Hosea 1:7 - KITABU KITAKATIFU

⁷ Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Hosea 1:7 Iomraidhean Croise

2 Avami 19:29

Maku Isaya yavolera mwami Hezekia, “Yiki nicho kelolero ku agaliekoleka. Muhiga gunu, kandi muhiga guzaa, ulalia vuswage vwu mu vulimu vweng'ine navuzwa muhiga gwa kavaga mulataga vuswage, ma muvogese, kandi musimiki mizabibu nu kulia makuyu gajo.

2 Avami 19:34

Ndakinga lidaala linene yili nu kulisoola liduuki kuhona, kigira uluyali lwange, inzi mwene, kandi kigira lisuuvirizwa liandalomba ku mutumikiri wange Daudi.’ ”

2 Avami 19:35

Vudiku vwene yivwo, engelosi wa Yahova yazia hokososera ha vandu va Siria ni yita avasikari 185,000. Na lwa vandu vavuuka mugambazuri mumavwevwe, lidiku lialonda ku, henza, avandu yava vosi vaali ni vakuzi!

2 Avami 6:18

Lwa Vasiria vavingilira, Elisha yasaala, “O, Yahova, vakuliza avasaza yava!” Yahova yamutivulira lisaala lilie kandi yakuya avasaza yavo ni livakula.

Zaburi 33:16

Mwami sianyala kuguuta mu vulwani kigira iliihi lilie lie zinguru mba, musikari sianyala kuguuta avasigu veve kigira zinguru zizie mba.

Zaburi 44:7

Navuzwa ivi umali kokohonyia kutura ku vasigu viitu, kandi nu kuvaguuta ligali yavo avakudunyiraa.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Kutwula 14:30

Lidiku yilio Yahova yahonyia avandu va Isiraeli kutura ku vandu va Egebeti, na avandu va Isiraeli vavalora nivaveeye avakuzu kulujinga lwinyanza.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Jeremia 25:5

Vaamuvolera mugirung'ane kutura kuzinzira zienyu zindamanu kandi ziu vuchamu, kunangwa muzizagiliri komenya mukivala cha Yahova yahaana kumunyi harara na avaguuga vinyu keve kuli miandu ji mihiga ni mihiga.

Jeremia 25:6

Vaamuvolera muvuli kusigamira kandi kutumikira avanyasaye vandi, kandi muvuli kokora Yahova ave nu vutima mu lisigamira vifananyi via mwalomba. Mulava ni mwatia Yahova, ngano si yamuha amageri mba.

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Hosea 1:8

Lwa Gomeri yaali niyaakalekera kunyunyia mukaana weve, yavereka kandi ma niyivura mwana muyaayi.

Hosea 11:12

Yahova avoora, “Avandu va Isiraeli vakumberizi novovehi kandi nuvugadi. Avandu vi Ivuyuda vakikiri avibaalu ku inzi, Nyasaye musuuvirifu kandi Mutakatifu.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

1 Samweli 17:47

Kandi avandu vosi avavungi hano valalola ndi Yahova siyeenyaa ivivavi na matimu, okohonyia avandu veve mba. Aveeye muguuti mu vulwani kazozo, na alaviika munyi mwosi mu zinguru zietu.”