavoola, ‘Kunyi koveeye avatugi ligali kandi; kunyi kumali kugwa avahinda. Si aveeyeho mundu unyala konyoora uvugadi, nuvuhinda vwitu vwosi mba.’

Hosea 13:15

Kali niiva avandu va Isiraeli valazizagilira kuviruka kuli indiva, ndatuma imbuza yikivi kutura Ivugwi mu changalangwe, na iluminya visenukiru via mazi kandi vidaho viavo. Ilatulizaho ivindu viavo viosi viuvuguli.

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Hosea 13:6

Navuzwa lwa mwaduuka mu kivala kilahi yiki, mwalia kuduuka ni mwiguta. Maku mwatanga liegingira kandi ni munzivilira.

Hosea 2:10

Ndamutuliza zinguvu zizie atigale chahonyo imbiri wa vasaza veve, kandi si naveho mundu kali mulala ulimuhonyia kutura mu zinguru ziange mba.

Hosea 2:8

Si alamanyiriza ndi ni Inzi wamuha uvuswage, Iwaini, amaguta, ifeza kandi izahabu ya yatumikira mu lisigamira Baali mba.

Hosea 3:4

Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Hosea 4:7

“Lwa munyi avasaalisi muveeye avanyingi, nilwo lwa mukolera inzi uvwoni vunyingi, kunagwa inzi ndakagirung'anyie luyali lwinyu kuva zisoni.

Hosea 8:11

“Uvunyingi vwu uvwali vwa avandu Vaisiraeli vamali kumbaka kuhaanilaku visiuviliru viu vwoni. Nilwo lwa vaveeye na havundu hanyingi hokokolera uvwoni.

Hosea 8:4

“Avandu vange vatovora avami yavo aveene. Vaatovora aviimiliri vugira inzi kumanya. Vaavugura izahabu yavo ni feza kandi nivalomba vifananyi iviaavadiviza.

Kyavalevi 26:1

Yahova yavoola, “Mutelomberi ivifanayi, anoho kusingiliza vifananyi vialongwa, anoho zitiru ziamagina anoho magina gavazwa kuvisigamira mba. Inzi mbeeye Yahova Nyasaye winyu.

Nahum 2:2

Yahova aveeye ahimbi kwilanyia vukumi vwa Isiraeli, kuli vaali kale avasigu vaavo ni vakikiri kuvadiviza.

2 Vakorintho 5:16

Kutura kalunu, kunyi sikukalagiraa mundu woosi kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva lia vandu kalunu sikokolaa ndio kandi mba.

Vafilipi 2:21

Avandu vandi vahenderaa vuzwa lienya liavo aveene, na sivahenderaa ivindu via Yeso Kristo mba.