Ezara 9:8 - KITABU KITAKATIFU

⁸ O, Yahova Nyasaye wiitu, kalunu ku ing'inga engekeeke, ivi umali kukumanyia liyaanzilira kandi okoli valala kukunyi kohononoka kutura mu vuhambe nokomenya mu mirembe havundu hatakatifu hano. Ivi umali kokovoholora kutura mu vuhambe kandi okoheeye livamwoyo lihia.

Ezara 9:8 Iomraidhean Croise

2 Avami 19:4

Mwami wa Asiria umali kutuma Rabishake, munene wa vanene veve kuuza konyega Nyasaye oveeye mwoyo. Yahova Nyasaye woovo ahuliri manyego yago nu kuhaana mageri ku yavo avagamolomaa. Kunangwa saali ku Nyasaye kigira avandu yavo avatigara mwoyo.”

Ezara 9:9

Kunyi kwali avatugwa navuzwa ivi si wakoleka mu vutugwa mba. Wakola mwami wa Pasia nakuyaanza kandi na kuvugilira kuzizagilira komenya kandi nu kwumbaka uvuhia kandi nu kwumbaka uvuhia Litembeli liilio, iliali niliagwa mang'anye. Wahaana kukunyi likingwa kandi nikomenya mu mirembe mu Ivuyuda kandi Jerusalemi.

Nehemia 1:11

O, Yahova, hulira lisaala liange kandi lisaala lia vatumikiri vovo vosi avenyaa kuhaana luyali ku ivi. Yaanza ungasize kalunu, inzi mutumikiri woovo, okole mwami ambeere zimbavasi.” Mu madiku yago ndaali musingiliri wi iwaini yu mwami.

Nehemia 9:31

Navuzwa mu zimbavasi ziveeye zinene, ivi siwavaleka kinga kuvaadiviza mba; kigira ivi oveeye Nyasaye wizimbavasi kandi wi livererera!

Ayubu 33:30

Nyasaye ahonyia livamwoyo liu mundu kutura mu vogo, kandi aduuki kolola uvulavu vwi livamwoyo.

Zaburi 13:3

O, Yahova, Nyasaye wange, ombeenze na undivuliri. Unzilanyili zinguru ziange, na utaandeka nguzi mba.

Zaburi 13:4

Utaleka avasigu vange vavoole, “Kumali kumuguuta.” Utaleka vasangaliri liigwa liange mba.

Zaburi 138:7

Lwa ngumbirizangwa nikivi, ivi unindaa nukukinga inzi. Ivi uhingiraa avasigu vange vuvutima vululu; kandi ombonyia ni zinguru zizio zinene.

Zaburi 34:5

Avadambi vasuuvira mu Yahova, kandi vaveezaa nuvusangali.

Zaburi 85:6

Ulavula kukwiranila na okohe liiva lihia kandi, kunangwa avandu vovo kuduuki kusangalira ivi?

Tsing'ano 29:13

Mundu mudaka nu mundu mudambizi vaveeye kindu kilala, Yahova yavaha vombi lilola.

Kohelethu 12:11

Zing'ano ziu mundu mugeri ziveeye kuli zimbimbu zinzugi zia vayi va magondi vatumikira kulinda magondi, kandi zing'ano ziayavungiza zilamenya kuli misumari giduyiywi vudinyu. Zing'ano yizi ziahaanwa na Nyasaye, mwayi wiitu vosi.

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 14:3

Yahova alasosiza avandu va Isiraeli kutura ku vusaliri nu vuzunu vwavo, kandi kutura ku miyinzi midinyu javanigirwa kokora.

Isaya 56:5

hene yaho, lieta liilio lilizulizwa mu Litembeli liange kandi mu vandu vange ku ing'inga indambi kuvita lwa waali ove na vayaayi kandi navakaana. Siulivilirwa kali hakuzu mba.”

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Jeremia 42:2

ni vavoola, “Mwaza yaanza okole agakokoteeva! Ukusaviri ku Yahova Nyasaye wiitu. Ukusaaliri kunyi vosi avamali kutigala. Mulitanga kwaali avanyingi, navuzwa kalunu koveeye vuzwa avakeekeke avatigara kutura mu avanyingi, kuli ivi mwene ololaa.

Jeremia 44:14

Sialakaveho nu mundu kali nulala ku avandu vaatigara Ivuyuda kandi avaazia komenya Egebeti ulihononoka anoho ulihona mba. Sialakaveho nu mundu kali mulala kuvo ulirana nitali vataveeye vakekeeke ku avahaalirayo.”

Ezekieli 14:22

Kali niiva mulala ku vandu yava alatigala kandi ahonyie avana veve avakaana na vayaayi, lwa vaza ku ivi, uvahenze olole kuli vaveeye avadamanu, ulavugilira ndi amageri gambana ku Jerusalemi gaveeye malungi,

Hosea 6:2

Inyima wa madiku gaviri, alakokola kove avahia; ku lidiku lia kavaga alakusingiliza, kandi kulamenya muye.

Habakuk 3:2

O, Yahova, inzi mali kuhulira ga umali kokora, kandi mbeeye nu vuti vunyingi vwi vikolwa vivio. Kola ndio kalunu mu ing'inga yitu vikolwa vinene viawakolaa. Okoveere zimbavasi, kali lwa oveeye nu vutima.

Zefania 3:12

Navuzwa ndakaleke hagati hinyu avandu vegehizi kandi avahocha; valakenye ovokonyi kutura kuinzi.

Zekaria 10:4

Avamihi aviimiliri, na vahaani va malago, valakatuli muvo; avalakamiihi avandu vange.

Zekaria 8:12

Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.

Zekaria 8:6

“Gaamanya galoleke gokogenyia ku vandu vahononoka mu madiku yaga, si galava gokogenyia ku inzi mba.

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;

Likunula 3:12

Uyu ugutaa uvulwani, ndamukora itiiru mu Litembeli lia Nyasaye wange. Sialazia ichova walio kandi mba: ndang'oda kuye lieta lia Nyasaye wange, kandi lie lidaala lia Nyasaye wange, Jerusalemi imbia, likanga kutura mwigulu ku Nyasaye wange. Kandi ndang'oda kuvo lieta liange lihia.

1 Samweli 14:27

Navuzwa Jonazani siyaali naahuliiyi baba weve naadegeriza vandu ni kilaamo mba, kunangwa yanyira esonga yi imbimbu ya yaali nayo mu mukono, nadongeriza mu lisang'asa liu vwuki, ma nalia. Nonoho yahulira vulahi ligali.

1 Samweli 14:29

Jonazani yativura, “Ni kindu kidamanu ki yiki cha baba wange akoli ku vandu viitu! Lola kuli inzi nzihulira vulahi ligali kigira mali kulia vwuki!