Haggai 2:22 - KITABU KITAKATIFU

²² kandi nziza kuguuta vwamihi no koheliza zinguru ziavo. Ndakatungaminyi magare gaavo gu vulwani, harara na vahiri vago. Zibarasi zilakakuzi kandi vahiri vi zibarasi valakitane.

Haggai 2:22 Iomraidhean Croise

2 Kyetsinyinga 15:6

Ihiiri ndala yadambiza ihiiri yindi, kandi lidaala linene lidambiza lidaala linene lindi, kigira Nyasaye yaali naleti uvudinyu ni kivi kuvo.

2 Kyetsinyinga 20:22

Lwa vatanga kwimba nu kwizominya Yahova, Yahova yingilira avasaza vi liihi lia Amoni, Moabu kandi vi kiguru cha Edomu avaari nivaazi kulwaana Ivuyuda, na vaguutwa.

2 Kyetsinyinga 20:23

Liihi lia Amoni na Moabu viikiruka kutulira iliihi lia Edomu kandi nivavadiviza vosi ligali. Lwa vaali ni vakaviita, avasaza va Amoni na Moabu viirana kwikirukana aveene ku vene, na viitana aveene ku vene.

Zaburi 46:9

Aherizaa uvulwani ku lirova liosi; Avunanyia uvuta, kandi yononyia amatimu kandi asambaa zinguva.

Zaburi 76:6

O, Nyasaye wa Yakobo, lwa wavatiihiza zibarasi na vahiri vazio vaagwa hasi nivakuza.

Kutwula 14:17

Ndakora vandu va Egebeti vadinye mioyo jaavo navo vingiri munyanza kuvalondelera inyima wavo, kandi ndanyoora uluyali ku vuguuti vwange ku Mwami, liihi lilie, magare geege gu vulwani, kandi avahili vi zibarasi veve.

Kutwula 14:28

Amazi girana nigakunika amagare gu vulwani, navahili vi zibarasi harara niliihi liosi lia vandu va Egebeti iliali nililondeleye avandu va Isiraeli munyanza; kali mulala kuvo siyatigala mba.

Kutwula 15:19

Avandu va Isiraeli vagenda kuvitira munyanza ku lirova liumu. Navuzwa lwa magare ga vandu va Egebeti harara nizibarasi ziavo kandi navahili vazio vazia munyanza; Yahova yiranyia amazi ni gavakunika.

Kutwula 15:4

“Yasiuva liihi lia vandu va Egebeti kandi magare gi liihi gaavo munyanza. Aviimiliri valio avalahi ligali vasiuvwa munyanza Inzakanyu

Isaya 19:2

Yahova avoora, “Ndaleta uvulwani mu kivala cha Egebeti, na vuli mundu alalwana na amwavo weve, kandi mutende alalwana nu mutende weve, madaala manene gahimanaa galalwaana na madaala manene gandi, kandi vami vahimana valalwaana na vami vandi.

Isaya 60:12

Navuzwa zihiiri anoho uvwami vuvura kumutumikira, vuladivizwa ligali.

Isaya 9:19

Kigira Yahova Wuvunyali uvihiliriywi, lihaana mageri geege lisaamba kuli muliru mu kivala choosi kandi vudiviza avandu, na sihaveeye ho numundu overereraa amwavo weve mba.

Ezekieli 21:27

Hazwa! Hazwa! Inzi ndakora lidaala yili kuva hazwa! Navuzwa yaga si galakoleka mba kuduuka mundu uwa inzi mali kotovola kuhaana mageri ku lidaala yaza. Maku inzi ndakamuhe.

Ezekieli 26:16

Maku avanene vosi avamenyi ahimbi ninyanza navaturi ku zindeve ziavo ziu vwami, navatulizi zinguvu ziavo ziamangilinya kandi navatulizi zigaanza ziavo. Navave mulitiihizwa linene ligali kigira vuduamanu vwinyu, kali sinavalekele kodegera mba.

