Habakuk 1:4 - KITABU KITAKATIFU

⁴ Malago sigaveeye ni zinguru mba, kandi gaveeye vuzwa, vulungi sivokolwaa mba. Avandu vadamanu vanyoola vindu vilahi via vandu valungi, kandi vulungi vuchaminywaa.

Habakuk 1:4 Iomraidhean Croise

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

Ayubu 21:7

Kigira ki avandu vachamu vamenya, vaduuka kuva avasaakulu nokomedeka kuva nizinguru?

Zaburi 11:3

Avalungi valakola ki, niiva misingi jaavo jilononywa?”

Zaburi 119:126

O, Yahova, ing'inga iduuki ivi kokora kindu, kigira avandu vavunagi amalago googo.

Zaburi 22:12

Avasigu vanyingi vaangumbirizi kuli zigiriki; vosi vaangumbirizi kuli zigiriki zimbalava kutura mu kivala cha Bashani.

Zaburi 22:16

Kiduma cha avandu vadamanu kingumbirizi; vambodong'ani kuli kiduma chi zimbwa zinduru pa. Vatandulanyia makono nivirenge viange kuli isimba.

Zaburi 59:2

Ombonyie ku yavo avakolaa uvudamanu. Ombonyie kutura ku yavo avalumindi!

Zaburi 59:4

Vanyagura zimbiru, nukwetegeka kunyingilira ku lihiolo litali liange. O, Yahova, singira, ongonye; henza ku vudinyu vwange! Na uuze kongonya welolere ivi mwene,

Zaburi 94:3

O, Yahova, vachamu valasangala kuduuka ng'inga ki? Valasangalira uvudamanu vwa vakora kuduuka ng'inga ki?

Kutwula 23:2

Utalonda uvunyingi vwa vandu lwa vaakora uvudamanu anoho agiligali lwahaana lilolekiza lio vovehi kugirung'anyia agiligali mba.

Kutwula 23:6

“Utachaminya likalaga liu vulungi ku mudaka lwa aduukaa imbiri wi kiyaalo mba.

Isaya 5:20

O, vayaayi, kivi keveeye ku yavo avalangaa uvudamanu kuva uvulahi, na avalangaa uvulahi kuva uvudamanu! Mugirung'anyia kisundi kuvo uvulavu, nu uvulavu kuva kisundi. Mukoraa yicho ekeveeye kilulu ligali kuva kenoru kuli uvwuki, na yicho ekeveeye kenoru kuva ikilulu ligali.

Isaya 59:12

“Yahova, mahiolo giitu gaveeye manyingi imbiri woovo. Amahiolo giitu gaveeye ni kunyi kazozo, kandi kunyi kumanya uvwoni vwitu vwosi ligali.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Jeremia 12:6

Kali avamwavo vovo, avandu vinyumba yooyo yene, vamali kukuzaama; vasanga mulingililwa liilio. Utavasuvira mba kali niiva vamoloma amakuva malahi.”

Jeremia 26:8

kandi lwandaali nindakamara komoloma goosi aga Yahova yaali niyandagi kovora, vangumira nivahanzuka, “Gakuduukiraa witwi kulwayaga!

Jeremia 8:7

Kali amagungu gaamanya ing'inga yu kwirana; kali amakuulu, ziminyi na amang'oani gaamanya ing'inga yu kung'anya. Navuzwa avandu vange munyi, si mwamanya amalago gange aga mwamiihiraa mba.

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Hosea 10:4

Avandu yava vamoloma mang'ana gavuzwa, kandi valomba lilagana liavuzwa kandi indagano yavuzwa. Kunangwa vakoli likalaga lirungi kuva likalaga litaveeye lirungi kuli indiva yi sumu ku vitagwa mu mulimi.

Amosi 5:12

Kigira inzi manyi kuli mahiolo ginyu gaveeye manyingi kandi manyi kuli uvwoni vwinyu voveeye vonene ligali. Munyi mudambiza avalungi nukuvugula viambeti; mwigaliranga avadaka vavuli konyoora likalaga lirungi liavo mu viyaalo.

Amosi 5:7

Munyi mudivi avagirung'anyia uvulungi kugwa uvudamanu, avagadaa avandu kutura ku vulungi vwavo.

Marko 7:9

Yeso yavavolera kandi, “Munyi muveeye ninzira yu vugadi, yu kusuura amalago ga Nyasaye kunangwa muduuki konyoora inzira yokolonda amigizu ginyu aveene.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.

Vikolwa 7:59

Lwa vaali nivamulasa amagina, Sitefano yasaala navoora, “Mwami Yeso, vugula mwoyo gwange!”

Varumi 3:31

Kunangwa gaduukanaa kwononyie Lilaga kigira lisuuvira yili? Awa! Si gaveeye ndio kali hakuzu. Navuzwa kudinyirizaa Lilaga.

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.