Ezara 5:8 - KITABU KITAKATIFU

⁸ “Ivi mwami wuluyali, kwakayaanzi kukumanyia ndi, kwazia kuduuka mu kivala chi Ivuyuda. Kwanyoora ndi Litembeli lia Nyasaye munene liumbakwa uvuhia na magina manene ligali, kandi zimbaho ziavikwa mu madigi galio. Miyinzi jikolekaa nilimanyiriza kandi jizizagilira vulahi ligali.

Ezara 5:8 Iomraidhean Croise

Ezara 2:1

Yava nivo avandu vi kivala avaatura mu lihaminywa, avu Mwami Nebukadineza yaali naahiri Babiloni mu kivala chi lihaminywa. Viirana Jerusalemi kandi Ivuyuda vuli mundu yazia mu kadaala keke.

Ezara 5:7

“Ku mwami Dariasi, yaanza wamihi mu mirembe.

Ezara 5:9

“Maku kwateeva aviimiliri va vandu vakovoolere nivwaha wavaha vunyali kwumbaka uvuhia Litembeli kandi kuviikamu iviju.

Ezara 6:10

Yaga gaduuki kokoleka kunangwa vaduuki kuhaana visiuviliru vivugilirwa ku Nyasaye wi Ligulu, kandi vaduuki kusaala Nyasaye ahaane uvugasu ku Inzi harara na vana vange.

Ezara 6:4

Madigi galio galumbakwa nulwalo lulala lie misaala igulu wa vuli vwalo vuvaga vwa magina. Mitungu josi jilatungwa kutura mu livikiru lie inyumba yu vwami.

Ezara 7:23

Kuduuka muhaane kindu choosi icha Nyasaye wu mwigulu yenya kigira Litembeli lilie, kunangwa avuli kuva nu vutima ninzi noho na vami vamiiha inyima wange.

Nehemia 11:3

Mu madaala manene gandi na madaala makekeeke, avandu va Isiraeli, avasaalisi, vandu va Levi, avasaza vayinziri mu Litembeli, na visukululwi va avatumikiri va Solomoni vamenya mu miandu jiavo vene mu madaala makekeeke gaavo. Yava nivo avandu vo losoma lwi kivala chi Ivuyuda avamenyaa mu Jerusalemi:

Nehemia 7:6

Avanyingi ku avilihaminywa vatura mu kivala cha Babiloni nivirana Jerusalemi kandi Ivuyuda, sa mulala mu lidaala lilie liene. Avizinyumba vaavo vaali nivamenyi mu lihaminywa mu kivala cha Babiloni kutura ing'inga ya Nebukadineza yavahila yo kuli avahambe.

Esther 1:1

Yaga nigo ageekoleka mu ing'inga yu mwami Ahasuero, uwamihaa ivivala kuvita 127, kutura India kuduuka Ezopia.

Esther 1:22

Yatuma zibarwa muvivala viosi ivia yamiha ku vuli kivala na vandu mu lulimi lwavo kandi ling'oda liavo aveene, nizivooraa ndi, vuli musaza kuduuka yamihi inyumba yeeye, kandi amolome nu vunyali vwivwe vwosi.

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Danyeli 2:47

Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Danyeli 3:26

Kunangwa Nebukadineza yisunda ahimbi nu muliango gwi kisambiru cho lomemo lwu muliru nalaangaa, “Sadaraka! Meshaka! Abedinego! Avatumikiri va Nyasaye Munene! Tuli ichova!” Nonoho vatura ichova.

Danyeli 4:2

Hulirizi ku vindu viu kogenyia kandi vilolekizu via Nyasaye munene amali kumanyia.

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Kwidzulitsa 10:17

Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

Kwidzulitsa 32:31

Avasigu vaavo vamanya ndi, avanyasaye vaavo aveene vaveeye avadedekere sivaveeye ni zinguru kuli Nyasaye wa Isiraeli mba.