Ezara 9:6 - KITABU KITAKATIFU

⁶ Inzi ndaavoora, “O, Nyasaye, inzi mbeeye ni zisoni kuginga mutwi gwange igulu imbiri woovo. Uvwoni vwitu vumali kuva vunyingi ligali, imbiri woovo.

Ezara 9:6 Iomraidhean Croise

Litanga 13:13

uwa vandu valio vaali avachamu kandi vakora uvwoni ku Yahova.

1 Avami 8:47

huliriza ku lisaala lia vandu vovo. Niiva wene yeyo mu kivala yicho valiganira nukusaala ku ivi, niviganira vwoni vwavo kandi vudamanu vwavo, hulira lisaala liavo O, Yahova.

2 Kyetsinyinga 28:9

Haali ho nu muporofeti wa Yahova, uwalangwa Odedi wamenyaa mu lidaala linene lia Samaria. Yagana ni liihi lia Isiraeli liali nivirana na vahambe kutura Ivuyuda lwa vaali nivaveeye ahimbi kwingira mu lidaala linene ma navavoolera, “Yahova Nyasaye wa vaguuga vinyu yavihilirwa na vandu vi Ivuyuda ma naleka munyi muvaguuti; navuzwa kalunu umali kuhulira kuli munyi mu vasinzi mu vutima vonene vugira livelererwa, kali yaga goosi gaduuki mwigulu.

Ezara 9:13

Kali inyima wi vindu yivi viosi vimali kokoleka ku kunyi mu lihevwa mageri kigira uvwoni vwitu nu vudamanu vwitu koveeye ni limanya ndi, ivi Nyasaye wiitu, umali kuhaana mageri ku kunyi. Navuzwa uvwoni vwitu vwali uvunyingi ligali kuvita mageri ga kumali konyoora. Nitali mulikola yaga goosi, umali kuvugilira kunyi komenya.

Ezara 9:15

O, Yahova Nyasaye wa Isiraeli, ivi oveeye wi likalaga lirungi, kigira umali kuvugilira komenya. Kwiyama uvwoni vwitu ku ivi na sikoveeye nuvulungi kusingira imbiri woovo mba.”

Nehemia 1:6

Mbenza O, Yahova na uhuliri lisaala liange lwa salira avatumikiri vovo, avandu va Isiraeli, mbasu nuvudiku. Nziyamaa ndi kunyi, avandu va Isiraeli harara na avaguuga viitu kwa kola vwoni imbiri woovo.

Ayubu 40:4

Henza, Inzi simbeeye kindu ligali mba; nyala kukutivulira ki? Sindageriza kovora kindu kindi choosi mba.

Ayubu 42:6

Kunangwa, inzi mbeeye nizisoni ku goosi aga inzi mali kovora, kandi nzivakaa luguchi ni ligoke ukumanyia lieganira liange.”

Zaburi 38:4

Uvwoni vwange vunguniki kali kuduuka kumutwi gwange kuli musigo muliduhu, ugwa inzi ndakavuli kuginga.

Zaburi 38:5

Kigira uvusiru vwange, zingwagu ziange ziafunyaa vugundu kandi ziagundaa.

Kutwula 32:31

Musa yirana ku Yahova navoora, “Avandu yava vamali kokora uvwoni vonene ligali, na velombeeye umunyasaye wizahabu.

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 59:12

“Yahova, mahiolo giitu gaveeye manyingi imbiri woovo. Amahiolo giitu gaveeye ni kunyi kazozo, kandi kunyi kumanya uvwoni vwitu vwosi ligali.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Jeremia 31:19

Kunyi kwasuula ivi, navuzwa nulwazana kwenya kwirane kuive. Inyima lwa waari nuwakakuha amageri, kwinaminya mitwi jiitu mu vovereri. Kwali muzisoni, kigira kwakora uvwoni nikuveeye avasoleri.’

Jeremia 51:9

Avageni vamenyi mu kivala yicho vavoola, ‘Kwageliza kokonya Babiloni, navuzwa sikwanyala mba. Gendi kuvaleke kalunu na kwilane mukivala chiitu. Nyasaye amali kuhaana amageri ku vandu va Babiloni ni zinguru zizie ziosi kandi umali kuvadiviza ligali.’ ”

Jeremia 6:15

Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Lisyoma lya Jeremia 3:42

“Kunyi kumali kokora uvwoni nukwibaala, na ivi, O, Yahova, siukusamihi mba.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Kyavalevi 26:40

“Navuzwa aviisukulu vienyu viliganira uvwoni vwavo nu uvwoni vwa vaguuga vaavo vahing'ana inzi kandi nibaala ku Inzi.

Luka 15:21

Mwana weve yamuvolera, ‘Baba ndayonera Nyasaye kand ivi. Sindukani kulangwa mwana woovo kali hakuzu mba.’

Luka 18:13

“Navuzwa musololi wu vusuuru uyu, yasingira ihale. Siyaali anyala kali kuginga vweni vwivwe aheenze mwigulu mba, nitali yiduya ku kiritu chiche navoora, ‘O, Nyasaye, inzi mbeeye mwoni. Ombere zimbavasi!’

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Likunula 18:5

Kigira uvwoni vwalio vuvungi kitumi kuduuka mwigulu, kandi Nyasaye wizulizi uvudamanu vwalio.