Habakuk 2:3 - KITABU KITAKATIFU

³ Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Habakuk 2:3 Iomraidhean Croise

2 Avami 6:33

Yaali nakikiri kumala livoora yaga lwu mwami yaduuka navoora, “Ni Yahova umali kokora vudinyu yivu vwosi vuuzi ku kunyi! Kigira ki ni ndiliri kuduuka lwa Yahova akola kindu kokokonya?”

Zaburi 102:13

Ivi ulasingira nokovererera Ziyoni zimbavasi; ing'inga iduuki yukulivera zimbavasi. Yiyi niyio ing'inga indahi idukanaa.

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Kutwula 12:41

Lidiku liu kumalirika lie mihiga 430, zihiiri ziosi zia avandu va Yahova ziatula mu kivala cha Egebeti.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 7:4

Umuvolere ahenzerizi kandi yiituliri na atatia anoho kukuza mwoyo mba. Uvutima vwu mwami Rezini na Vasiria veve kandi mwami Peka sivaveeye nuvuhimwa ligali kuli mwoki gwi vigenga viviri mba.”

Isaya 8:17

Yahova yiivisi kutura ku vandu veve, navuzwa inzi musuuviraa kandi mbikaa lisuuvirizwa liange muye.

Jeremia 27:7

Zihiiri ziosi ziramutumikira, kandi ziratumikira muyaayi weve kandi nu mwisukulu veve kuduuka lwa ing'inga iduuka lwa kivala chiche umwene kilakahele. Hene yaho, zihiiri zinyingi harara na avami vanene ligali valakamukole kuva avatugwa vaavo.

Ezekieli 12:25

Inzi Yahova ndakamolome kuvo, kandi agandivoola galakekoleke. Lilindagilira si lilakaveho kandi mba. Mulimenya lienyu, munyi mwibaara, ndakakole agaamali kumwiganihiza ndi ndakora. Inzi mali kovora,” Yahova Wuvunyali avoora.

Ezekieli 30:9

“Lwi lidiku yilio liliduuka, kandi lwa vandu va Egebeti lidivizwa, inzi ndakatumi avatumwa ni zimeri kuvukiza vandu va Ezopia avataveeye ni limanya, na valakatiihizwi. Lidiku yilio lizaa!”

Danyeli 10:14

Mali kuduuka kunangwa ivi uduuki kumanya agazizaa kwekoleka ku vandu vovo mu madiku gaaza.” Yaga namalola kigira makuva gaaza.

Danyeli 11:27

Maku avami vaviri yava valakikale nu kulira komesa indala, navuzwa zing'anagani ziavo zilakave zindamanu, kandi mulala alakagade wache. Si valakanyore chavenyaa mba, kigira ing'inga ya cho ilakave nikikiri kuduuka.

Danyeli 11:35

Valala ku vimiliri vageri valakitwi, navuzwa kigira yaga vandu vanyingi valakatakaswe. Yiki kilakazizagiliri kuduuka lwe keheri kilakaduuki, ing'inga ya Nyasaye amali kotovola.

Danyeli 8:17

Kunangwa Gabirieli yaza nasingira ahimbi na inzi; ndaali nuvuti ligali, kandi ndaagwa hasi. Yambolera, “Mwana wu mundu, gakuduukiraa umanye cha malola yaga gavoora. Gaveeye kigira keheri chi lirova.”

Danyeli 8:19

Yambolera, “Ndakuvuulira mativuli gu vutima vwa Nyasaye kuli vulakave. Malola yaga gamanyiaa ing'inga ye keheri.

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Mika 7:7

Navuzwa kulwa inzi, ndahenza ku Yahova yeng'ine. Ndalindilira Nyasaye wange mulisuuvira ligali, ulimbonyia. Nyasaye wange alambulira.

Zefania 3:8

Yahova avoora, “Kulwayago mulindi kuduuka lwi lidiku liduka lwa singira kukalagira zihiiri.” Inzi mali kusaavira kuvungiza zihiiri kandi uvwamihi, kunangwa vaduuki kuhulira zinguru ziu vutima vwange vululu. Muliru gwu vutima vwange vululu guladiviza lirova liosi.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Luka 2:25

Kunangwa yaali ho mundu mu Jerusalemi walangwa Simioni; yaali mundu mulungi kandi uwatia Nyasaye niliehozeliza. Mundu uyu yalindilira vohonyi vwa Isiraeli kandi Roho Mutakatifu yaali kuye.

Vikolwa 1:7

Navuzwa Yeso yavavolera, “Sigaveeye aginyu munyi kumanya zing'inga anoho madiku ga Baba yavika ho mwene mu zinguru zizie.

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

Vagalatia 4:2

Lwa akikiri mwana muke aveeye hasi ha valindi kandi avasingiliri vi vindu vivie kuduuka ing'inga ya baba weve yalaga.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.