Ezara 4:6 - KITABU KITAKATIFU

⁶ Mu litanga liu vwamihi vwu Mwami Zerikisezi, avasigu va vandu vamenya mu Ivuyuda na Jerusalemi vaali namayalo gang'odwa kuvo.

Ezara 4:6 Iomraidhean Croise

Litanga 26:21

Avatumikiri va Isaka vayava kidaho kindi, kandi avayi valembanira ku. Kunangwa kidaho yicho chalangwa “Uvusigu”.

Ezara 4:5

Mu ing'inga ya Sairasi yaali mwami wa Pasia kandi kali kuduuka lwa Dariasi yagwa mwami wa Pasia, vazizagilira kuha avanene vu vwamihi viambeti kunangwa vakole miyinzi jivuli kuzizagilira.

Esther 1:1

Yaga nigo ageekoleka mu ing'inga yu mwami Ahasuero, uwamihaa ivivala kuvita 127, kutura India kuduuka Ezopia.

Esther 1:10

Ku lidiku lia saba, lie lilia linene lilie mwoyo gwu mwami gwaali nigoveeye nu vusangali kigira iwaini yayanweezaa. Kunangwa yalanga viziri saba, avaari vatumikiri veve, Mehumani, Biziza, Haribona, Bigiza, Abagiza, Zezari na Karikasa.

Esther 2:16

Kunangwa mu mweli gwi likomi, ugwalangwa Tebezi, mu muhiga gwaakola saba gwi liamiiha liu mwami Ahasuero, Esiteri yahilwa ku mwami Ahasuero munyumba yu vwami.

Esther 3:8

Maku Hamani yavolera umwami, “Ihiiri ndala eveeye ho iyasalanywa mu vuli kivala cha ivi wamihaa. Amalago gaavo gaveeye lugano kutura ku aga vandu vandi. Kuvita goosi sivahulira amalago gu vwamihi mba. Kunangwa sivoveeye vulahi ivi wikuziri ku avandu yava mba.

Danyeli 11:2

Ganzizaa kokovoolera kalunu, gaveeye ga giligali.” Engelosi yavoola, “Avami vandi vavaga vazizaa kwamiiha kivala cha Pasia. Yava valakalondwe nu mwami wundi wa kane uliva nu vutugi kuvita vandi vosi. Lwu lusuma lqu vutugi vwivwe luliva lwakalanda ligali alakatange vulwani nu vwamihi vwa vandu va Guriki.

Danyeli 9:1

Dariasi kutura mu kivala cha Medi, yaali muyaayi wa Zerikisezi kandi yaali mwami mu kivala cha Babiloni.

Matayo 27:37

Higulu hu umutwi gwigwe vang'oda ho agavamuyalira kuli ndi, “UYU NIYIE YESO, UMWAMI WA VAYUDA.”

Vikolwa 24:13

Sivanyala kololekiza imbiri woovo ndi amayaalo gavanzaalira ku ivi gaveeye agiligali mba.

Vikolwa 25:7

Lwa Paolo yaduuka, Avayuda avaari nivatuli Jerusalemi vamukumbiriza nivatanga kumuyaara na makuva malulu ga vaali si vakanyali kovora agiligali gago mba.

Likunula 12:10

Ndaahulira kandi mwoyo munene mwigulu nigovoora, “Kalunu ovohonyi vwa Nyasaye wiitu vumali kuduuka! Kalunu Nyasaye umali kumanyia zinguru zizie kuli Mwami Munene! Kalunu Mesia weve umali kumanyia uvunyali vwivwe ku lirova liosi! Kigira Setani sialasingira imbiri wa Nyasaye wiitu nu kuyaala avaamitu mbasu nu vuduku mba! Setani umali kukungwa kutura mwigulu nu kwagulukizwa hasi!