Ezara 5:12 - KITABU KITAKATIFU

¹² Navuzwa kigira avaguuga viitu vaakora Nyasaye wi ligulu kuva nu vutima, yavakola nivaguutwa nu mwami Nebukadineza wa Babiloni, mwami wa Kalideani. Yadiviza Litembeli kandi navugura vandu naavahira Babiloni mu vuhambe

Ezara 5:12 Iomraidhean Croise

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

2 Avami 25:1

Mu muhiga gwa tisa gwi liamiiha liu mwami Zedekia, mu mweli gwi likomi, ku lidiku lie likomi; Nebukadineza mwami wa Babiloni yaza harara na vasaza vi liihi lilie vosi kwingilira Jerusalemi, ni valikumbiriza, ni vumbaka amahema gu vulwani ku zinduru zia Jerusalemi.

2 Kyetsinyinga 36:20

Yaahira mu vuhambe yavo vosi avaahononoka mu Babiloni yavo vosi avaari ni vahononoki kutura ku kivavi; na vaagwa avatumikiri veve kandi avi kisukururwi chiche kuduuka lwu vwami vwa Pasia vwatanga kwamiiha.

Zaburi 106:40

Kunangwa Yahova yaali nu vutima vonene ku vandu veve, kandi yavihilirizwa ligali navo.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Jeremia 5:29

“Navuzwa inzi Yahova, ndahaana amageri kuvo kigira vindu yivi; ndavanza kisaalia ku ihiiri yiyi.

Jeremia 51:59

Yaga na makuva ga inzi Jeremia ndahaana ku Seraya mwana wa Neria, mwisukulu wa Mahiseya, lwa yazia Babiloni nu mwami Zedekia wi Ivuyuda mu muhiga gwa kane gwi liamiiha lilie.

Jeremia 52:12

Ku lidiku lie likomi, mweli gwakatano, mu muhiga gwa 19 gwi liamiiha liu mwami Nebukadineza wa Babiloni, Nebuzaradani mwani wi zing'anagani wu mwami kandi mwimiliri wi liihi lilie, yaza Jerusalemi.

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Kwidzulitsa 31:17

Lwa yago galiekoleka, ndakave nu vutima vonene ligali. Ndakavaleke kandi valakadivizwi. Amaduywa gukutihiza, manyingi ni kivi galakavagwiri, ma kandi valakamanyirizi ndi vindu yivi viekoleka kuvo kigira inzi, Nyasaye wavo simbeeye navo kandi mba.

Kwidzulitsa 32:30

Mundu mulala anyala ndi kuguuta avandu elefu ndala? Anoho avandu vaviri vanyara ndi kuguuta avandu zielefu likomi? Yahova Nyasaye wavo umali kuvaleka; Nyasaye wi zinguru wavo umali kuvaleka.

Vakalagi 2:14

Kunangwa Yahova yaali nu vutima ovonene ligali ku Isiraeli, na yavahana mu makono ga vanuuri avavanuula. Yaleka avasigu vaavo vosi ahimbi navo kuvavita ni zinguru, na ndio vandu va Isiraeli vadaka kuli vanyara kwikinga aveene.

Vakalagi 4:2

Kunangwa Yahova yavaleka nivaguutwa na Jabini, mwami wa Kanaani uwamihaa lidaala lia Hazori. Mwimiliri wiliihi lilie yaali Sisera, uwamenyaa ha Haroshezu Hagoimu.

Vakalagi 6:1

Avandu va Isiraeli vaakora uvwoni imbiri wa Yahova, kandi Yahova yaleka avandu va Midiani vavamiihi ku mihiga saba.