Filemona 1:17 - KITABU KITAKATIFU

¹⁷ Kunangwa, niiva uganaganaa kuvugiliraa inzi kuva kuli umulina woovo, mwaza mwingilizi yirani ku ivi kuli unyala kunzingiriza.

Filemona 1:17 Iomraidhean Croise

Matayo 10:40

“ Uyu uwingirizaa munyi, yingirizaa inzi, kandi uyu uwingirizaa inzi, yingirizaa uyu uwanduma.

Matayo 18:5

Ku vosi uwingirizaa umwana mukekeeke kuli uyu ku lieta liange, yingirizaa inzi.

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Vikolwa 16:15

Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”

2 Vakorintho 8:23

Tito aveeye mulina kandi ayinziraa harara ninzi kokoonya munyi; kandi kigira avaamitu vandi vaazaa harara naye yavo, vaveeye avatumwa kutura mu makanisa, kandi valeta uvukumi ku Kristo.

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Vafilipi 1:7

Gaveeye malungi inzi kuganagana ndio ku munyi mwosi, kigira muveeye mu mwoyo gwange kazozo! Munyi mwosi muveeye avasangi harara ninzi mu zimbavasi zia Nyasaye yahaana ku inzi, lwa mbeeye muvuhambe kalunu, kandi ing'inga ya ndaali umuvoholore kosoola Ivangeri kandi kugidinyiriza ligali.

Filemona 1:10

Kunangwa ngogonya ligali mu vogono vwa Onesimasi, oveeye mwana wange mu Kristo; kigira lwa mbeeye mu vuhambe, mali kuva baba weve mu roho.

Filemona 1:12

Nguyu mutumaa yirani ku ivi kandi aveeye umuyanze wu mwoyo gwange ligali.

Filemona 1:18

Niiva yakwonera ku kindu choosi, anoho niiva naveeye niligovi liilio liosi, yaanza uviiki ku inzi chazana.

Vahebraina 3:1

Kunangwa, avaamitu vange vatakatifu, avilisanga mu lilangwa lia Nyasaye, muviiki zing'anagani zienyu ku Yeso, wa Nyasaye yatuma kuva Musaalisi Munene wilisuuvira lia kulandizaa.

Vahebraina 3:14

Kunyi koveeye avasangi harara na Kristo, niiva kulagumila lisuuvira lietu kuduuka kukeheri kuli lia kwaali nalio mulitanga.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

1 Petro 5:1

Inzi, oveeye mukulundu wache, mbolera avakulundu vi livugana avaveeye hagati hinyu. Inzi mbeeye umuloli wuvusaliri vwa Kristo, kandi mbeeye umusangi wu vukumi vuliloleka.

1 Yohana 1:3

Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo.