Haggai 2:17 - KITABU KITAKATIFU

¹⁷ Ndaatuma kihuzuzi kandi imbura ya magina kudiviza vindu viosi via mwageliza kutaga, navuzwa si mwiganira mba.

Haggai 2:17 Iomraidhean Croise

Litanga 42:23

Josefu yaamanyiriza gavavoola, navuzwa si vamanya mba, kigira vaali nivamolomangi naye kuvitira mu mugirung'anya.

Litanga 42:27

Havundu havagona mu vudiku, mulala yigula mu musigo gwigwe atulizimu chukulia ahe ibunda, na yalora mabese geege ha munwa gwu musigo.

Litanga 42:6

Josefu, kuli munene wi kivala cha Egebeti, yaguliza vuswage ku avandu kutura mu lirova liosi. Kunangwa avamwavo Josefu vaza ma nivasigama imbiri weve nivahenza hasi.

1 Avami 8:37

“Lwa haveeye ni inzara mu kivala anoho maduywa, kinga kemeyi, anoho uvuguku anoho zisigi anoho zingungu; anoho lwa vasigu vakumbiriza madaala manene goosi, anoho lwi kivi kiduukaa anoho vulwaye nivuza hagati haavo,

2 Kyetsinyinga 28:22

Lwu uvudinyu vwa Ahazi vwa medeeka ligali, kandi naye yameda kwona ku Yahova mbitilira kuvita maziambiri.

2 Kyetsinyinga 6:28

“Lwi inzala eveeye ho mu kivala anoho vulwaye vudamanu, anoho kemeyu ni vitagwa viononywa, anoho zisigi anoho lwa vasigu vakumberiza avandu vovo, kinga lwa haveeye ho nu vulwaye anoho ulukuzu ku vandu vovo,

Ayubu 36:13

“Yavo avataveeye na Nyasaye mu mioyo jaavo, vazizagiliraa kuva nu vutima; Kandi kali lwa vahevangwa mageri, sivaniraa ovokonyi mba.

Zaburi 128:2

Ulalia makuyu go logeli lulwo, ulasangala nokonyoora uvugasu.

Zaburi 78:46

Yatuma zisigi kulia vitagwa viavo nukwononyia milimi jaavo.

Isaya 28:2

Yahova aveeye nu mundu mulala Wuvunyali kandi wizingulu wetegeki kuvingilira uyu uliizaa kuli imbura ya magina, kuli imbura yologelera, kuli kiihi cha mazi manene ganyagulaa vwangu vwangu, na alavazooma hasi nukuvaguuta.

Isaya 37:27

Avandu vamenya mu madaala manene yago, vaali vugira zinguru; vatihizwa nokohendizwa mwoyo. Vaali kuli vunyasi mu mulimi anoho kuli indiva ivirukaa kwigulu kwi inyumba lwimbuuza yu kudiviza kutura Ivugwi.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Isaya 62:8

Yahova umali kwisuuha nu mukono gwigwe mulungi kandi ku zinguru zizie ndi, “Inzi si ndahaana uvuswage vwinyu kuva chukulia ku vasigu vinyu mba, kandi avageni si valanwa iwaini yinyu mba.

Isaya 9:13

Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Jeremia 3:24

Navuzwa lisigamira Baali nyasaye wizisoni, limali kokora kogotizi iviayo ni mitugu kandi navana vayaayi na vakana, nivindu viosi iviavaguuga viitu vanyola muliyinzira vudinyu kutura muzing'inga ziakale.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Amosi 4:6

Yahova avoora, “Inzi ndaleta inzara, mu madaala ginyu manene goosi, navuzwa munyi simwirana ku inzi mba.

Haggai 1:11

Inzi mali koleta kimeyu mu kivala choosi: ku vigulu, mu milimi ju vuswage, mu milimi ji kizabibu kandi mu milimi ja mizeituni, kandi ku vuli kitagwa kimeraa, ku vandu, zinyama kandi ku vuli kindu cha mugerizaa kutaga.”

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.

Haggai 1:9

“Mwasuuvira mulanyola ligesa linyingi, navuzwa mwanyoola ligesa likekeeke. Lwa mwaleeta yengo via mwagesa, ndaviononya. Ndakora ndio kigira Litembeli liange liveeye amang'anye, na vuli mundu ku munyi ayinziraa vudinyu ku inyumba yeeye.

Haggai 2:16

niiva mundu alazia ha kitumi chu vuswage ni lisuuvira ndi alanyoola zikiloguramu 200, navuzwa alanyoola vuzwa zikiloguramu 100. Niiva alazia kudaha iwaini zilita 100 kutura mu libiba, navuzwa alanyoola vuzwa zilita 40.

Malaki 3:11

Sindalekazingeza ziononye vitagwa vienyu mba, kandi ji mizabibu jinyu jilama makuyu manyingi.

Kwidzulitsa 28:22

Yahova alamuleetera zinguzu zihambizanaa, mavimba no lodegela, kandi kemeyu nuvukindu vuhiu kudiviza vitagwa vienyu. Kivi yiki kilava harara ni munyi kuduuka lwa mukuza.

Likunula 2:21

Mali kumuha vwiyangu aduuki kwiganira ovoheyi vwivwe, naye siyenya kwiganira no koleka ovoheyi mba.