Haggai 2:4 - KITABU KITAKATIFU

⁴ Navuzwa kalunu kali mundu mulala ku munyi atakuza mwoyo mba. Mukore miyinzi kigira mbeeye harara na munyi.

Haggai 2:4 Iomraidhean Croise

2 Samweli 5:10

Yaazizagilira kugwa nizinguru zing'inga ziosi kigira Yahova Nyasaye Wanyala Viosi yaali naye.

1 Kyetsinyinga 22:13

Niiva ulahulira malago goosi ga Yahova yaaha Musa kigira Isiraeli, ulagasizwa ligali. Uguluhi ove wi zinguru kandi muluviliri. Utatia mba kandi utahenda mwoyo mba.

1 Kyetsinyinga 28:20

Mwami Daudi yavolera muyaayi weve Solomoni, “Uve mugulu kandi muluviliri. Tanga likora miyinzi na utaleka kindu kali kilala kukusingiriza mba. Yahova Nyasaye wange, alava harara nivi. Yahova si alakoleka mba. Alava nivi kuduuka lwi miyinzi yigi josi jiu vwumbaki vwi Litembeli lilie gitweeka.

Ezara 10:18

Yaga na mita ga vasaza vaali na vakali avageni: Avasaalisi: Kutura mu ihiiri ya Joshua mwana wa Zadoku na vamwavo veve vaali: Maaseia, Elieza, Jaribu na Gedalia.

Ezara 5:2

Lwa Zerubabeli mwana wa Shealitieli na Joshua mwana wa Jehozadaki vahulira makuva ga vaporofeti yava, vatanga kwumbaka uvuhia Litembeli mu Jerusalemi. Avaporofeti vaviri yava vakonyana navo.

Kutwula 3:12

Nyasaye yamuvolera, “Inzi ndava harara nivi, na lwa utuliza avandu yava mu Egebeti mulakasigamiri ku kiguru yiki. Yicho kilava kimanyiru ndi inzi mali kukutuma.”

Haggai 1:13

Maku Hagai yahaana makuva ga Yahova ku vandu: “Inzi ndakave na munyi; yili ni lilagana liange.”

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Zekaria 8:9

“Muve nuvuluviliri! Kalunu muhulira makuva malala mere gavaporofeti vamoloma ing'inga yu muse gwi litembeli liange gwaali gwumbakwa vuhia.

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Vikolwa 7:9

“Avaguuga viitu yavo vaali nembodoka ku Josefu, ni vamuguliza kuva mutugwa mu Egebeti. Navuzwa Nyasaye yaali harara naye,

1 Vakorintho 16:13

Mulindi, musingiri vudinyu mu lisuuvira lienyu, muve valuviriri, kandi muve ni zinguru.

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

Kwidzulitsa 31:23

Maku Yahova yamoloma ku Joshua, mwana wa Nuni namuvolera, “Ove umugulu kandi muluviliri. Ulimilira avandu va Isiraeli kuduuka mu kivala cha ndavasuuviriza, na Inzi ndava harara niivi.”

Joshua 1:6

Ove mugulu kandi muluviliri, kigira ivi ulava mwimiliri wa vandu yava lwa vava nivavugura kivala yiki icha ndasuuviriza avaguuga vaavo ndi ndavaha.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Vakalagi 2:18

Vuli ing'inga lwa yahova yahaana vakalagi ku vandu va Isiraeli, yakonya vakalagi yava vave nivo avahonyia vandu kutura ku vasigu vaavo madiku goosi gavalange vakalagi; kigira Yahova yalange ni zimbavasi kuvo lwavanyoolaa uvusaliru ni lidambizwa kutura ku vasigu vaavo.

1 Samweli 16:18

Mulala ku vatumikiri veve yavoola, “Jese, wi lidaala lia Bezelehemu, aveeye nu muyaayi oveeye mwimbi kandi ukubaa vukana vulahi. Aveeye musaza muluviliri kandi wi ligondo lilahi musikari wi liihi mulahi kandi mimolomi mulahi. Yahova aveeye harara naye.”