Filemona 1:21 - KITABU KITAKATIFU

²¹ Mbeeye ni lisuuvira ndi, lwa ng'oda yaga ku ivi, ulakola aga ngoteva, kandi manya ligali ndi ulakola ligali agambooraa kali kuvita.

Filemona 1:21 Iomraidhean Croise

Varumi 2:19

kandi niiva oveeye ligali ni limanya ndi ivi mwene oveeye umwimiliri ku vavoku, na uvulavu ku vandu vosi avaveeye mu kisundi,

2 Vakorintho 2:3

Kivuni chagira ning'oda ibarwa yeyo chaali ndi, lwa nziza yaho kuluuta munyi, mburi kuva ni livererizwa na yavo avenyekaa vanyaanzize. Mbeeye ni lisuuvira ndi lwa mbeeye nu vuyanzi, kandi munyi mwosi muveeye nu vuyanzi kuli ndio.

2 Vakorintho 7:16

Mbeeye nu vuyanzi ligali kigira kalunu nyara kusuuvira munyi ligali mu makuva goosi.

2 Vakorintho 8:22

Kunangwa, kutumaa amiitu Mukristayo wundi harara na vaamitu yavo. Kwamala kumugeriza haali kanyingi ma kwamunyoola ndi aveeye nilienya kokoonya kazozo. Kalunu kigira aveeye ni lisuuvira linene mu munyi, kandi aveeye nilienya ligali kokoonya.

Vagalatia 5:10

Navuzwa ngikiri ni lisuuvira ni munyi kuvitira mu Mwami ndi, simulava nu mwoyo gundi kali mulala kutura ku aga ndaamuvolera mba, navuzwa ku vosi umukubizaa kivi alava ni likalagirwa lilie mwene na Nyasaye, kali naava naveeye vwaha.

2 Vatesalonike 3:4

Kunyi koveeye ni lisuuvirizwa linene mu Mwami ndi munyi mukoraa kandi mulazizagilira kokora ivindu via kumulaga.