Ezekieli 38:21

Nangore Goga kuva nuvuti kandi kivi choosi. Inzi Yahova Wuvunyali mali kovora, avandu veve valakitane aveene ku aveene.

Ezekieli 39:20

Komesa yange, zilakalie zinyama zie zibarasi harara na vahiri vazio, avasikari kandi vasaza vuvulwani. Inzi Yahova Wuvunyali mali kovora.”

Danyeli 8:25

Kigira aveeye mundu mugadi, alazizagilira kokora vulahi mu vugadi vwivwe. Alava ni lielola kandi aladiviza vandu vanyingi vugira lieganihiza. Kali alakachaye mwami munene ku vosi, navuzwa alakadivizwi vugira zinguru ziu mundu.

Amosi 2:15

Kandi avasaza vovuta sivalasingira, avezimbiru sivalanyagula kwehonyia, kandi vasaza vi zibarasi sivalahonyia livamwoyo liavo, ku lidiku liene yilio.

Mika 5:10

Yahova avoora, “Mu lidiku yilio, ndatuliza ho zibarasi zienyu nukwononyia magare ginyu gu vulwani.

Mika 5:15

Kandi mu vutima vwange vonene ligali, ndavanza kisaalia ku zihiiri ziosi iziavula kutia inzi.”

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Mika 5:9

Isiraeli valakaguuti avasigu vaavo kandi valakavahonye vosi.

Mika 7:16

Zihiiri valalola yaga ma vave muzisoni kali nivaveeye nizinguru. Mu lihendizwa mwoyo, valakunika minwa jaavo namakono, nukuhanyia amatu gaavo.

Zefania 3:8

Yahova avoora, “Kulwayago mulindi kuduuka lwi lidiku liduka lwa singira kukalagira zihiiri.” Inzi mali kusaavira kuvungiza zihiiri kandi uvwamihi, kunangwa vaduuki kuhulira zinguru ziu vutima vwange vululu. Muliru gwu vutima vwange vululu guladiviza lirova liosi.

Zekaria 10:11

Lwa navavitiri mu inyanza yi kivi, inzi, Yahova, ndakakiling'anye viguvuli kandi mugera gwa Naili gulakakame. Liegingira lia vandu va Siria lilakikizwi, kandi vandu va Egebeti vi zinguru valakagotizi zinguru ziavo yaga.

Zekaria 10:5

Avandu vi Ivuyuda valakaguuti kuli vasikari vaduvagira vasigu vaavo mu madohi gizinzira. Valakalwaane kigira Yahova aveeye harara navo, kandi valakaguuti kali avasigu valiva ku zibarasi.

Zekaria 12:9

Ing'inga yene yeyo ndakadivizi vuli ihiiri ilakagelizi kwingilira Jerusalemi.

Zekaria 14:3

Maku Yahova alakatuli nu kulwaana zihiiri yizio kuli yakola maziambiri.

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Zekaria 9:10

Yahova avoora, “Ndakatulizi magare gu vulwani kutura mu Isiraeli, kandi ndavugura zibarasi kutura mu Jerusalemi; ndakononyie uvuta vwu vulwani. Mwami winyu alakaleete mirembe hagati hi zihiiri, alakamiihi kutura ku inyanza kuduuka ku inyanza, kandi kutura ku mugera gwa Efurate kuduuka ku keheri chi lirova.”

Matayo 24:7

Ihiiri ilavukira ihiiri yindi; uvwami vulavukira uvwami vundi; halavaho ni zinzara kandi kodegera kwi lirova ihale nihale.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Vakalagi 7:22

Lwa vandu va Gidioni vaali nivakikuba ivisiriva, Yahova yakola vasigu vosi avaari mu hokososa nivatanga kulwaana aveene na vene ni vivavi viavo. Viiruka kuzia kolovega lwa Zarezani kuduuka Bezishita, kali kuduuka mu lidaala lia Abeli-mehola ahimbi Tabazi.

1 Samweli 14:16

Avasaza va Saolo yavika ku vulindi mu kivala cha Benjamini valora vandu va Filisitia nivanyagura yiyi na yiyi mu lidandana.