Ezara 4:2 - KITABU KITAKATIFU

² Kunangwa vazia kolola Zerubabeli navimiliri vizihiiri ma nivavoora, “Leki kusange nimunyi mu liumbaka Litembeli. Kunyi kusigamira Nyasaye mulala mwere wa munyi musigamira, kandi kunyi kuhaana visiuviliru kuye kutura ing'inga ya Esarihadoni mwami wa Asiria yakutuma komenye hano.”

Ezara 4:2 Iomraidhean Croise

Litanga 10:11

Kutura mukivala yicho yazia Asiria ma ni yumbaka madaala manene ga Nineve, Rehobozi Iri, Kala,

2 Avami 17:24

Mwami wa Asiria yaleeta avandu kutura mu madaala manene ga Babiloni, Kuzi, Ava, Hamazi, Sefarivaimu, avamenye mu madaala manene ga Samaria, kuvugura vogono vwa vandu va Isiraeli avahilwa mu vuhambe. Vavugura Samaria kandi Ni vamenya mu madaala ga lio.

2 Avami 17:41

Kunangwa avandu yavo vasigamira Yahova, navuzwa vasigamira kandi ivifananyi viavo; kandi kuduuka ku lidiku linu, visukululwi viavo vizizagilira kokora malala meere.

2 Avami 19:37

Lidiku lilala, lwa yaali nasigamira munyasaye weve Nisiroki mu litembeli, avayaayi veve vaviri, Adurameleki na Sharezeri, vamwita ni kivavi, ma ni vilukira mu kivala cha Ararati. Muyaayi weve wundi Esarihadoni yavugula ovogono vwivwe kuli mwami wa Asiria.

Ezara 1:5

Maku aviimiliri vi zihiiri zie Ivuyuda kandi Benjamini, avasaalisi na vandu va Levi, kandi vosi ava Roho wa Nyasaye yaayugiza, vetegeka kuzia kwumbaka uvuhia Litembeli lia Yahova mu Jerusalemi.

Ezara 2:2

Aviimiliri vaavo vaali harara na: Zerubabeli, Joshua, Nehemia, Seraya, Reelaya, Modekai, Bilishani, Misipa, Bigivai, Rehumu na Baana. Livaliza lia vasaza mu vandu va Isiraeli liali kuli ndi:

Ezara 3:12

Avanyingi ku avasaalisi vakulundu, avandu vinyumba ya Levi, kandi aviimiliri vizihiiri vaali nivalora Litembeli liukutanga. Maku lwavaalora musingi gwi Litembeli yili niguvikwa, vaalira nivasioma. Navuzwa avandi vaaliho vahanzuka nuvuyanzi.

Ezara 3:2

harara na Joshua mwana wa Jehozadaki, avasaalisi vache, na Zerubabeli mwana wa Sheyalitieli, harara naviiko veve; vumbaka vuhia uvwali vwa Nyasaye wa vandu va Isiraeli, kunangwa vaduuki kusambira ku visiuviliru kuli gang'odwa mulilaga lia Musa umundu wa Nyasaye.

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Zaburi 73:8

Vamoloma vindu viu vudamanu, kandi vasekeriza avandu vandi, vaveeye ni liegingira kandi valohiza kudambiza avandi.

Isaya 37:37

Maku Senakeribu mwami yirana namenya mu lidaala linene lia Nineve.

Isaya 37:38

Lidiku lilala, lwa yaali nasigamira munyasaye mu litembeli liu munyasaye weve uwalangwa Nisiroki, avayaayi veve vaviri, Adirameleki na Sharezeri, vamwita nivivavi viavo, ma nivahalira mu kivala cha Ararati. Muyaayi wundi walangwa Esarihadoni - yamiha mu vogono vwivwe kuli mwami.

Hosea 14:3

Avandu va Asiria si valakohonyia mba; zibarasi ziu vulwani si valakukinga mba. Si kulavoolera vifananyi vietu kandi ndi ‘Munyi muveeye Nyasaye wiitu mba.’ O, Yahova, okoveere zimbavasi kigira si koveeye nuwundi mundu wakuzia ku mba.”

Vagalatia 2:4

kali niiva valala venya akevwe. Amakuva yaga gaatulira kigira avalala ku avaamitu vingira mu kiduma chiitu machiriri kuli vatunyirizi vaduuki kutunyiriza ovovonolore vwitu vwa koveeye navwo kuvitira mu Kristo Yeso. Venya kokokola kove avatugwa.